Eclesiastés 4:5 - La'aqtaqa Ñim Lo'onatac 'Enauacna 2013

⁵ Qaq nam shiỹaxauapi 'eeta': «cam qaica ca ỹaỹaanapec nsoqtrauo naua lhua'q, qaq ỹoqo'oye camaye taỹa'a da ilem na lqouaxa»,

Eclesiastés 4:5 Referans Kwoze

Isaías 9:20

Ñi 'oonolec qalaq chec qome ca pa'ata'ague na aloiguishec lhuaq, qalaxaye ñaq 'eetalec da huo'o na lqouaxa, qaq ca lỹa qalaq chec ca pa'ata'ague na ne'emaxashec lhuaq, qalaxaye ñaq 'eetalec da saishet da icoma'. Nache ivitta'a da chec ca maiche llalaqpi.

Proverbios 20:4

Da ivita da qana'atsheguem na 'alhua, qalaq ca hualaic saishet da da'araxan, qalaxaye da ivita da qanqat na nañiguishec ala, nache nmittaique namaye qalaxaye sa ỹanata.

Proverbios 13:4

Ca hualaic huo'o ca nqopittaique qalaxaye saishet da ỹanata, qaq ca 'onataxanaxaic qalaxaye ishet da nquictasheguem.

Da na'aqtaguec so Job 13:14

Aỹem mashe sa seren da ñachaalataxac, na'aictoxo' cam 'eetec ca huaigui damaye.

Proverbios 12:27

Ca 'ipiaxaic maye hualaic saishet da huo'o ca ỹachiguiñi, qaq ca hualaxaunaxaic qalaq ishet da ỹachiguiñi da nsallaxa.

Proverbios 11:17

Ca choxonnataxanaxaic, camaye maiche no'onaxaala't, qaq ca sancherapec qalaq maiche nque'emaqcheela't.

Eclesiastés 10:12

Naua la'aqtaqa ca ỹaanaxanaxaic ỹataqta nlaqchiguilo da 'achecỹaxac, qaq cam qaica ca ỹaỹaanapec qalaq maiche que'emaxama naua la'aqtaqa.

Proverbios 6:9

¡'Am hualaic, nache a'aye qome da 'aro'ochaxa! ¡Nache a'aye da choche 'annaatai'!