Eclesiastés 12:9 - La'aqtaqa Ñim Lo'onatac 'Enauacna 2013

⁹ Qaq co'ollaq mashe ỹaguec na laỹaanec so 'aqtaxanaxaic, nache nquictec nam naỹaanec maye ỹapaxaguenec nam shiỹaxauapi. Qaq nataqa'en nañaneguet da ỹacoolec da napaxaguena nam qalota ntaxaỹaxacpi, qataq da ỹaỹamaxatchiguiñi da iỹottecache.

Eclesiastés 12:9 Referans Kwoze

1 Reyes 4:32

Qaq somaye ivi' tres mil som ỹa'ara't la'aqtacpi, qataq mil cinco som ỹo'ot lo'onecpi.

Proverbios 1:1

Naua la'aqtaqa so Salomón, som llalec so nta'a David, maye nta'a ye Israel,

Proverbios 25:1

Ne'ena nataqa'en la'aqtacpi so Salomón, maye nataqa'en ỹiyiñi co'ollaxa so leraxanaxanecpi so Ezequías, som nta'a ye Judá, 'eeta':

Proverbios 10:1

Naua la'aqtaqa so Salomón, 'eeta': Ca ñalec ỹaanaxanaxaic, machiguiñi naqa'en ca lta'a, qaq ca ñalec qaica ca ỹaỹaana'a qalaq ỹo'ot da nque'eenaxac aca late'e.

1 Reyes 10:8

¡Qaq yo'oqta ñaqa'en da ỹataqta machiguiñi 'enauac na 'artauapi, maye nache 'eetai' da na'axaỹaxaatega na 'araỹaanecpi!

1 Reyes 5:12

Qaq 'era da 'eetec Ñim Nataxala' da ipacchigui so la'aqtac maye ỹachaxanapeguem co'ollaxa so Salomón, da ỹanem da laỹaanec. Nache so Jirán qataq so Salomón, ỹo'o't co'ollaxa da naỹamaxataxa'c, nache ỹataqta huo'o da l-lagaxaye'c soomaye.

Daniel 12:3

Cam shiỹaxauapi maye ỹaanaxanaxaicpi, cam qalota co'ollaxa ca quegue naqa'en ca no'on nqa'aic, camayepi qashelectapiguiñi qome 'eeta'am na piguem, chochaq tatec qome da qashelectapiguiñi 'eeta'am ana huaqaañipi.