Eclesiastés 2:8 - La'aqtaqa Ñim Lo'onatac 'Enauacna 2013

⁸ Qataq ỹataqta qalota so ỹapoñiguishec na lcat plata qataq na oro, nsallaxa maye lalamaxat co'ollaxa som laỹepi nta'alpi maye hueta'alo naua lỹa't 'aleu'. Qataq huo'o so ỹo'onaxanaxanecpi, qataq aso ỹo'onaxanaxanapi, qataq ñauane' 'enauac nam ỹo'ot da lamaicỹaxac cam shiỹaxaua, qataq ỹataqta qalota aso ihuapi.

Eclesiastés 2:8 Referans Kwoze

1 Reyes 10:10

Ime, nache asomaye ỹanem so nta'a aso tres mil novecientos sesenta kilos so oro, qataq so ỹataqta qalota coraxat, qataq so ỹataqta no'on coma'. Qaq saishet da qaỹauanapega ca 'eeta'am de'era, da qanda'a ye Israel ca ỹataqta qalota coraxat, da 'eeta'am se'eso lachetaqtaxanaxat asa'aso nate'e ye Sabá, da ỹachet so nta'a Salomón.

1 Reyes 9:28

nache somayepi taỹa ye Ofir, yem ỹachegoxotchiguiña da ỹache so catorce mil kilos so oro, nache ira'a so nta'a Salomón.

2 Samuel 19:35

Cha'aye aỹem, mashe ivi' naua ochenta vi'iye da ñachaalataxac. Ỹoqo'oye mashe qallegueme da saỹateeta ca ỹaỹamaqchiguiñi, qataq ca sa ỹaỹamaxañi, qataq mashe sañanomeguet da lamaic ca sachec qataq ca ñeỹomgui, qataq mashe qallegueme da sa'axaỹa na lo'onecpi na 'onaxanaxaicpi, ỹalleppi qataq 'alpi. Qaq ỹoqo'oye, ¿Ta'ainec taxa da qaltaq aỹem 'aumelec da aỹem 'auqochetague', 'am nta'a?

1 Reyes 10:14

Qaq so Salomón, ivi' veintidós mil kilos so ỹacootapeeguet oro ye vi'i,

Amós 6:5

qataq qaue'enaxacheetac so David da maiche qauo'oche na qaro'oñiqui, qataq qauo'onaxañeeta'ai' ana qarviqui maye maiche qaro'onatai.

Daniel 3:15

Qaq nagui da qaua'aqaiỹa ca l-lamaxa aca nviquepi, qaq ¿peta'a qami' lhuotte' da qanatamñiỹot ñim ne'enaqtac oro maye samaxasoxoolec co'ollaxa da qaỹo'ot? Cha'aye da sa qanatamñiỹot ñimaye, nache nagui qami' qaỹasaxaiguilo aca nqatelaxanaxaqui maye 'ettaigui, nache ¿negue't qome ca atamnaxala' ca ishet da qami' nca'alaxatrec?

Daniel 3:7

Qaq ỹoqo'oye se'eso qalota shiỹaxauapi, co'ollaq choche hua'axaỹa da l-lamaxa 'enauac aso nviquepi, nache ỹa'alyiñi naua l-llecte da ỹo'oxoren se'eso ne'enaqtac oro.

Daniel 3:5

Qom choche qaua'aqaỹa da qaỹashiiyigui aca nasheere, flauta, cítara, lira, salterio, gaita qataq 'enauac aca ỹotta'a't nviquepi, nache qaua'ayiiyiñi qome naua qarllectelli' da qanatamñiỹot ñi ne'enaqtac oro maye damaxasoxoolec co'ollaxa ñi nta'a Nabucodonosor da qaỹo'ot.

Esdras 2:65

Qalaxaye saishet da qanaloqneuo so nlatacpi qataq aso nlatapi, maye ivi' siete mil trescientos treinta y siete ye lcata. Nataqa'en ivi' doscientos so no'onaxanaxanecpi qataq aso no'onaxanaxanapi.

2 Crónicas 9:11

Qaq nacheso se'eso qo'oipaqpi sándalo, da so nta'a ỹachegoxotaigui da ỹo'ot so ñeguisheguempi, aso atamnaxaqui maye lalamaqte Ñim Nataxala', qataq so lma' lta'araic so nta'a, nataqa'en ỹo'ot aso nviquepi arpapi, qataq aso liirapi, da yaqto' lviquepi so 'onaxanaxaicpi. Qaq ỹataqta sa ỹauanapega da qaỹauaachigui ca 'eeta'am ye lcata se'eso qo'oipaqpi yi'iye 'alhua Judá.

1 Crónicas 25:6

Qaq so lta'a somayepi nacheso so lataxala' naxa da hueta'a aso atamnaxaqui da do'onaxaatac, ỹauota'a so natoviaxanatac lcat, salterio qataq aso arpa. Qaq so Asaf, Jedutún qataq so Hemán, soomaye ỹo'ottrac nam lamaxasoxonaxacpi so nta'a.

1 Crónicas 25:1

Qaq ime nache so David, qataq som nataxala'pi da qanayeuapegue' da no'onaxanaxac, ỹanem da lo'onataxanaxac soua llalqa so Asaf, Hemán qataq so Jedutún, da yaqto' do'onaxaataueegue da ỹa'axattac nam la'aqtacpi Ñim Lo'onatac 'Enauacna, ỹauota'a aso arpa, salterio qataq so natoviaxanatac lcat. Qaq 'ana ana le'enaxat lmalate som qaipa'axaneguetpi co'ollaxa de'era no'onataxanaxac.

1 Reyes 14:27

Nache so nta'a Roboán, qaltaq ỹo'ot co'ollaxa aso dalaxai npaqtaxanaqtepi bronce, da yaqto' nmeneguet naqa'en asomayepi, nache ỹanem da ilo'ogue naqa'en so alleppi maye nauaatalec so ñegueuo so nma' lta'araic.

1 Reyes 10:21

Qataq 'enauac aso ỹomaxaquipi maye lalamaqte so nta'a, ndotec oro, nataqa'en 'enauac so nquia'axaquipi se'eso lma' lta'araic maye le'enaxat da «Aviaq Líbano.» Qaq saishet da ỹalectauo na lcat plata, cha'aye se'eso vi'i co'ollaq nta'a so Salomón, nache na lcat plata qaica qanqa'en ca lashiichiỹaxac,

1 Reyes 9:14

Qaq asa'aso oro maye so Jirán ỹamaxa co'ollaxa so nta'a Salomón, ivi' tres mil novecientos sesenta kilos.

1 Reyes 11:3

Nache ivi' setecientos aso lhuapi maye llalepi so nta'alpi, qataq trescientos aso ỹaqauga lhuapi asom ỹashaxanec da lquiyaqteỹaxac somaye.

Eclesiastés 1:2

¡Qaica ca naigui, qaica ca naigui 'enapec som 'aqtaxanaxaic! ¡'Enauac nam huo'o qaica ca naigui!