Eclesiastés 3:11 - La'aqtaqa Ñim Lo'onatac 'Enauacna 2013

¹¹ Ñimaye co'ollaq ỹo'ot namayepi, nache 'enauac da 'onaxaic naqa'en, qataq ỹachaigui ye lhuennataxa ca shiỹaxaua da ỹaỹaten nam chochaq tatec, na'aictoxo' da ca shiỹaxaua saivi' da ỹaỹaten nam ỹo'otpi co'ollaxa Ñim Lo'onatac 'Enauacna, qataq cam ñaq taỹa'a da ỹo'ot.

Eclesiastés 3:11 Referans Kwoze

Romanos 11:33

¡Ñim Lo'onatac 'Enauacna ỹataqta lta'araic da lsallaxa! ¡Da laỹaanec qataq da lauattonaxanaxac ỹataqta saishet da qaivi' da qanaloqten! Qaica ca ishet da ỹaỹate'n naua lhuennataxaco, qataq qaica ca ishet da ỹa'axat nam ỹo'otpi.

Da na'aqtaguec so Job 11:7

¿Qaq 'am 'aupi'itaxaatega peta'a da 'aushet da 'aunoxoneua'a na saqcha'a lhuennataxacpi Ñim Lo'onatac 'Enauacna? ¿Qalqo' 'aushet peta'a da 'avi' da 'auaỹaten ca ỹataqta saqcha'a lataxac Ñim Qaica ca Ỹaqalanapec?

Eclesiastés 8:17

Qataq sela'a da ca shiỹaxaua saishet da ỹauatton 'enauac nam huetalec ana 'alhua maye ỹo'otpi co'ollaxa Ñim Lo'onatac 'Enauacna. Qaq na'aictaxa da lta'araic da na'añaxataxac camaye da yaqto' ỹanata ca naigui, qalaxaye saishet da ỹanata; qataq na'aictaxa da ca ỹaanaxanaxaic 'eetega ỹaỹaten, qalaxaye nataqa'en saishet da ivi' da ỹaỹaten.

Da na'aqtaguec so Job 5:9

¡Cha'aye Ñimaye qalota na ỹo'ot lta'araicpi maye ỹo'ot da na'aalaxa, qataq na lataxacpi maye qaica ca ivi' da ỹaỹaten!

Génesis 1:31

Qaq co'ollaq imat Ñimaye 'enauac na lo'onatacpi, nache ila'a da ỹataqta ỹaỹamaqchiguiñi. Qaq nvi' so pe, ime qataq anac so yo'oxoñi, qaq 'era da 'eetec so na'a'q seis.

Marcos 7:37

cha'aye huo'o da la'aalaxa, nache 'eeta': «So Jesús ỹataqta 'enauac nam ỹo'ot ỹaỹamaqchiguiñi. ¡Cha'aye ivira'a da hua'aqa naqa'en na da'añaigui na lqaic, qataq na qaicaua naua la'aqtaqa qalaq detaqa naqa'en!»

Deuteronómio 32:4

Ñimaye qomi' npaxattaleguete, na lo'onatacpi qalaq ỹaỹamaqchiguiñi, qataq na ỹo'otpi qalaq nalochiguiñi. Ñim Lo'onatac 'Enauacna ỹataqta 'eesa da lataxac, qataq saishet da ỹo'ot ca sa ỹaỹamaxañi, ¡Ñimaye ỹataqta ỹaỹamaqchiguiñi qataq nalochiguiñi da lataxac!

Salmos 104:24

Qaq ỹataqta qalota na 'auo'otpi co'ollaxa 'Am Nataxala', qaq 'enauac namayepi 'auauota'a da 'araỹaanec co'ollaq 'auo'ot, ana 'alhua qalaq nlaqtelec nam 'auo'otpi.

Eclesiastés 7:29

Qaq nachaqrata da selalec da Ñim Lo'onatac 'Enauacna, ỹo'ot co'ollaxa da nalochiguiñi da lataxac so shiỹaxaua, qalaxaye maicheso da nmitaique da na'axat dam nachaalataxac.

Romanos 1:28

Qaq cha'aye namayepi mashe saishet da ỹauatton qataq ỹalaxaguet Ñim Lo'onatac 'Enauacna, qaq Ñim Lo'onatac 'Enauacna ỹaxanec namayepi da yaqto' ỹo'ot 'enauac na iuennatega maye qaica ca naigui qataq saishet da lataxac.

Mateo 13:22

Nataqa'en huo'o aso nañiguishe ala maye tatelec so lañaxataqa' ana ỹaxat. Qaq asa'aso nañiguishe ala naigui nam shiỹaxauapi maye na'axaỹaxaatega da na'aqtac, qalaxaye saishet da naralaxat da lataxac. Nachaqrata da iuennatega nam lhuenaxanaxapi qataq cam 'eetec da yaqto' ivira'a da sallaxanec.

Mateo 11:27

Ime, nache 'enapega som hueta'a yi'iye, 'eeta': «Ñim Ita'a Aỹem imato'ot 'enauac da lo'onataxanaxac qataq nachaqaỹemta da Aỹem ỹauatton, cha'aye Aỹem Llalec. Qaq qaica ca ishet da ỹauattoota Ñim Ita'a da 'eeta'am Aỹem. Ỹoqo'oye sauotaique da sa'aqtaxanem ca lỹa shiỹaxaua da sa'axat ñi Ita'a, yaqto' nataqa'en camaye ishet da ỹauatton Ñimaye.

Da na'aqtaguec so Job 37:23

Qaq saishet da seviraq da saỹatenaq da lataxac Ñim Qaica ca Ỹaqalanapec, cha'aye ỹataqta lta'araic da la'añaxac qataq no'on da lataxac, no'oiteguelo naua ỹo'o't qataq saishet da huo'o ca huetaiya' naqa'en.

Proverbios 16:4

'Enauac na lo'onatacpi Ñim Nataxala', huo'o da maiche lataxac naqa'en, nataqa'en ỹo'ot ca qauemaic da yaqto' taỹa'a ca na'a'q maye huetoigui ca nhuaxanaguecna.

Eclesiastés 1:13

nache aỹem ỹataqta ñañaneguet co'ollaxa da ñimittac qataq ñaỹaanaxanaqchen da ñapaxagueetega 'enauac nam qaỹo'ottacpi ana'ana 'alhua. ¡Qaq sela'a da ỹataqta qapa'atta nam no'onatacpi maye Ñim Lo'onatac 'Enauacna ỹasaxalec nam shiỹaxauapi, da yaqto' nachena nam huetague' da ỹo'ottac!

Eclesiastés 7:13

Ñaq 'aumeten nam ỹo'ot co'ollaxa Ñim Lo'onatac 'Enauacna: qaq ¿negue't cam ishet da nlaxanec cam namaxagui naqa'en Ñimaye?

Eclesiastés 7:23

Qaq ñemit co'ollaxa 'enauac ne'enapi serolec dam ỹaỹaanec, cha'aye sauotaique da aỹem ỹaanaxanaxaic, qalaxaye sa sevi' da saỹaten namayepi.

Eclesiastés 11:5

Qaq cha'aye sa 'auaỹaten dam llecỹaxac na la'at, qataq sa 'auaỹaten da lañaxataxac ca nogotolec da huetaigui na lauel aca late'e, qaq nache 'eetec nataqa'en da sa 'auaỹaten nam ỹo'otpi Ñim Lo'onatac 'Enauacna, ñim ỹo'ot co'ollaxa 'enauac nam huetalec ana 'alhua.