Eclesiastés 4:9 - La'aqtaqa Ñim Lo'onatac 'Enauacna 2013

⁹ Qaq ỹactec da 'onaxaic da dos caua ntaueetega't shiỹaxau', cha'aye ishet da lta'araic cam ỹachegoxotraigui dam lo'onataxanaxa'c.

Eclesiastés 4:9 Referans Kwoze

Proverbios 27:17

Da qaiqueuoc ca lcat qalaq qaira'a ca nqueuogaxanaxat lcat, qaq nache 'eetec ca ỹale da maiche ỹaỹamaxaañi da lataxac ca lỹa ỹale.

Génesis 2:18

Qaq ime nache Ñim Lo'onatac 'Enauacna maye Nataxala' 'enapeco': «Sa ỹaỹamaxañi da 'oonolec da shiỹaxaua. Aỹem so'ot qome ca ntaunaxaua.»

Marcos 6:7

Ime, nache ỹataxana't soua doce lamaxa'she, nache ỹama'q, dostega't naqa'en. Qataq ỹanema soomaye da na'añaxac da yaqto' ỹo'oldaue'c na saqcha'a na'añaxac leguemaxaicpi maye netaigui na shiỹaxauapi,

Números 11:14

Aỹem, mashe saishet da ñerote' da sauectac ne'ena shiỹaxauapi, cha'aye mashe sa ñalo'oguet, ỹapac qapa'atta.

Juan 4:36

Qaq cam deqataxaatac, camaye ỹaconeguet ca nsheetenaguec. Qaq nam ala na nañiguishec maye nqattac namaye naigui ca nca'alaxa maye chochaq tatec. Yaqto' cam danaxaatac qataq cam deqataxaatac ishet da 'eeta'a't da ntootapigui'salo.

Hechos 13:2

Qaq huo'o so na'a'q co'ollaq somayepi ỹo'ottac so llo'oxonnataxanaxac Ñim Nataxala', qataq nqouaqchettac, nache So Saqcha'a Na'añaxac Qui'itta 'enapego' somayepi, 'eeta': –Qauỹochiỹauga qome ñi Bernabé qataq ñi Saulo, ime, nache qoñiỹapegalo da je'c do'onataxaaleguete dam sanaguilo lo'onataxanaxa'c maye huo'omshe seỹaxanalo.

Rut 2:12

¡Qaq Ñim Nataxala', 'am isheeten qome! ¡Ñim Nataxala' maye Natamnaxala' na Israel le'ecpi, maye 'auanaỹa da yaqto' 'am npaxaalec, Ñimaye isheeten qome 'enauac nam 'auo'otpi!

Hageo 1:14

Qaq 'era da 'eetec Ñim Nataxala' da ỹa'añaqchet so Zorobabel, maye nta'a ye Judá, qataq so Josué maye lataxala' so ntaxaỹaxanaxanecpi, qataq 'enauac so laỹepi nhuo' le'ecpi. Nache somayepi jec da do'onataxan da ỹo'ot so lma' Ñim Nataxala' maye Qaica ca Ỹaqalanapec,

2 Juan 1:8

Qaq maxatchaxa qome qanchilỹañi yaqto' saishet da qauqataqchichi 'enauac nam no'on maye qami' so'otaxaque. Cha'aye da saishet da nache qoñiitec de'era, nache qami' saishet da qauacoñiiguet cam ỹataqta nalochiguiñi qansheetenaguiiqui maye chegoqo'ot Ñim Lo'onatac 'Enauacna.

Eclesiastés 4:8

ca ỹale 'oonolec, qaica ca nauochaxaua, qataq qaica ca llalaqpi qataq ca lqaỹañecpi, sanauane' da cara'acolec da nmatec, qataq saỹauano' da naloqten da huo'otaq ỹapacauec da lsallaxa, qataq saishet da nnatteguela't: «¿Negue't cam talec qome nam chegaqaigui dam ỹo'onataxanaxac? Qataq ¿ta'ainco' da sa sasheneguet da ñachaalataxac dam namaicỹaxac?» Damaye nataqa'en qaica ca naigui, qataq qapa'atta no'onataxanaxac.

Eclesiastés 4:10

Cha'aye da huañi ca 'oonolec caamaye, nache ca lỹa ishet da ỹanaxanaxaasheguem. ¡Qalaxaye choxoraxaso' cam 'oonolec, cha'aye da huañi nache qaica ca ỹanaxanaxaasheguem!

1 Crónicas 19:12

nache 'enapego' 'eeta': «Da huo'otaq napacalec da ỹa'añaxac na siiriopi, nache 'auanac qome da aỹem 'autauan, qaq da huo'otaq napacalec da 'ara'añaxac na amoniitapi, nache aỹem, 'am setauan qome.