Eclesiastés 3:7 - La'aqtaqa Ñim Lo'onatac 'Enauacna 2013

⁷ Huo'o ye laloqo' da huo'o na qaicolaxattac, qataq huo'o ye laloqo' da qantet namaye, huo'o ye laloqo' da ñe'emaxat ca shiỹaxaua, qataq huo'o ye laloqo' da detaqa ca shiỹaxaua.

Eclesiastés 3:7 Referans Kwoze

Miqueas 7:5

Saishet qome da 'aua'amaqten ca la'aqtaxanaxac ca 'arỹa, qataq saishet qome da 'ape'etega ca 'anauochaxaua, qataq 'antela'alo qome naua 'ara'aqtaqa da 'ana'aqtaxaatague' aca 'arhua.

Amós 5:13

Qaq ỹoqo'oye cam ỹaanaxanaxaic qalaq choche ñe'emaxat, cha'aye ỹaỹaten da qauema naua na'axa'te.

Hechos 4:20

Cha'aye qomi' saishet da saxanaxañi da sa'axataqtac 'enauac nam sauanaqchigui qataq nam sa'axasoqchigui.

Lamentaciones 3:28

Cam ỹale, iuen da 'eeta'am da ỹataqta ndauec, qataq choche ñe'emaxat da Ñim Nataxala' damaxasoxon,

Joel 2:13

¡Qataq qavi'eguelaqaỹa Ñim Nataxala' maye Qanatamnaxala'ai, qaumachiỹo'ot da qarquiyaqteỹaxaqui, qaq saishet da nachenaua naua qorogolli' da qancolaxacheeta'alo! Cha'aye Ñimaye soxoraic, hualaxaunaxaic qataq choxonnataxanaxaic, qataq qaỹaloqchiguinguit da lalemataic. Qataq ỹataqta lta'araic da lauotaxanaqtaic, qataq huo'o da nqui'ic da ỹan ca lhuaxanaxanaxac.

Ester 7:4

cha'aye na ihuo' le'ecpi qataq aỹem, qomi' qaime'n da yaqto' imauec da qomi' qailaxachiguilo. Taxa da qomi' qaime'n da yaqto' qomi' nlataqa, nache qaica taxa ca ỹa'aqtac, cha'aye ñim qomi' ipa'agueeta'ape, saishet taxa da na'axat da 'aro'onataxanaxac 'am nta'a.

Amós 8:3

Nache que'eca na'a'q, ne'ena no'onecpi maye qaỹo'ootac da huaña ñi nma' lta'araic, nmeneguet qome da achoxonnaxac. Qataq ỹataqta qalota qome na ileu, nache choche qancheraxaatec da qaỹasaxauec. Qaq 'era da la'aqtac Ñim Nataxala'.

Jeremías 8:14

Qaq na nhuo' le'ecpi 'enapec, qome: ¿Negue'to' cam so'otaqtac da souaqta'a ne'ena? ¡Qolaq 'enauac ñeqo'onaxaua'a qome ye huaqta'a't nỹecpi maye qampaxattaua'a, da yaqto' qomi' qaỹalaua't! Cha'aye Ñim Nataxala' maye Qanatamnaxala' qomi' ỹanegueta da qal-leuaxa, qataq qomi' nỹomaxanguilo ca 'etaxat maye huo'o na lalegue qanlem, cha'aye huo'o da qarasouaxashet hueto'ot Ñimaye.

Isaías 36:21

Qalaxaye soomaye ñe'emaxat, saishet da choche 'oonolec ca la'aqta'c, cha'aye so nta'a 'enapegalo co'ollaxa da saishet da ỹauo'o ca lasataxa'c.

Salmos 39:2

Nache se'enaxat da qaicaua naua ỹa'aqtaqa, nache ỹataqta qaica ca ñasaxauec ỹa'aqtac, ivira'a na no'on lataxac saishet da sa'axat, qalaxaye da ñiqui'ic ỹataqta nquictauec.

2 Reyes 6:30

Nache so nta'a co'ollaq hua'axaỹa de'era la'aqtac asa'aso 'alo, nache ncolaxata'aisalo soua alogo souaxat da lauel, qalaxaye somaye nache queto'ot da quetalec so pa'asheguem so npaqtaxanaxat, nache 'enauac se'eso nhuo' le'ecpi ila'a somaye da ipa'axaatrauo soua sansatte' alogo.

2 Reyes 5:7

Qaq so nta'a ye Israel, co'ollaq ime da itaxaỹaxaatac asa'aso nere, nache ncolaxata'aisalo soua alogo. Nache 'enapeco': ¿Peta'a nachaỹemo' da Ỹo'onatac 'Enauacna, da ishet da san qataq ñeqat da achaalataxac, da yaqto' que'eca nta'a aỹem namaxa de'era ỹale, da yaqto' no'oita ñaqa'en na lo'oc maye huetalec na lepra? ¡Ña qaumichiñiita de'era, cha'aye camaye yo'oqta da nmittaique ca lataxac da aỹem dataỹa'aguet!

1 Reyes 21:27

Qaq so Ajab, co'ollaq hua'aqchigui de'era, nache ncolaxata'aisalo soua alogo, nache ỹaayiñi soua sansatte' alogo, qataq nqouaqchet. Qataq nache ỹaatrañi se'esoua alogo da do'oche, qataq ỹataqta daquicota.

2 Samuel 3:31

Qaq co'ollaq ime de'era, nache so David 'enapega so Joab, qataq so nnaictague' laỹepi, 'eeta': «Qancolaxachiỹa'aisalo qome naua qorogolli', nache qaỹa'añiiñi na quesaxaguet nogoxot da qauo'oche da lataxac da nasouaxac, souaxat da l-leuaxa ye Abner.» Nache so nta'a David, ca'attaueegue co'ollaxa aso laỹe' so Abner,

2 Samuel 1:11

Nache so David qataq so nalleppi co'ollaq hua'axaỹa de'era, nache ncolaxata'aisalo soua alogo souaxat da nqui'ic,

Génesis 44:34

Cha'aye ¿ca 'eeteco' da she'eguelaxa ca ita'a da saishet da ñenaictague' da nsoqolec? Cha'aye aỹem sa saỹamaxaren da selotagui qome ca nque'eenaxac ca ita'a.»

Génesis 44:18

Nache so Judá nquicot so José, nache 'enapega 'eeta': «'Am ñachoxonnot, 'am ỹataxala', da aỹem 'auasheetem da huo'o catai' ỹa'aqtacolec da 'am sesoxootot. Aỹem 'arqouaguec qome, saishet da aỹem 'aualemataỹa, cha'aye 'am nache qoneta'am ñi Faraón.

Génesis 37:34

Nache so Jacob ncolaxata'aisalo soua alogo. Ime, nache ỹaayiñi soua alogo maye lasouaxaqui'. Nache ỹataqta huo'oi soua na'axa'te da nỹeetapeguelec da l-leuaxa so llalec.

Génesis 37:29

Qaq so Rubén co'ollaq ỹe'eguelaxa aso nshere, nache so José mashe saishet da huetangui asa'aso nshere. Huaña, co'ollaxa nache somaye ncolaxata'aisalo soua alogo souaxat da nqui'ic.

Hechos 9:39

Nache so Pedro ca'ateguelo soomaye. Qaq co'ollaq ivilye', nache somaye qaỹaviguisheguemec se'eso nỹec maye huetaigui aso Dorcas. Qaq qalota aso pa'aipi datataua'a so Pedro nỹeetagui. Nache ỹachaxaatac ana npotopi qataq na npo'pi maye lo'onatacpi asomaye co'ollaq ña qanachattague'.

Jeremías 36:24

Qaq so nta'a, qataq so 'amaqtaqaicpi ltauapi somaye maye na'axaỹaxaatega co'ollaq qaitaxaỹaxaatac aso nere, somayepi saishettaxa da choche nomteguet ca lcolanaxa, qataq da ỹo'ot ca la'anaxat da nqui'ic.

Da na'aqtaguec so Job 2:13

Ime, nache soomaye nso'onanguilo so alo da huaqtra'ai' so Job, nache iviraxattrec soua siete na'axa'te, qataq soua siete pe', da huetra'aguet, qalaxaye ỹataqta qaica ca la'aqta'c soomaye, cha'aye ilotra'a da ỹataqta lta'araic nqui'ic so Job.

Eclesiastés 3:6

Huo'o ye laloqo' da huo'o da nmitaxanaxac qataq huo'o ye laloqo' da qoỹaxaañi damaye. Huo'o ye laloqo' da naỹamaqtaxanaxac, qataq huo'o ye laloqo' da qaỹasaxauec na naỹamaqtac.

1 Samuel 10:16

Nache so Saúl da'aqtaxanem so ntesoqo', 'eeta': Ñimaye qomi' da'aqtaxaatema da mashe qaỹanata acam 'ashenapi. Qalaxaye so Saúl saishet da ỹa'axat dam la'axaỹaxac maye ỹachegoxoto'ot so Samuel, da somaye qaỹauotaique da nta'a.

2 Reyes 18:36

Qalaxaye se'eso nhuo' le'ecpi, ỹataqta ỹe'emaqtom, saishet da ỹasat, cha'aye so nta'a mashe sogote co'ollaxa da ỹamaxalec somayepi da saishet da ỹasat.