Eclesiastés 4:1 - La'aqtaqa Ñim Lo'onatac 'Enauacna 2013

¹ Qaq ime, nache qaltaq semeteetac da saqaiyacnapec na shiỹaxauapi maye huetalec ana 'alhua, nache selota'a nam saqaiyaqnapecpi da nỹeetac qalaq qaica ca ishet da ỹa'añaqchet namayepi, nam saiyacnapec namayepi qalaq ỹataqta sairen, qalaxaye qaica ca chochaq ỹa'añaqchet namayepi.

Eclesiastés 4:1 Referans Kwoze

Eclesiastés 3:16

Qataq nataqa'en sela'a da ana'ana 'alhua huo'o da ncachaxac, qataq ye hueta'a taxa dam ỹaỹamaqchiguiñi, qataq da nalochiguiñi lataxac, qalaq hueta'a da qauem.

Eclesiastés 5:8

Saishet qome da 'aue'elaxam da huo'o ca 'alhua da huaña da sa qaiyacnapec ca choxoraq, qataq da sa qairen da nalochiguiñi lataxac, qataq da sa qaipaguelec cam lapaqtañi lataxac, cha'aye cam nataxala' qalaq huo'o ca lỹa ỹaquitcheguem nataxala' da npaxattalec camaye, qaq caamaye, qaltaq huo'o cam laỹepi nataxala'pi maye ỹactec da la'amaqchec da npaxattaleguete.

Isaías 5:7

Qaq som lanaxanaqa' uva lma' maye lauotaxat Ñim Nataxala' maye Qaica ca Ỹaqalanapec, nachena nam Israel le'ecpi, qataq nam nhuo' le'ecpi maye lma' ye Judá. Ñim Nataxala' iuatta'a co'ollaxa namayepi da ỹalaxaguet na lqataxacpi Ñimaye, qalaxaye nacherata da ilalec da nalaataxanaxac, qataq iuatta'a da ỹo'ot da nalochiguiñi lataxac, qalaxaye nacherata da hua'aqtega da na'alaxac souaxat da qui'ic.

Santiago 5:4

Qami' saishet da qaushiichiñi añi lasheue ye 'oonolec ca'agoxoic na qaro'onataxanaxanequi. Qaq Ñim Nataxala' maye qaica ca 'ena'am da la'añaxac hua'aqtega da nqui'ic qataq da lquiquiaxac namayepi. Ana'ana qo'omi maye qarsheetenaxanaqchi ctaxa, nachana ana ỹa'axat da huo'o da qarasouaxashechi qom qauataiỹot Ñim Lo'onatac 'Enauacna.

Mateo 26:56

Qalaxaye 'enauac de'era iuen da huo'o, yaqto' ipacchigui dam ỹa'axat co'ollaxa so la'aqtaxanaxanecpi Ñim Lo'onatac 'Enauacna.» Huaña, nache 'enauaque soua lapaxaguenataqa no'onaxatchiguilo So Jesús da datare'c.

Malaquías 3:5

«Aỹem ñanac qome da qami' ñemi't, qataq sa'axat nataqa'en nam napaxagueetega na 'iyaxaic, qataq na ncachetague' aca saishet da lhua, qataq na saipaguelec ca ỹan la'aqtac, qataq nam saiyacnapec na 'onataxanaxaicpi, qataq ana pa'aipi, qataq na saploqpi, qataq na saỹaỹamaxatapec na chegaqauecpi, qataq nam qaica ca 'enec naqa'en Aỹem. Qaq 'era da la'aqtac Ñim Nataxala' maye Qaica ca Ỹaqalanapec.

Lamentaciones 1:9

Naua alogo qalaq nlaqchiguilo na qauem, qaq saishet da iuennatega co'ollaxa dam taỹa'aguet. Qaq ỹataqta nque'elaxatta co'ollaxa da huañi, nache qaica ca ỹa'añaqchet. ¡'Am Nataxala', ñaq 'aulogui nagui da ỹaquicoxo, qataq 'aumeten da na'amqaanaxac nam aỹem ipa'agueetacpi.

Lamentaciones 1:2

Ye pe qalaq daquicota da nỹeetac, naua lache' qalaq naguinguilo naua lamelque. Qataq 'enauac nam nauochaxauapi, qaica ca 'oonolec da anac da ỹa'añaqchet. Qataq 'enauac nam nauochaxauapi ỹatenachet, nache ỹe'eguelaxa da npa'aguenaxaua namayepi.

Isaías 51:23

Qaq sanem qome nam ỹo'ottac da 'anque'eenaxac, nam 'am 'eetega naxa, 'eeta': ‹¡'Anqapaxanguet na 'alhua yaqto' 'am sapiaqteguelec!› ¡Qaq 'am 'anqapaxaneguet co'ollaxa na 'alhua, da yaqto' namayepi 'am petapigui 'eeta'am naqa'en ca namoxoỹaxa!»

Salmos 42:9

Qataq shenapega Ñim Lo'onatac 'Enauacna maye aỹem mpaxattalec, sheeta': «¿Ta'ainco' ye aỹem 'aucoua'ai? ¿Ta'ainco' da saquicotac qataq da aỹem ipataqtañi na ñepa'aguenaxauapi?»

Salmos 42:3

Naua ỹache' qalaq 'eeta'am ca anoq, ye na'a'q qataq ye pe, qataq imauec ye na'a'q da aỹem qainattac, qoỹeeta': «¿Hueta'ago' ca 'Anatamnaxala'?»

Salmos 12:5

Qaq 'era da la'aqtac Ñim Nataxala', 'eeta': «Nagui maye ñachaañi da ñeca'alaxatec nam qaica ca nyacnataguec, qataq na choxoraqpi maye ỹataqta qanhuottalec nache sanem namayepi, da ntaunaguec maye ỹataqta iuattaique.»

Da na'aqtaguec so Job 35:9

Cha'aye 'enauac na shiỹaxauapi, ỹa'alaqtac souaxat da saqaiyacnapec, nache iỹaxaataique ca ishet da nca'alaxateeguesop na 'añaxaicpi.

Isaías 59:7

naua lapia'ate qalaq taigueta da nqalgoqtague' na qauem, qataq nqalgoqtague' da icoldec naua ltago'q cam qaica ca ỹasouaxat. Naua lhuennataxaco qalaq nda'a't da tatapigui lauel da lalaataxanaxac, naua lqauaxaqui' da jec qalaq nda'a't da no'onaxatañi nam ilaxachiguipi qataq nam nlaxaañi.

Malaquías 3:18

Huaña qome, nache qami' qaltaq ỹataqteguet qanqa'eñi ca no'on qataq ca qauem, qataq cam ỹo'oxoreetac Ñim Lo'onatac 'Enauacna, qataq cam saishet da ỹo'oxoren Ñimaye.»

Malaquías 2:13

Qalaxaye qami', qaltaq qanquigaxacheetec dam qauo'ocheetac: qanlaxacheetelec añi nca'atoxonaxalate maye lalamaqte Ñim Nataxala' naua qarache'lli', qataq qana'alaqaitapiguiñi da qanỹeñiitac, cha'aye Ñim Nataxala' mashe saỹaconeguet ana qarachetaqtaxanaqche.

Eclesiastés 7:7

Dam sancherapec nataxac na'axat cam ỹaanaxanaxaic, qataq da qaiỹaxaata'a da qaisheeten da huo'o ca qaỹo'ot damaye na'axat da nataxac.

Proverbios 28:3

Qaq ca qauemaic maye nhuo' na choxoraqpi, qalaq 'eeta'am na lta'araic auot da nlaxaañi na ala na nañiguishec.

Salmos 142:4

Ñaq 'auamata'ague qome na aỹoic, yaqto' 'aula'a da qaica ca aỹem itauan, qaica ca ỹe'eguenaqa', qataq qaica ca aỹem huapegue'.

Salmos 80:5

Nda'a't da qomi' 'aỹa'anema da 'eco' qonoq naua qarache', qataq ñeỹomaqtapiguilo 'anqa'en na qalota qarache'.

Salmos 69:20

Da ñesheunaguec ỹataqta ilaxatta añi iquiyaqte, nache ỹo'ot da ñelauchiguiñi qataq qaica ca ỹa'añaxac, qataq qaica ca naigui da ñimittaique ca aỹem icochaq qataq ca aỹem ichoxoren.

Da na'aqtaguec so Job 16:4

Chaq 'eetec taxa ca qarataxaqui qami' da qoviita'a ye soota'a nagui, nache aỹem nataqa'en ishettaxa da qami' setaqtacoto, nache da seraxaatac na ỹaqaic da qami' llasheta'ape, qataq qalota taxa na qami' sasaxaleguete ỹa'aqtacpi.

Da na'aqtaguec so Job 6:29

Qaq qaỹa'axañiiyiñi qome naua qara'aqtaqalle', maye saishet da 'eesora, qataq qauaỹachiñiita da ỹoqta 'eesora naua shena'ape.

Jueces 4:3

Huaña nache so Israel le'ecpi ỹataqta nachoxoreetacot co'ollaxa Ñim Nataxala' da yaqto' itauan, cha'aye so Jabín ivi' novecientos aso laigonapi lcat nalaataxaquipi, qaq mashe ivi' soua veinte vi'iye da ỹataqta sa iyacnapec so Israel le'ecpi.

Deuteronómio 28:48

Qaq ỹoqo'oye choche 'am l-latac qome ca 'ampa'aguenaxauapi maye 'am namaxa qome Ñim Nataxala', nache 'anque'etaxangui qome ca 'arqouaxa, 'araquip, qouetauec, qataq ỹataqta 'am choxoraq. Nache Ñim Nataxala' ỹo'ot da 'anque'etaxangui da 'anlataguec, ivitta'a da ỹataqta 'am nlachiguiñi.

Deuteronómio 28:33

Qaq na ala ca 'añiguishecpi maye ñaxaalec que'eca 'ana'alhua maye chegaqaigui da 'aro'onataxanaxac, camaye chec qome na chegaqauecpi shiỹaxauapi. Nache ỹataqta huo'o da 'anque'eenaxac qataq saishet da 'am qaiyacnapec 'enauaque naua na'axa'te.

Éxodo 1:22

Qaq so faraón, nache 'enapego' 'enauac so lauo' le'ecpi, 'eeta': «'Enauac na ñiguiñi nogotolec maye llalec na hebreo le'ecpi qauasaqaiñigui qome ye tala, qaq ana nogotole, nache qauauaqaita'a qome da nache nca'altauec.»

Éxodo 1:16

«Da ivita da qanvigoqoiñi ana hebreo lashepi da deco'o, nache qaumichiñiita cam ñiguiñi llalec da ỹale, nache qaualauache, qaq da 'alo, nache qauauaqaita'a da nca'altauec.»

Proverbios 19:7

Ca choxoraq qalaq ivira'a ca lqaỹañecpi da ỹo'otan, qaq nache 'eetec nataqa'en na nauochaxauapi da ca'ai camaye. Na'aictoxo' da nachoxoreeta da nmittaique ca na'aqtaxane' qalaxaye saishet da ỹanata.

Eclesiastés 8:9

Qaq 'enauac de'era sauaachigui, cha'aye ñalemaqte' da ñapaxaguena, 'enauac nam qaỹo'ottacpi ana'ana 'alhua, qataq da na'añaxac maye hueto'ot ca ỹale da ỹo'otec ca qauem ca lỹa.

Jeremías 16:7

Qataq qaica qome ca ỹo'ot ca lquia'axac da deque'elec cam leuaxaicpi da yaqto' ỹa'añaqchet ca lauo' le'ecpi camayepi qaq na'aictaxa da huo'otaq l-leuaxa ca nta'a huo'otaq aca nate'e.

Lamentaciones 1:16

Qaq ỹoqo'oye aỹem ñeỹeetac, naua ỹa'ai'te qalaq nlaxaguilo na ỹache', cha'aye qaica ca aỹem ỹa'añaqchet, qataq qaica ca aỹem ỹanem ca dalaxaic ỹa'añaxac. Som ỹalaqpi qalaq 'enauac qanlaxatchiguiñi, cha'aye qomi' napacaleguete da la'añaxac som qampa'aguenaxauapi.

Da na'aqtaguec so Job 9:24

Qaq Ñimaye ỹanem da yaqto' na qauemaicpi ỹacona na lma' na huetalec ana 'alhua, qataq ỹaxachiguilo naua la'ai'te na aloico lo'o', yaqto' saishet da nmit damaye, qaq Ñimaye da saishet da ỹo'ot de'era, qaq ¿chaq negue'ttoxo' ca lỹa ishet da ỹo'ot de'era?

Salmos 69:21

Da huo'o na iqouaxa qalaq aỹem qaiquia'axanec na deshenataxan qataq da huo'o na ỹaquip qalaq aỹem qanỹomaxangui na 'euaxaic lataxa.

Salmos 142:5

'Am Nataxala', 'am seỹaxanot, sheeta': «'Am nache 'am da aỹem 'ampaxattalec, nache 'amta da aỹem qoueta'aguet, da sootalec ana 'alhua maye huetalec na huo'o da lca'alaxa.»

Proverbios 29:2

Da qaỹatatalec na no'on da lataxac, nache machiguiñi na shiỹaxauapi, qaq da qaỹatatalec na qauem da lataxac, nache na shiỹaxauapi huo'o da nque'eenaxac.

Lamentaciones 1:17

Ye Sión ỹachaxaatrashegue'm naua lhuaxaye da nachoxoreetac, qalaxaye qaica ca ỹa'añaqchet. Ñim Nataxala' ỹamaq na lauoreuapi so Jacob da npa'aguene' somaye, nache namayepi ỹataqta deqaiga ye Jerusalén.

Amós 3:9

Ña qaua'aqtaxañi qome da huaña na nma' lta'araicpi ye Asdod, qataq da huaña na nma' lta'araicpi ye Egipto, qoñiita': «Qalapoñiỹa't qome huaña aye qasoxonaxapi ye Samaria, nache qaumichiñi da qaica ca laỹamqa' nam hueta'a yemaye, qataq da ỹataqta qaica ca qairen na hueta'a yemaye».

Amós 3:10

Qaq da la'aqtac Ñim Nataxala', 'eeta': «Namayepi sa ỹaỹaten da ỹo'ot ca ỹaỹamaqchiguiñi lataxac, qataq ỹoxotoiguilo naua nma'ate lta'araiqa na lcachaxatpi, maye ỹachegoxotaigui da qaica ca iren».