Eclesiastés 2:18 - La'aqtaqa Ñim Lo'onatac 'Enauacna 2013

¹⁸ Qataq sevira'a nataqa'en da saỹemec 'enauac nam ỹo'onatacpi co'ollaxa ana'ana 'alhua, cha'aye saỹaten da 'enauac namayepi talec cam aỹem nca'atalec qome.

Eclesiastés 2:18 Referans Kwoze

Salmos 49:10

Cha'aye 'enauac da ileu namayepi, ivira'a na ỹaanaxanaxaic qataq na qaica ca ỹaỹaanapec, nache ỹaqa'a ca no'ona'aguet da lsallaxa.

Salmos 39:6

'Enauac na shiỹaxauapi da jec qalaq 'eeta'am na lpaqal. Qaica ca naigui da lapoosheguem da lsallaxa, cha'aye sa ỹaỹaten chaq negue't ca no'ona'aguet qome damaye.

1 Corintios 3:10

Qaq aỹem sheeta'am ca ilotague' ca nỹec lo'opi, cha'aye Ñim Lo'onatac 'Enauacna aỹem ỹanem da llapaxañi so no'oxonaxala' ca nỹec. Qaq na ỹaỹepi qalaq no'oxootapiguisheguem somaye. Qalaxaye ñi 'oonolec iuen da ilotelec da lataxac ca lo'onataxanaxac.

Lucas 12:20

Qalaxaye Ñim Lo'onatac 'Enauacna 'enapega, 'eeta': ‹'Am ỹale ỹataqta qaica ca 'auaỹaanapec, nachena ne'ena pe 'am 'aleu, qaq 'enauac nam 'auaỹamaxattac, ¿negue't qome cam talec?›

Eclesiastés 9:9

Qataq 'Auamachiguiñi qome da qoueta'aguet aca 'arauotaqte 'arhua, 'enauaque naua na'axa'te, qom ñaq 'anachattaigui de'era achaalataxac maye qaica ca naigui, dam 'am ỹanem co'ollaxa Ñim Lo'onatac 'Enauacna da qonetalec ana'ana 'alhua. Cha'aye nacherata 'araueguec maye chegaqaigui dam qalota 'aro'onataxanaxac ana'ana 'alhua.

Eclesiastés 5:18

Qaq dam sela'a maye ỹoqta ỹaỹamaqchiguiñi da qaỹo'ot damaye, 'eeta': sequia'aqtac qataq ñeỹomaqtac, ñeque'etaxanaqchigui dam alaỹaxac dam qalota qaro'onataxanaxac ana'ana 'alhua, da ñaq huo'o dam saqaloc qanachaalataxac maye qomi' ỹanema Ñim Lo'onatac 'Enauacna, cha'aye nachera dam qomi' qoỹanema.

Eclesiastés 4:3

Qalaxaye sela'a da nam ỹataqta machiguiñi, nachena nam saxanaxa da ñeguiñi, cha'aye namayepi saxanaxa da ilogui nam qauemsat, maye qaỹo'ottac ana'ana 'alhua.

Eclesiastés 2:26

Cha'aye Ñim Lo'onatac 'Enauacna, ỹanem da laỹaanec, qataq da lauattonaxanaxac, qataq da lamaicỹaxac cam taalec da ỹaỹamaxareeta Ñimaye, qalaxaye cam 'etaxaloxoic, qalaq ỹanem da lo'onataxanaxac da lapootac qataq nquictasheguem da lsallaxa, da yaqto' ime, nache ỹanem cam taalec da ỹaỹamaxareeta Ñimaye. ¡Qaq damaye nataqa'en qaica ca naigui, 'eeta'am da 'eetec da huotaique da qanllañi na la'at!

Eclesiastés 1:13

nache aỹem ỹataqta ñañaneguet co'ollaxa da ñimittac qataq ñaỹaanaxanaqchen da ñapaxagueetega 'enauac nam qaỹo'ottacpi ana'ana 'alhua. ¡Qaq sela'a da ỹataqta qapa'atta nam no'onatacpi maye Ñim Lo'onatac 'Enauacna ỹasaxalec nam shiỹaxauapi, da yaqto' nachena nam huetague' da ỹo'ottac!

Eclesiastés 1:3

¿Negue't ca laueguec ca ỹale da ỹaguec da lo'onataxanaxac da netalec ana 'alhua?

Salmos 17:14

'Aurolec qome da 'ara'añaxac, 'Am Nataxala' da aỹem 'anca'alaxateeguesop namayepi, qataq ca'ai 'anqa'en ana'ana 'alhua maye nhuanaua'a de'era nachaalataxac. Ỹoqo'oye 'aua'axaỹa'a qome namayepi da yaqto' qalota da lsallaxa, qataq da ỹataqta icoma' na llalaqpi da deque'etac, qataq da ivirauga 'anqa'en da lquia'axac ca laualpi.

Eclesiastés 2:11

Qaq ime, nache semeteetac 'enauac nam ỹo'onatacpi, qataq nam huo'o da lqalaic co'ollaq so'ottac, nache sela'a da 'enauac namayepi da qaica ca naigui, 'eeta'am da 'eetec da huotaique da qanllañi na la'at, qataq qaica ca qaỹachegoxotaigui damaye, ana'ana 'alhua.

Eclesiastés 2:21

cha'aye huo'o na do'ogoxona da naỹaanec, qataq da nauattonaxanaxac, qataq nam nauane'pi dam lo'onataxanaxac, da yaqto' talec 'enauac cam sa do'onataxan co'ollaxa. ¡Qaq damaye nataqa'en ỹataqta qaica ca naigui, qataq ỹataqta saỹaỹamaxañi!

Eclesiastés 3:22

Qaq aỹem sela'a da qaica ca lỹa no'on da ỹo'ot ca shiỹaxaua, nacherata da ntootapeguec dam lo'onataxanaxac, cha'aye nachera dam nsheetenaguec, cha'aye qaica ca ishet da qaltaq ñe'eguelaxat da yaqto' imeten nam dalaxaicpi maye taỹa'a da huo'o, qom mashe ime da ileu camaye.