Eclesiastés 4:6 - La'aqtaqa Ñim Lo'onatac 'Enauacna 2013

⁶ qalaxaye aỹem shenapec: «na'aictoxo' da sa qaỹalec catai' mataxaqui, qaq saq 'ena'am da ỹaguec da no'onataxanaxac, cha'aye damaye 'eeta'am da huotaique qanllañi na la'at.»

Eclesiastés 4:6 Referans Kwoze

Proverbios 16:8

Na'aictoxo' da saq 'amaqtaq ca naueguec, qalaxaye maiche na'añaqtegueshec, qaq saq 'ena'am ca qalota naueguec maye chegaqaigui ca sa lataxac.

Salmos 37:16

Na saq 'amaqtaq lalamaxat ca ỹale no'on da lataxac, namaye ỹataqta 'onaxaic, qaq saq 'ena'am na qalota lsallaxa na qauemaicpi.

Proverbios 17:1

Na'aictoxo' da qanallectac ca nallec qaramta qalaxaye huo'o da nlagaxayec, qaq saq 'ena'am da qalota na qaỹo'ot nquia'axac qalaxaye nda'a't da loquiaxac.

Eclesiastés 1:17

Qaq aỹem ỹataqta iuennataxac da ñimitaique da yaqto' saỹaten da naỹaanec, qataq da saỹateeta nataqa'en dam 'oopashec, qataq da 'eetec da qaica ca naỹaanataxanaxac. Qaq nataqa'en saỹaten damaye da 'eeta'am da huotaique da qanllañi na la'at,

Eclesiastés 4:7

Qaq ime, qaltaq samata'ague da lỹa laỹe, nache sela'a da lỹa, maye qaica ca naigui huetalec ana 'alhua:

Eclesiastés 1:14

Qaq aỹem ishet da saỹaten da 'enauac nam qaỹo'ottacpi ana'ana 'alhua ỹataqta qaica ca naigui, 'eeta'am da 'eetec da huotaique da qanllañi na la'at.