Eclesiastés 3:22 - La'aqtaqa Ñim Lo'onatac 'Enauacna 2013

²² Qaq aỹem sela'a da qaica ca lỹa no'on da ỹo'ot ca shiỹaxaua, nacherata da ntootapeguec dam lo'onataxanaxac, cha'aye nachera dam nsheetenaguec, cha'aye qaica ca ishet da qaltaq ñe'eguelaxat da yaqto' imeten nam dalaxaicpi maye taỹa'a da huo'o, qom mashe ime da ileu camaye.

Eclesiastés 3:22 Referans Kwoze

Eclesiastés 2:24

Qaq dam ỹaỹamaqchiguiñi maye ishet da ỹo'ot cam ỹale, damaye, 'eeta': deque'etac, qataq nỹomtac, qataq nque'etaxaachigui da alaỹaxac da lo'onataxanaxac, cha'aye selalec da nataqa'en damaye, chegoqo'ot Ñim Lo'onatac 'Enauacna.

Eclesiastés 10:14

Cam qaica ca ỹaỹaanapec qalaq saiuena'a cam ỹa'axat. Qaq da qaica ca ỹaỹaten cam ñaq taỹa'a da yo'oq, qaq ¿negue't cam ishet da da'aqtaxanem camaye cam ñaq natauo, qom mashe imeuo camaye?

Eclesiastés 8:7

da camaye saỹaỹaten cam ishet da ivireguet, qataq qaica ca ishet da ivitaqna'aguet camaye.

Eclesiastés 6:12

Qaq 'eesa da, ¿negue't ca ỹaỹaten cam ỹaỹamaxareeta ca ỹale da ñaq huo'o dam saqaỹauec qataq qaica ca naigui nachaalataxac maye 'eeta'am da lataxac ca paqal? Qataq ¿negue't cam ishet da da'aqtaxanem cam taỹa'a camaye qom mashe ileu?

Eclesiastés 11:9

'Am nsoqolec, nagui da ñaq nalota't da 'anachaalataxac nache 'antootapigui' qome, qataq 'anque'etaxaachigui nam no'on maye ishet da 'auo'ot nagui. Qoquegue da 'arquiyaqteỹaxac souaxat nam 'aulota'api, qalaxaye 'auennata'a da Ñim Lo'onatac 'Enauacna, nmit qome 'enauac nam 'auo'otpi.

Mateo 6:34

Qaq ỹoqo'oye saishet qome da leetapigui ye qarvilli cam huaigui ca lỹa na'a'q. Cha'aye ca lỹa na'a'q huo'o ca maiche lalamaxat da huaigui. Qauennachiỹa'a da mashe qalota na seviraxaguet lqalaicpi ye 'oonolec na'a'q.

Daniel 12:13

Qalaxaye 'am Daniel, nache qoqueta qome, choche 'avitta'a cam 'oga't nache 'anmatec, cha'aye caua pa'atrec na'axa'te nache 'anachaañi qome da yaqto' 'auaconeguet ca 'ansheetenaguec.

Eclesiastés 9:12

Qataq sela'a nataqa'en da qaica ca ỹaỹaten da nvita cam laloqo', 'eeta'am ca nỹaq da noxonec huetaigui ca naleguec, qataq 'eeta'am aca qoỹo da taigui aca nqoina, qaq nache 'eetec cam ỹale da mashe qaica ca ỹauotaique, nache nque'elaxatta da talec cam qauem.

Eclesiastés 8:15

Qaq ỹoqo'oye aỹem sho'oxoren dam namaicỹaxac, cha'aye qaica ca lỹa no'on maye ishet da ỹo'ot cam shiỹaxaua ana'ana 'alhua, nacherata da deque'etac, nỹomtac qataq da'aistac. Cha'aye nachaqrata damaye hueto'ot, dam chegaqaigui da lo'onataxanaxac da nachaalataxac maye ỹanem Ñim Lo'onatac 'Enauacna.

Da na'aqtaguec so Job 14:21

Qaq da huo'o da ño'oxonnataguec ca llalaqpi, qalaq camaye saishet da ỹaỹaten, qataq da huo'o da ne'enaguec, ca llalaqpi qalaq saishet da nanoma,

Deuteronómio 28:47

souaxat da saishet da 'avio'oxoren Ñim Nataxala' maye 'Anatamnaxala', qataq da saishet 'auamachiguiñi da 'antootapeguec da 'am ỹanem da qaica ca 'aueetaique.

Deuteronómio 12:18

Nacherata da ỹauaachigui qanqa'eñi Ñim Nataxala' maye Qanatamnaxala'ai, da qollequi nache huaña qanqa'eñi ca lca'ateua'a Ñimaye. Qami' qataq ca qaỹa'alquipi ỹalleppi qataq 'alpi, qarlataqui qataq aca qarlatai qataq na leviitapi maye qami' netaiguilo da yaqto' qantoñiitapeguec 'enauac ca chegaqaigui da qaro'onataxanaxaqui.

Deuteronómio 12:7

Nache huaña camaye da qauqui'i, ỹauaachigui qanqa'eñi Ñim Nataxala' maye Qanatamnaxala'ai. Nache qami' qataq ca qaỹa'alquipi qauamaichiguiñi da qantoñiitapeguec ca chegaqaigui da qaro'onataxanaxaqui maye qami' ichoxonneque Ñim Nataxala'.

Eclesiastés 2:18

Qataq sevira'a nataqa'en da saỹemec 'enauac nam ỹo'onatacpi co'ollaxa ana'ana 'alhua, cha'aye saỹaten da 'enauac namayepi talec cam aỹem nca'atalec qome.

Eclesiastés 7:14

Qaq ỹoqo'oye da sana'aigue da 'icỹaxac, nache 'antootapeguec damaye; qalaxaye qom qauem da 'icỹaxac, nache iuen da 'auennataxan da 'enauaque naamaye maiche ỹo'o't Ñim Lo'onatac 'Enauacna, qaq cam ỹale qalaq saishet da ỹaỹaten cam tata'ague.

Eclesiastés 9:6

Qaq nataqa'en imeuo da lauotaxanaqtaic, qataq dam lquiỹaxanaqtaic, qataq da lsheguenataxanaxac, qataq nache tachiguiña da ỹalectapegueua'a 'enauac nam qaỹo'otpi ana'ana 'alhua.