Eclesiastés 4:4 - La'aqtaqa Ñim Lo'onatac 'Enauacna 2013

⁴ Qaq nataqa'en sela'a da 'enauac nam no'onatacpi maye ỹataqta ỹaỹamaqchiguiñi, qataq ỹo'ot da ño'oxonnataguec ca shiỹaxaua, namaye ỹo'ot da nquiỹata'a't caua shiỹaxau'. Qaq nataqa'en damaye qaica ca naigui, 'eeta'am da 'eetec da huotaique qanllañi na la'at.

Eclesiastés 4:4 Referans Kwoze

1 Juan 3:12

Saishet da shenaqta'am so Caín maye 'eeta'am ca llalec so pa'aguenataxanaxaic, nache ỹalauat so lqaỹa. Qaq ¿ta'ainco' ye ỹalauat? Qomye da ỹo'ottac so Caín co'ollaxa ỹataqta qauem, qaq dam ỹo'ottac som lqaỹa co'ollaxa qalaq ỹataqta 'onaxaic.

Eclesiastés 1:14

Qaq aỹem ishet da saỹaten da 'enauac nam qaỹo'ottacpi ana'ana 'alhua ỹataqta qaica ca naigui, 'eeta'am da 'eetec da huotaique da qanllañi na la'at.

Eclesiastés 2:21

cha'aye huo'o na do'ogoxona da naỹaanec, qataq da nauattonaxanaxac, qataq nam nauane'pi dam lo'onataxanaxac, da yaqto' talec 'enauac cam sa do'onataxan co'ollaxa. ¡Qaq damaye nataqa'en ỹataqta qaica ca naigui, qataq ỹataqta saỹaỹamaxañi!

Eclesiastés 2:26

Cha'aye Ñim Lo'onatac 'Enauacna, ỹanem da laỹaanec, qataq da lauattonaxanaxac, qataq da lamaicỹaxac cam taalec da ỹaỹamaxareeta Ñimaye, qalaxaye cam 'etaxaloxoic, qalaq ỹanem da lo'onataxanaxac da lapootac qataq nquictasheguem da lsallaxa, da yaqto' ime, nache ỹanem cam taalec da ỹaỹamaxareeta Ñimaye. ¡Qaq damaye nataqa'en qaica ca naigui, 'eeta'am da 'eetec da huotaique da qanllañi na la'at!

Mateo 27:18

So Pilato ỹauo'o de'era lnataxanaxac, cha'aye somaye ỹaỹaten da som lataxala'pi na ntaxaỹaxanaxanecpi da qaitaxaỹapegue' Ñim Lo'onatac 'Enauacna qataq som nataxala'pi yi'iye 'alhua, huo'o na ỹasaqteguelec 'eetega lasouaxashet So Jesús, cha'aye souaxat da lquiỹaxa.

Eclesiastés 6:11

Qaq huo'o da ỹataqta 'eesa maye, 'eeta': cam huaña da ỹaguec da ntaxaỹaxac, nache huaña nataqa'en da huo'o na na'aqtacpi maye qaica ca naigui, qaq damaye qaica ca qaỹachegoxotaigui.

Eclesiastés 6:9

Qaq ỹactec da huo'o da naigui cam mashe qailota'a, qaq saq 'ena'am cam choche qaipettega. Qalaxaye nataqa'en de'era qaica ca nagui, 'eeta'am da 'eetec da huotaique da qanllañi na la'at.

Eclesiastés 4:16

Qaq na'aictaxa da ỹataqta qalota na shiỹaxauapi maye ilotague', qalaxaye namayepi qataq cam llalaqpi qome, saishet da machiguiñi naqa'en camaye. Qaq nataqa'en de'era qaica ca naigui, 'eeta'am da 'eetec da huotaique qanllañi na la'at.

Proverbios 27:4

Da nayeloxo ỹataqta qauem qataq da nalemataic ishet da huo'o ca ilaxachigui, qalaxaye da nquiỹaxanaqtaic qaica ca ishet da mpaxata'aguet.

Santiago 4:5

¿Peta'a sa qaua'amaqchiñiỹo' da nanettalec ana nere maye huetalec na la'aqtacpi Ñim Lo'onatac 'Enauacna da 'eeta': «Ñimaye ỹataqta qomi' lauotaqa'ate»?

Hechos 7:9

Qaq se'esoua llalqa so Jacob maye sachegoxosoxoiguilo, soomaye co'ollaxa ỹataqta nquiỹalo so lqaỹa José. Nache ime'n, da yaqto' qaỹauega ye 'alhua Egipto. Qalaxaye Ñim Lo'onatac 'Enauacna ỹataqta ỹauotec somaye,

Eclesiastés 1:17

Qaq aỹem ỹataqta iuennataxac da ñimitaique da yaqto' saỹaten da naỹaanec, qataq da saỹateeta nataqa'en dam 'oopashec, qataq da 'eetec da qaica ca naỹaanataxanaxac. Qaq nataqa'en saỹaten damaye da 'eeta'am da huotaique da qanllañi na la'at,

Génesis 26:14

Ỹataqta qalota aso lalo qaguetapi, qataq huacapi, qataq so lamaxashecpi, qaq ỹoqo'oye so filisteopi, huo'o da lquiỹaxa co'ollaxa somaye.

Génesis 31:1

Qaq so Jacob ỹaỹaten co'ollaxa da soua llalqa so Labán quetrapeguelec somaye, 'eeta': «Ñi Jacob ỹacona 'enauac so lalamaxatpi ñi qarta'a, qaq nacheso so desalligui ñimaye.»