Eclesiastés 4:8 - La'aqtaqa Ñim Lo'onatac 'Enauacna 2013

⁸ ca ỹale 'oonolec, qaica ca nauochaxaua, qataq qaica ca llalaqpi qataq ca lqaỹañecpi, sanauane' da cara'acolec da nmatec, qataq saỹauano' da naloqten da huo'otaq ỹapacauec da lsallaxa, qataq saishet da nnatteguela't: «¿Negue't cam talec qome nam chegaqaigui dam ỹo'onataxanaxac? Qataq ¿ta'ainco' da sa sasheneguet da ñachaalataxac dam namaicỹaxac?» Damaye nataqa'en qaica ca naigui, qataq qapa'atta no'onataxanaxac.

Eclesiastés 4:8 Referans Kwoze

1 Juan 2:16

Nam lataxacpi maye ỹachaxaatac na shiỹaxauapi maye huetalec ana 'alhua, saishet da chegoqo'ot Ñim Lo'onatac 'Enauacna, namayepi chegoqo'ot nam 'etaxaloxoicpi maye huetalec ana 'alhua. 'Ena nam lataxacpi maye ỹachaxaatac ana 'alhua: na qauem nqopitaxanaqtaiguesat, da nyaxayec da qaỹaconeguet cam qailota'a, qataq da nsallaxa maye chegaqaigui da ño'oxonnaxac ca shiỹaxaua.

Proverbios 27:20

Da nleuaxa qataq aca huachiqui saishet da huo'o ca loga't qataq nache 'eetec da lqopitaxanaqtaic ca ỹale saishet da imeuo,

Lucas 12:20

Qalaxaye Ñim Lo'onatac 'Enauacna 'enapega, 'eeta': ‹'Am ỹale ỹataqta qaica ca 'auaỹaanapec, nachena ne'ena pe 'am 'aleu, qaq 'enauac nam 'auaỹamaxattac, ¿negue't qome cam talec?›

Eclesiastés 1:8

Qaica ca nalaua'a da ishet da ỹa'axategue, nam chochaqna maye ishet da qanasamiisop. Qaica ca ilota'a huo'otaq da hua'aqtega nache ishet da machiguiñi.

Mateo 11:28

Qami' maye nache 'eetai' da qoviitaigui da qarhuogoqoi, qataq da qarachetataiqui. Qauanaiua'a Aỹem yaqto' qami' ñimataxaare'c.

Eclesiastés 1:13

nache aỹem ỹataqta ñañaneguet co'ollaxa da ñimittac qataq ñaỹaanaxanaqchen da ñapaxagueetega 'enauac nam qaỹo'ottacpi ana'ana 'alhua. ¡Qaq sela'a da ỹataqta qapa'atta nam no'onatacpi maye Ñim Lo'onatac 'Enauacna ỹasaxalec nam shiỹaxauapi, da yaqto' nachena nam huetague' da ỹo'ottac!

Isaías 5:8

¡Choxoraxaso' qome nam desheenaxatega na qalota lma'pi, qataq nquigaxattauec na na'alhuapi, nache qaica ca lma' naqa'en ca lỹa shiỹaxaua, qaq 'eco' da nachaqnata namayepi da netalec na 'alhua!

Eclesiastés 5:10

Cha'aye cam ỹaguec da lauoche ana anom, qalaq nache queto'ot da huotaique da nquictasheguem ana alom, saishet da huo'o ca na'a'q da ỹa'amaqten da mashe qalota ana alom. Qaq damaye nataqa'en qaica ca naigui.

Salmos 39:6

'Enauac na shiỹaxauapi da jec qalaq 'eeta'am na lpaqal. Qaica ca naigui da lapoosheguem da lsallaxa, cha'aye sa ỹaỹaten chaq negue't ca no'ona'aguet qome damaye.

Génesis 2:18

Qaq ime nache Ñim Lo'onatac 'Enauacna maye Nataxala' 'enapeco': «Sa ỹaỹamaxañi da 'oonolec da shiỹaxaua. Aỹem so'ot qome ca ntaunaxaua.»

Isaías 55:2

¿Ta'ainco' da qaỹa'añeeuec ana qo'omi da nmeneguet qanqa'eñi cam saishet da qanallec? ¿Ta'ainco' da qaỹa'añeeuec ana lasheue da qaro'onataxanaxaqui da nmeneguet qanqa'eñi cam saishet qami' icomaraqche't? Ñaq Aỹem qana'axaỹaxañiỹa yaqto' qolliqui qome ca no'on nallec, qataq cam nallec maye ỹataqta no'on da lamaic.

Eclesiastés 2:23

Cha'aye 'enauac dam nachaalataxac da nlaqchigui da nqui'ic, qataq saỹalemaxat da lo'onataxanaxac, ivira'a ye pe da qaica ca nmataqa' da lhuennataxac. ¡Qaq damaye nataqa'en qaica ca naigui!

Eclesiastés 2:21

cha'aye huo'o na do'ogoxona da naỹaanec, qataq da nauattonaxanaxac, qataq nam nauane'pi dam lo'onataxanaxac, da yaqto' talec 'enauac cam sa do'onataxan co'ollaxa. ¡Qaq damaye nataqa'en ỹataqta qaica ca naigui, qataq ỹataqta saỹaỹamaxañi!

Eclesiastés 4:7

Qaq ime, qaltaq samata'ague da lỹa laỹe, nache sela'a da lỹa, maye qaica ca naigui huetalec ana 'alhua:

Salmos 39:7

Qaq nagui, 'Am Nataxala', ¿negue'tom ca lỹa seuattaique? Ye da ñaquitaxac 'am sacheto'ot.

Eclesiastés 5:9

¡Qaq damaye qaỹamata'ac naxa da nquictasheguem da laỹamaxa ca qanayeeta'a 'alhua, qataq cam nta'a itauaatac naxa nam netauga na no'onaxa!