Eclesiastés 2:10 - La'aqtaqa Ñim Lo'onatac 'Enauacna 2013

¹⁰ Qaq saỹauano' da saq so'ot nam ñeqopittegapi, qataq qaica ca na'ashaxac ca saq so'ot. Qaq ỹo'ot da lamaicỹaxac da iquiyaqteỹaxac 'enauac nam so'otpi co'ollaxa, qaq de'era ỹamaicỹaxac, nachera dam ñesheetenaguec.

Eclesiastés 2:10 Referans Kwoze

Eclesiastés 9:9

Qataq 'Auamachiguiñi qome da qoueta'aguet aca 'arauotaqte 'arhua, 'enauaque naua na'axa'te, qom ñaq 'anachattaigui de'era achaalataxac maye qaica ca naigui, dam 'am ỹanem co'ollaxa Ñim Lo'onatac 'Enauacna da qonetalec ana'ana 'alhua. Cha'aye nacherata 'araueguec maye chegaqaigui dam qalota 'aro'onataxanaxac ana'ana 'alhua.

Eclesiastés 5:18

Qaq dam sela'a maye ỹoqta ỹaỹamaqchiguiñi da qaỹo'ot damaye, 'eeta': sequia'aqtac qataq ñeỹomaqtac, ñeque'etaxanaqchigui dam alaỹaxac dam qalota qaro'onataxanaxac ana'ana 'alhua, da ñaq huo'o dam saqaloc qanachaalataxac maye qomi' ỹanema Ñim Lo'onatac 'Enauacna, cha'aye nachera dam qomi' qoỹanema.

Eclesiastés 3:22

Qaq aỹem sela'a da qaica ca lỹa no'on da ỹo'ot ca shiỹaxaua, nacherata da ntootapeguec dam lo'onataxanaxac, cha'aye nachera dam nsheetenaguec, cha'aye qaica ca ishet da qaltaq ñe'eguelaxat da yaqto' imeten nam dalaxaicpi maye taỹa'a da huo'o, qom mashe ime da ileu camaye.

Salmos 119:37

Qataq saishet da aỹem 'auashenem da selogui ca qaica ca naigui, qataq aỹem 'aỹa'anem da ica'alaxa yaqto' shectegue so 'anqa'aic.

Salmos 128:2

Qom chectac ca aloq maye chegaqaigui da lo'onataxanaxac, qalaq ỹataqta machiguiñi qataq no'on da llecỹaxac.

1 Juan 2:16

Nam lataxacpi maye ỹachaxaatac na shiỹaxauapi maye huetalec ana 'alhua, saishet da chegoqo'ot Ñim Lo'onatac 'Enauacna, namayepi chegoqo'ot nam 'etaxaloxoicpi maye huetalec ana 'alhua. 'Ena nam lataxacpi maye ỹachaxaatac ana 'alhua: na qauem nqopitaxanaqtaiguesat, da nyaxayec da qaỹaconeguet cam qailota'a, qataq da nsallaxa maye chegaqaigui da ño'oxonnaxac ca shiỹaxaua.

Eclesiastés 2:22

Qaq, ¿negue'tom cam ỹachegoxotaigui cam shiỹaxaua da ỹaguec da lo'onataxanaxac, qataq da ỹaguec da lhuogoxo da netalec ana'ana 'alhua?

Eclesiastés 11:9

'Am nsoqolec, nagui da ñaq nalota't da 'anachaalataxac nache 'antootapigui' qome, qataq 'anque'etaxaachigui nam no'on maye ishet da 'auo'ot nagui. Qoquegue da 'arquiyaqteỹaxac souaxat nam 'aulota'api, qalaxaye 'auennata'a da Ñim Lo'onatac 'Enauacna, nmit qome 'enauac nam 'auo'otpi.

Eclesiastés 6:9

Qaq ỹactec da huo'o da naigui cam mashe qailota'a, qaq saq 'ena'am cam choche qaipettega. Qalaxaye nataqa'en de'era qaica ca nagui, 'eeta'am da 'eetec da huotaique da qanllañi na la'at.

Proverbios 23:5

Cha'aye da ỹoqta 'aumeteeta damaye, nache ishet da 'aula'a da qaica de'era nsallaxa, cha'aye damaye ỹataqta sa ilaua'ague da jec, 'eco' da huo'oi naua laua't 'eeta'am na vi'ic da huaỹo.

Da na'aqtaguec so Job 31:1

Aỹem maiche iuennataxa co'ollaxa da ne'enaua ỹa'ai'te, saishet da iloguilo ñaqa'en aca 'alo maye saxanaxa da huaron.

Jueces 14:2

Qaq co'ollaq ỹe'eguelaxa so lma', nache da'aqtaxanema soua lta'al, nache 'eeta': Aỹem sela'a aso 'alo filistea, huaña ye Timná, ỹoqo'oye sauotaique da qauỹaxañiiua'a asomaye da yaqto' saroneguet.

Génesis 6:2

nache som llalaqpi Ñim Lo'onatac 'Enauacna, ila'a co'ollaxa da se'eso 'alpi ỹataqta 'onaxaipi, nache lca'agui asomayepi, nache huaroneguet anam ỹataqta lauela.

Génesis 3:6

Nache aso 'alo ila'a co'ollaxa da ana ala asa'aso qo'oipaq ỹataqta 'onaxai, nache huo'o da lyaxa da chec, qataq da lyaxa da huo'o da lauattonaxanaxac. Nache nqat aso 'oonole ala asomaye nache chec, qaq ime nache ỹanem so lhua, nache somaye nataqa'en chec.

Eclesiastés 5:10

Cha'aye cam ỹaguec da lauoche ana anom, qalaq nache queto'ot da huotaique da nquictasheguem ana alom, saishet da huo'o ca na'a'q da ỹa'amaqten da mashe qalota ana alom. Qaq damaye nataqa'en qaica ca naigui.

Eclesiastés 6:2

Da Ñim Lo'onatac 'Enauacna, huo'o na ỹanem da qalota lsallaxa qaltaq da llo'oxoyec, nache ỹataqta qaica ca iueetaique, qalaxaye Ñimaye saishet da ỹanem da nque'etaxaachigui 'enauac namayepi, nacherata da nque'etaxaachigui naqa'en namayepi ca lỹa shiỹaxaua. ¡Qaq damaye nataqa'en qaica ca naigui!

Eclesiastés 9:6

Qaq nataqa'en imeuo da lauotaxanaqtaic, qataq dam lquiỹaxanaqtaic, qataq da lsheguenataxanaxac, qataq nache tachiguiña da ỹalectapegueua'a 'enauac nam qaỹo'otpi ana'ana 'alhua.

Eclesiastés 2:1

Qaq huaña nache aỹem seuennataxaatac nache, sheeta': «Nagui she'eguen da so'ot nam na'ashaxacpi yaqto' sootaigui da no'on achaalataxac.» ¡Qalaxaye nataqa'en damaye qaica ca naigui!

Eclesiastés 2:24

Qaq dam ỹaỹamaqchiguiñi maye ishet da ỹo'ot cam ỹale, damaye, 'eeta': deque'etac, qataq nỹomtac, qataq nque'etaxaachigui da alaỹaxac da lo'onataxanaxac, cha'aye selalec da nataqa'en damaye, chegoqo'ot Ñim Lo'onatac 'Enauacna.

Eclesiastés 5:17

Ye ivira'a da 'enauac da nachaalataxac da nauane' na napalaxa, qataq qalota nam saỹalemaxat lhuennataxacpi, qataq nam nqui'icpi, qataq da lalemataic.

Eclesiastés 8:15

Qaq ỹoqo'oye aỹem sho'oxoren dam namaicỹaxac, cha'aye qaica ca lỹa no'on maye ishet da ỹo'ot cam shiỹaxaua ana'ana 'alhua, nacherata da deque'etac, nỹomtac qataq da'aistac. Cha'aye nachaqrata damaye hueto'ot, dam chegaqaigui da lo'onataxanaxac da nachaalataxac maye ỹanem Ñim Lo'onatac 'Enauacna.