Eclesiastés 2:16 - La'aqtaqa Ñim Lo'onatac 'Enauacna 2013

¹⁶ Cha'aye qaica ca ishet da qaltaq iuennatega cam ỹaanaxanaxaic, qataq cam qaica ca ỹaỹaanapec, cha'aye da mashe qaỹoqteguelo naua vi'iye, nache 'enauaque da qaicoua'aisalo, cha'aye cam ỹaanaxanaxaic, qataq cam qaica ca ỹaỹaanapec 'eeta'a't da ileu'.»

Eclesiastés 2:16 Referans Kwoze

Eclesiastés 1:11

Som hua'auñipi somayepi mashe qaicoua'ai, qaq nataqa'en qaicoua'ai qome nam dalaxaicpi qataq cam ñaq taỹa'a da yo'oq.

Eclesiastés 9:5

Cha'aye nam nca'altauecpi ỹaỹaten da taỹa'a da ileu, qalaxaye nam leuaxaicpi qaica ca ỹaỹaten qataq qaica ca laueguec, cha'aye dam na'aqtaguec namayepi mashe qaicoua'ai.

Salmos 88:12

Cha'aye ye huaña na napalaxa, ¿peta'a isheto' da qaỹauatton na 'auo'otpi maye ỹo'ot da na'aalaxa, huo'otaq na 'auo'otpi maye ỹaỹamaqchiguiñi da lataxac, da huaña ca 'alhua maye qaica ca qaiuennatapega?

Éxodo 1:8

Qaq co'ollaq mashe qaỹoqteguelo soua vi'iye, nache huo'o so dalaxaic nta'a da yaqto' ilo'ogue ye Egipto. Qaq somaye saishet da ỹauatton so José, qataq nache 'enapego' so lauo' le'ecpi, 'eeta':

Hebreos 9:27

'Enauac da shenaqta 'oonolec da seleuaq, ime, nache nvi' ca nmitaguec 'enauacna.

Malaquías 3:16

Qaq huaña nache nam huo'o naq 'enec naqa'en Ñim Lo'onatac 'Enauacna, detaqtega't. Qaq Ñim Nataxala' hua'axaỹa, nache ỹataqta na'axaỹaxaachigui na la'aqtacpi. Qaq nache qaỹatato'ot Ñim Nataxala', co'ollaq qoỹerelec aso nere da yaqto' saishet da qaicoua'ai nam huo'o naq 'enec naqa'en Ñim Nataxala', qataq ỹo'oxoreetac Ñimaye.

Eclesiastés 6:8

Cha'aye cam ỹaanaxanaxaic ¿peta'a napacalec cam qaica ca ỹaỹaanapec? Qataq ¿negue'to' cam laueguec cam choxoraq maye ỹaỹaten da dataỹa'aguet nam ivireguetpi da nachaalataxac?

Eclesiastés 2:14

Cam ỹaanaxanaxaic ỹataqta nlotauec, qaq ca qaica ca ỹaỹaanapec qalaq quetagui na napalaxa. Qalaxaye nataqa'en saỹaten da 'enauac da 'oonolec ye iuatta'aguet laloqo'.

Salmos 103:16

qaq da anac na la'at da iraxan acamaye nache qaca naqa'en, nache qaica ca ỹaỹaten ca taigue acamaye.

Salmos 49:10

Cha'aye 'enauac da ileu namayepi, ivira'a na ỹaanaxanaxaic qataq na qaica ca ỹaỹaanapec, nache ỹaqa'a ca no'ona'aguet da lsallaxa.

2 Samuel 3:33

Nache so David, ỹo'ot so lo'onec nỹeetaueegue souaxat da nqui'ic da do'onaxaalec so Abner, 'eeta': «¿Ta'ainco' da 'aleu 'am Abner, da 'arleuaxa 'eeta'am ca sa daỹaanataxan,

Éxodo 1:6

Qaq co'ollaq mashe ileu so José qataq so lqaỹañecpi, qataq 'enauac som lauo' le'ecpi maye naloxouapi,

Eclesiastés 2:15

Qaq huaña, nache sheeta': «Dam taỹa'aguet cam qaica ca ỹaỹaanapec, nataqa'en aỹem saỹa'aguet, qaq ỹoqo'oye ỹataqta qaica ca naigui dam qalota ỹaỹaanec. ¡Qaq ivira'a damaye da ỹataqta qaica ca naigui!

Eclesiastés 7:2

Ỹactec da no'on da qotaỹa ca hueta'a ca leuaxaic, qaq saq 'ena'am da qotaỹa ca huaña ca na'ashaxac; cha'aye da nleuaxa nachera dam loga't 'enauac nam shiỹaxauapi, qaq iuen da iuennata'a damaye nam nca'altauecpi.

Eclesiastés 8:10

Qaq nataqa'en sauaachigui nam qauemaicpi da ỹo'oxoraq qanqa'en da qailareñi. Qaq nam saqỹet naxa da hueta'a ye ndaqa' maye qui'itta, qataq nam hueta'a ye huaqta'a't nỹecpi maye huaña nam no'on maye ỹo'otpi co'ollaxa, icoua'ai namayepi. ¡Qaq de'era nataqa'en qaica ca naigui!

Eclesiastés 9:15

Qalaxaye se'eso huaqta'a't nỹecpi hueta'a so 'oonolec ỹale maye choxoraq, qalaxaye ỹaanaxanaxaic, qaq somaye ishet taxa da do'ogoxona da laỹaanec da nca'alaxatec som huaqta'a't nỹecpi, ¡qalaxaye qaica co'ollaxa ca tachigui lauel somaye!

Proverbios 14:8

Da laỹaanec ca ỹaanaxanaxaic ỹo'ot da ỹaỹateetegue da lataxac camaye, qaq ca qaica ca ỹaỹaanapec qalaq maiche ỹatenachet da no'oopashaxac.