Eclesiastés 3:8 - La'aqtaqa Ñim Lo'onatac 'Enauacna 2013

⁸ Huo'o ye laloqo' da nauotaxanaqtaic, qataq huo'o ye laloqo' da nquiỹaxanaqtaic. Huo'o ye laloqo' da alaataxac, qataq huo'o ye laloqo' da nlagaxayec.

Eclesiastés 3:8 Referans Kwoze

Efesios 5:25

Qataq na ỹalleppi maye mashe huaron ỹataqta ỹauotec aca lhua, 'eeta'am So Cristo da ỹataqta ỹauotec na 'amqaanataxanaxaicpi, qataq ỹan co'ollaxa da nachaalataxac souaxat namayepi.

Lucas 14:26

–Saishet da ỹapaxaguenatac ca Aỹem naua'a, da huo'otaq ỹapagaqnauec da ỹauotec ca lta'a, huo'otaq aca late'e, lhua, qataq ca llalaqpi, lqaỹañecpi ỹalleppi qataq 'alpi. Nachaqcata ca ỹactec da Aỹem ỹauotec, saq 'ena'am da maiche nachaalataxac, qaq nacheca ca ỹapaxaguenatac.

1 Reyes 5:4

Qalaxaye nagui Ñim Nataxala' maye Ñatamnaxala', qomi' ỹanema da qal-lagaxayec da ñeuoonaqte' 'enauac nam pa'aiguelo nam shiỹaxauapi. Qaq cha'aye qaica ca ñepa'aguenaqtague' nache saishet da sho'oqtaique ca qauem.

Apocalipsis 2:2

Aỹem saỹaten 'enauac nam 'auo'ottacpi, qataq saỹaten da souaxat da Aỹem 'aualaxaguet, nache qalota na 'avireguet lqalaic. Nataqa'en saỹaten da ỹataqta 'anala'aguet damaye cha'aye huo'o da 'arhualaxavic qataq saishet da 'auaconeguet nam qauemaicpi. Qataq saỹaten da 'am 'avi'igue'n naua 'eetregalo da lamaxa'she So Jesús qalaxaye saq 'en. Qataq 'am 'auachaxa'n naamaye da choche tenataxanaxaiqa.

Salmos 139:21

'Am Nataxala', ¿peta'a sa sequiỹo' na 'am nquiỹatega? ¿Peta'a sa saỹemeco' na 'am npa'agueetega?

2 Crónicas 19:2

Qalaxaye so na'aqtaxanaxanec Jehú, som llalec so Jananí, ca'ata'aguet somaye nache inat, 'eeta': ¿Ta'ainco' da 'autauan nam qauemaicpi, qataq 'auauo'o 'anauochaxaua na npa'aguenaxauapi Ñim Nataxala'? Qaq souaxat de'era 'auo'ot, nache Ñim Nataxala', 'am dalemataỹa.

Tito 2:4

qataq ỹapaxaguenec da ỹauotec ca lhua qataq caua llalqa.

Efesios 3:19

Qataq seỹaxaatacot Ñim Lo'onatac 'Enauacna, da yaqto' qami' ỹataqta qauauattoñiita de'era nauotaxanaqtaic maye ỹataqta napacalec 'enauac na qarauattonaxanaxacpi, qataq yaqto' qami' qauacoñiiguet 'enauac nam huotaique da qami' ỹanema Ñimaye.

Ezequiel 16:8

Qaq ime, nache qaltaq 'am ñelectot, nache sela'a da mashe ishet da 'auauonaxan. Qaq huaña nache 'am sepegueelec so ipo', nache sapolec da 'aro'ocỹaxac nache 'am ñauone', qataq 'am ñaỹamaxate', qaq huaña nache ỹataqta 'am ỹalamaqte. Qaq 'era da ỹa'aqtac Aỹem Nataxala'.

Josué 11:23

Qaq 'era da 'eetec co'ollaxa so Josué da deuotaxanec 'enauac se'eso 'alhuapi, qaq nache ipacchigui 'enauac na la'aqtacpi Ñim Nataxala' maye ỹamaxalec co'ollaxa so Moisés. Huaña nache somaye ỹami' ñi 'oonolec na maiche nhuo' Israel le'ecpi, da yaqto' lalamaxat lma' se'eso 'alhua. Qaq co'ollaq ime nache huo'o da nlagaxayec yi'iye 'alhua.

Salmos 101:3

Saishet qome da selotagui ca sa ỹaỹamaxañi lataxac. Aỹem sa seuooneguet na sa ỹalaq, saishet da ñasheeteguet da aỹem naua'a.

Proverbios 13:5

Ca no'on da lataxac saisheteguet ca natenataxanaxac, qaq ca qauemaic qalaq ỹo'ot da na'agaxa qataq qauem da na'aqtaguec.

2 Reyes 9:22

Qaq so Jorán co'ollaq ila'a so Jehú, nache 'eeta': ¿'Am Jehú, peta'a 'ananactaigui da nlagaxayec? Nache somaye 'enapeco': ¿Ca 'eeteco' da huo'o da nlagaxayec ye aso 'arate'e Jezabel, queto'ot da nquisheshigui da la'amqaanataxanaxac, qataq ỹo'ottac da lli'iyaqnataxanaxac?

Salmos 105:25

ỹoqo'oye na Egipto le'ecpi nquiỹa se'eso nhuo' le'ecpi maye lalamaxatpi Ñimaye, nache ỹataqta dataỹa'aguet se'eso lamaxashecpi Ñimaye.