Eclesiastés 2:4 - La'aqtaqa Ñim Lo'onatac 'Enauacna 2013

⁴ Qataq so'ot co'ollaxa na lta'araic no'onatacpi, qataq ño'oxoosheguem so lta'araic ima', qataq huo'o so ỹalamaxat ỹanaxanqa' uva lma'pi.

Eclesiastés 2:4 Referans Kwoze

Daniel 4:30

nache 'enapeco': «¡Ña qauoloỹa na Babilonia da ỹataqta lta'araic! Aỹem so'ogoxona da lta'araic ỹa'añaxac co'ollaq ño'oxoosheguem da yaqto' hueta'a da llo'oxoyec da ỹo'onataxanaxac, qataq da ỹachaxan da ỹa'amaqchec.»

Isaías 5:1

Nagui so'onaxan souaxat so ñauochaxaua, so'on dam no'onec maye ỹa'axat so lanaxanaqa' uva lma' so ñauochaxaua. So ñauochaxaua huo'o co'ollaxa so lanaxanaqa' uva lma', maye huaña so ỹataqta no'on 'alhua.

Cantares 7:12

Qaq da nte'etom nache saxauga ye lma' ana nañiguishe uvapi, da yaqto' semetenaq da mashe huo'o ana llaxataxa, qataq da mashe dasovi ana lauoxo, qataq da mashe huo'o ana lauoxo ana granadapi. ¡Nache huaña qome da 'am sami' da ỹauotaxanaqtaic!

Cantares 1:14

So ỹauotaxat 'eeta'am ñaqa'en ana lauoxo ana alheña maye huauga ye lma' ana nañiguishe uvapi ye Engadí.

Salmos 49:11

Na'aictoxo' namayepi da nanettalec da le'enaxat ca na'alhua, qalaxaye añi huachiqui nachañi añi chochaq tatec da lanataqa', añimaye nache tatec qome da huetangui.

2 Crónicas 26:10

Nataqa'en no'oxoosheguem aso nalloxolatepi, ỹanalec ye toolec 'alhua, qataq ỹo'ot aso qalota lsherepi maye ñi'illoxoquipi, cha'aye ỹataqta qalota aso lalopi maye huetalec so nalochiguiñi 'alhua, qataq so nalochiguiñi 'alhua maye huaña ye pa'asheguem. Qataq nataqa'en huo'o so lo'onataxanaxanecpi maye na'atteguesheguem so 'alhua, qataq som ilotague' so uva lma'pi, maye hueta'a so qasoxonaxasat, qataq so ca'amapega't 'alhua, cha'aye somaye ỹataqta nqopita da do'onataxaalec na 'alhua.

2 Crónicas 8:11

Qaq so Salomón nataqa'en nqochenaxat aso llale so faraón ỹachegoxotchiguiña so huaqta'a't nỹecpi maye lalamaxat so David, nache ỹanaigui so nma' lta'araic maye no'oxoosheguem co'ollaxa da yaqto' lma' asomaye, cha'aye 'enapeco': Añi ihua saishet da nache netaigui ñi lma' lta'araic so David maye nta'a na Israel, cha'aye nam nma'pi maye mashe netaigui co'ollaxa añi arca maye laỹe' naua lqataxaco Ñim Nataxala' ỹataqta sa qaishetapec.

1 Crónicas 27:27

Qaq so ilotague' nam nañiguishe uva lma'pi, le'enaxat Simea, maye lma' ye Ramat, qaq so pa'aỹa'aguet da laỹona't na lataxa da yaqto' iroua'a so laỹonaxaqui, le'enaxat Zabdi, maye lma' ye Sefam.

1 Reyes 15:19

«'Am, qataq aỹem, so'otaq qome ca qanaỹamaxataxac, 'eeta'am da 'eetec co'ollaxa soua qarta'al. Qaq nagui 'am samaxa da 'anme ñaqa'en na oro, qataq na plata. Qaq ỹoqo'oye 'anqo'ona qome ñi Basá maye nta'a ye Israel, da 'anlaxaañi da 'anaỹamaxataxac co'ollaq 'anaỹamaxate' ñimaye, yaqto' ñimaye ỹaxaañi da aỹem iloquiaxaatac.»

1 Reyes 9:1

Qaq so Salomón co'ollaq imat da no'oxoosheguem aso atamnaxaqui maye lalamaqte Ñim Nataxala', qataq so maiche lma', qataq 'enauac som laỹepi maye ỹo'otpi somaye,

2 Samuel 18:18

Qaq co'ollaq ña nca'altauec so Absalón, nache nauaxaỹaxaasheguem co'ollaxa so coma' da yaqto' sa qaicoua'ai somaye, naña naqa'en so ca'amapega't maye lalamaxat so nta'a, qataq ỹanagui da maiche le'enaxat somaye, cha'aye somaye qaica ca llalec. Qaq nache ivitta'a nagui da le'enaxat «Añi ncoma' so Absalón.»

Génesis 11:4

Qaq ime co'ollaxa, nache 'enapeco' somayepi: «Ña qauanaqui, ño'oxonaxasheguem ca huaqta'a't nỹecpi, qataq aca qaraue, iviro'ot ñaqa'enaq na piguem. Yaqto' qomi' ỹo'oxora'q, qataq yaqto' saishet da ñelagaxataxalec 'enauac ana 'alhua.»