Eclesiastés 4:16 - La'aqtaqa Ñim Lo'onatac 'Enauacna 2013

¹⁶ Qaq na'aictaxa da ỹataqta qalota na shiỹaxauapi maye ilotague', qalaxaye namayepi qataq cam llalaqpi qome, saishet da machiguiñi naqa'en camaye. Qaq nataqa'en de'era qaica ca naigui, 'eeta'am da 'eetec da huotaique qanllañi na la'at.

Eclesiastés 4:16 Referans Kwoze

Eclesiastés 1:14

Qaq aỹem ishet da saỹaten da 'enauac nam qaỹo'ottacpi ana'ana 'alhua ỹataqta qaica ca naigui, 'eeta'am da 'eetec da huotaique da qanllañi na la'at.

Eclesiastés 2:17

Qaq huaña nache sevira'a da saỹemec da ñachaalataxac, cha'aye 'enauac nam qaỹo'otpi ana'ana 'alhua da aỹem dataỹa'aguet. Qaq ỹataqta 'eesa da qaica ca naigui, 'eeta'am da 'eetec da huotaique da qanllañi na la'at.

1 Reyes 1:40

Qaq ime, nache 'enauac somayepi, ca'atteueegue so Salomón, do'onaxaata'ai' aso lasheerepi cha'aye ỹataqta lta'araic da ntonaxac, nache ana 'alhua cholaxan souaxat da la'alaxac somayepi.

Eclesiastés 2:26

Cha'aye Ñim Lo'onatac 'Enauacna, ỹanem da laỹaanec, qataq da lauattonaxanaxac, qataq da lamaicỹaxac cam taalec da ỹaỹamaxareeta Ñimaye, qalaxaye cam 'etaxaloxoic, qalaq ỹanem da lo'onataxanaxac da lapootac qataq nquictasheguem da lsallaxa, da yaqto' ime, nache ỹanem cam taalec da ỹaỹamaxareeta Ñimaye. ¡Qaq damaye nataqa'en qaica ca naigui, 'eeta'am da 'eetec da huotaique da qanllañi na la'at!

Eclesiastés 2:11

Qaq ime, nache semeteetac 'enauac nam ỹo'onatacpi, qataq nam huo'o da lqalaic co'ollaq so'ottac, nache sela'a da 'enauac namayepi da qaica ca naigui, 'eeta'am da 'eetec da huotaique da qanllañi na la'at, qataq qaica ca qaỹachegoxotaigui damaye, ana'ana 'alhua.

2 Samuel 19:9

Qaq 'enauac so maiche nalamaxat nhuo' Israel le'ecpi, qana'aqtaxaatapigui co'ollaxa de'era, 'eeta': «Ñim nta'a David, qomi' isoueeguesopa co'ollaxa da la'añaxac so qampa'aguenaxauapi, qataq da lamaxasoxonaxac so filisteopi, qalaxaye souaxato' so Absalón, nache naneltaxan da ca'ai ne'ena qana'alhua.

Eclesiastés 4:15

Qaq nataqa'en sauaachigui da nam shiỹaxauapi ỹataqta itauan camaye.