Eclesiastés 2:26 - La'aqtaqa Ñim Lo'onatac 'Enauacna 2013

²⁶ Cha'aye Ñim Lo'onatac 'Enauacna, ỹanem da laỹaanec, qataq da lauattonaxanaxac, qataq da lamaicỹaxac cam taalec da ỹaỹamaxareeta Ñimaye, qalaxaye cam 'etaxaloxoic, qalaq ỹanem da lo'onataxanaxac da lapootac qataq nquictasheguem da lsallaxa, da yaqto' ime, nache ỹanem cam taalec da ỹaỹamaxareeta Ñimaye. ¡Qaq damaye nataqa'en qaica ca naigui, 'eeta'am da 'eetec da huotaique da qanllañi na la'at!

Eclesiastés 2:26 Referans Kwoze

Proverbios 13:22

Ca ỹale no'on da lataxac qalaq no'onaxata'aguet na laualpi na lalamaxatpi, qaq da lsallaxa ca 'etaxaloxoic qalaq talec ca no'on da lataxac.

Proverbios 28:8

Ca lapootasheguem da lsallaxa maye ỹachegoxotaigui ana nsheetenaxanaqte, camaye laỹootasheguem da lsallaxa da yaqto' talec qome ca nqouaguec na choxoraqpi.

Juan 16:24

Qaq choche ivitta'a nagui da qami' saxanaxa da huo'o ca qauỹaxañiỹaique da qoviilec da ỹe'enaxat. Qaq qauỹaxañi qome, nache qauacoñiiguet ca qauỹaxañiỹaique, yaqto' ỹataqta qami' nlaqchiguilo da qantonaxaqui.

Santiago 3:17

Qalaxaye nam hueto'ot da naỹaanec maye chegoqo'ot Ñim Lo'onatac 'Enauacna, saishet da ỹo'ottac na qauem, nachaqrata da nmitta'a da nlagaxayec qataq laxaraicpi qataq huo'o da lauotaxanaqtaic na laỹepi; qataq ỹalecaua'a da nqui'ic nam huetaigui da nque'eenaxac qataq nache 'eetai' da ỹo'ottac ca ỹaỹamaqchiguiñi. Qataq saishet da lca'atagui na laỹepi, qataq ỹataqta 'eesa da quetague' So Cristo.

Lucas 1:6

Aso Elisabet qataq so Zacarías ỹataqta no'o'n da lataxa'c qataq ỹataqta ỹalaxareguet 'enauac na lamaxasoxonaxacpi Ñim Lo'onatac 'Enauacna.

Da na'aqtaguec so Job 32:8

Cha'aye 'enauac nam shiỹaxauapi huo'o so maiche saqcha'a lca'alaxa qaq nacheso som ỹo'ot da laỹaanataxanaxac, cha'aye naua la'a'che Ñim Qaica ca Ỹaqalanapec nachenaua naua ỹo'o't da qarauattonaxanaxac.

Génesis 7:1

Qaq ime, nache Ñim Nataxala' 'enapega so Noé, 'eeta': «'Aunoxonoigui añi notaxaqui, 'arỹatreuo 'enauaque naua 'aỹa'alqa, cha'aye nache 'amta da qoqueelec nam sheetapeguecpi, saishet da qoneta'am nam 'aualecta'aguet shiỹaxauapi.

Eclesiastés 1:14

Qaq aỹem ishet da saỹaten da 'enauac nam qaỹo'ottacpi ana'ana 'alhua ỹataqta qaica ca naigui, 'eeta'am da 'eetec da huotaique da qanllañi na la'at.

Da na'aqtaguec so Job 38:36

¿Negue't ca ỹami' da yaqto' huo'o da laỹaanec ana huategra, qataq ca ỹami' da sa nqalat na 'olgaxa?

Salmos 39:6

'Enauac na shiỹaxauapi da jec qalaq 'eeta'am na lpaqal. Qaica ca naigui da lapoosheguem da lsallaxa, cha'aye sa ỹaỹaten chaq negue't ca no'ona'aguet qome damaye.

Salmos 51:6

Qataq saỹateeta da 'auauotec, da lquiyaqteỹaxac ca no'on ỹale, ỹoqo'oye saqcha'a 'anqa'en da aỹem 'aỹa'anem da ỹaỹaanec.

Proverbios 2:6

Cha'aye Ñim Nataxala', nacheñi ñi ỹan da naỹaanec, cha'aye naua la'aqtaqa nache chegaqaiguilo da nauattonaxanaxac qataq da naỹaanataxanaxac.

Eclesiastés 1:13

nache aỹem ỹataqta ñañaneguet co'ollaxa da ñimittac qataq ñaỹaanaxanaqchen da ñapaxagueetega 'enauac nam qaỹo'ottacpi ana'ana 'alhua. ¡Qaq sela'a da ỹataqta qapa'atta nam no'onatacpi maye Ñim Lo'onatac 'Enauacna ỹasaxalec nam shiỹaxauapi, da yaqto' nachena nam huetague' da ỹo'ottac!

Eclesiastés 2:25

Cha'aye, ¿negue'to' ca ishet da deque'etac, huo'otaq da ntootapigui', da saishet da nacheñi Ñimaye?

Eclesiastés 3:10

Qaq aỹem sela'a nam qapa'atta no'onatacpi maye Ñim Lo'onatac 'Enauacna, ỹanem co'ollaxa nam shiỹaxauapi da yaqto' ỹo'ottac.