Eclesiastés 2:9 - La'aqtaqa Ñim Lo'onatac 'Enauacna 2013

⁹ Aỹem sevira'a da ỹataqta aỹem 'amaqtaqaic, qataq qalota som ỹogoxoshetpi, ñapacalec som hua'au nta'alpi ye Jerusalén, qaq nataqa'en dam naỹaanec saishet da aỹem ca'ai.

Eclesiastés 2:9 Referans Kwoze

1 Crónicas 29:25

Qaq Ñim Nataxala' ỹanem da ỹataqta lta'araic da la'amaqchec so Salomón, da ỹalectaigui so Israel le'ecpi qataq ỹanem da ỹataqta lta'araic da llo'oxoyec da lo'onataxanaxac, nache qaica ca 'eeta'am som hua'au co'ollaxa nta'alpi ye Israel.

Eclesiastés 1:16

Huaña nache seuennataxaatac nache, sheeta': «Nagui aỹem huo'o da ỹa'amaqchec, qataq nquictasheguem da ỹaỹaanec, ñapacalec 'enauac som hua'au nta'alpi co'ollaxa na Jerusalén, añi iquiyaqte ỹaconeguet da lta'araic naỹaanec qataq da nauattonaxanaxac.»

1 Reyes 10:23

Nache da lsallaxa, qataq da laỹaanec se'eso nta'a Salomón, ỹataqta napacalec 'enauac so laỹepi nta'alpi ana 'alhua.

2 Crónicas 1:1

So Salomón, som llalec so David, co'ollaq mashe naỹamaxalec da lo'onataxanaxac, nache Ñim Nataxala' maye Natamnaxala' nache hueta'aguet somaye qataq ỹo'ot da ỹataqta lta'araic da la'amaqchec qataq da la'añaxac.

1 Reyes 10:7

qaq aỹem ye saishet da sa'amaqten, ỹoqo'oye ñanac, qaq nagui sauaachigui, qataq saỹaten da ỹataqta 'eesa damaye. Qalaxaye ñaqaiyeta saishet da ỹoqta imauec da qaỹa'axat damaye, cha'aye da 'araỹaanec qataq da 'arsallaxa, ỹataqta napacalec dam aỹem qaỹa'aqtaxaatapeguem.

1 Reyes 3:12

Qaq Aỹem, so'ot qome da 'auỹaxaneua'a, nache 'am sanem ca naỹaanec, qataq da nauattonaxanaxac, maye qaica cam hueto'ot som hua'aupi qataq cam 'am ca'atalecpi qome.

Eclesiastés 5:11

Cha'aye da nquictasheguem da nsallaxa, nache nataqa'en nquictauec nam qaisheeten. Qaq ¿negue't cam naueguec, da chochaq qanlota'ai' nam huo'o nalamaxatpi?