Eclesiastés 12:7 - La'aqtaqa Ñim Lo'onatac 'Enauacna 2013

⁷ Cha'aye qom ime de'era, nache nam lsoche na 'alhua, ỹe'eguelaxaigui ana 'alhua, 'eeta'am da 'eetec co'ollaxa, qaq som saqcha'a nca'alaxa ỹe'egueloqot Ñim Lo'onatac 'Enauacna, maye ỹan co'ollaxa.

Eclesiastés 12:7 Referans Kwoze

Daniel 12:2

Qalota qome cam do'ochetapi maye huetangui aca nhuachiqui, qalaq nlouec qome: qaq huo'o qome ca chochaq tatec da nca'altauec qataq huo'o qome ca nca'alec qalaxaye nque'etaxangui ca chochaq tatec la'agaxa qataq ca qauem.

Salmos 146:4

cha'aye da ileu nache qaltaq ỹe'eguelaxaigui ana 'alhua, qaq que'eca na'a'q imeuo nataqa'en nam huotaique ỹo'otpi.

Zacarías 12:1

Qaq 'era da la'aqtac Ñim Nataxala', da ỹa'axata'a da 'eetec qome nam Israel. Ñim Nataxala' maye ỹo'ot co'ollaxa na piguem, qataq ỹo'ot ana 'alhua, qataq ỹanem da lca'alaxa ca shiỹaxaua, da la'aqtac 'eeta':

Génesis 3:19

Qataq ỹataqta 'anchelchaqchiguiñi qome da 'auo'onataxaatac, da yaqto' 'auachiguiñi ca qollec, choche ivitta'a da 'avi'eguelaxaigui ana 'alhua, maye 'auachegaqaigui co'ollaq 'am qaỹo'ot, cha'aye 'am 'alhua lsoche, qaq nam 'alhua lsoche 'apactoigui qome.»

Génesis 2:7

Qaq huaña nache Ñim Nataxala', ỹo'ot so shiỹaxaua ỹachegoxotaigui na 'alhua. Ime, nache iquichichiguilo naua nmic lauaco, qataq ỹanem da lca'alaxa. Nache so shiỹaxaua huo'o da lca'alaxa.

Isaías 57:16

Qaq saishet qome da nache shecto'ot da sheetega huo'o ca lasouaxashet na ỹalamaxat nhuo' le'ecpi, qataq saishet qome da nache 'eetai' da senotac, cha'aye da sheetec de'era nache nam shiỹaxauapi maye so'ot co'ollaxa ishet da deqat da na'añaxataxac da aỹem nachatto'ot.

Números 16:22

Qalaxaye soomaye ỹa'alyiñi naua l-llectel, nache iviraxata'agueta naua lata'pi na 'alhua, nache 'ena'apo': 'Am Nataxala' maye 'Am Natamnaxala' 'enauac na shiỹaxauapi, ¿Peta'a 'aualemataỹa 'enauac ne'ena shiỹaxauapi maye laỹoota'a't, ye 'oonolec som huo'o da lasouaxashet?

Salmos 90:3

Qataq ca shiỹaxaua 'auo'otec da ỹe'eguelaxa da lsoche na 'alhua, da ivita da qoneta': «Qami' shiỹaxauapi, qavi'iguelaqỹa da qami' lsoche na 'alhua.»

Da na'aqtaguec so Job 20:11

Qaq na'aictaxa da ỹataqta ñaq nalota't da la'añaxac da nnogotshec, qalaxaye da tangui añi huachiqui nache ỹe'eguelaxa da 'alhua.

Números 27:16

'Am Nataxala', maye 'Am Natamnaxala' 'enauac na shiỹaxauapi, ñaq 'auauo'o qome ca lataxala' ne'ena nhuo' le'ecpi,

Hebreos 12:23

qaq nache hueta'a nataqa'en 'enauac nam ỹamata'ac da lalamaxat llalaqpi qataq nam ỹami' da ishet da hueta'a yemaye. Qami' mashe qanquiquiiua'a Ñim Lo'onatac 'Enauacna ñim nmit qome 'enauacna. Nataqa'en mashe qanquiquiiua'a da saqcha'a lca'alaxa so no'on shiỹaxauapi maye Ñim Lo'onatac 'Enauacna naloqchiichiguiñi naqa'en da lataxac.

Hebreos 12:9

Co'ollaq ñaq qomi' nogotolqa, nache soua yo'oqchiguilo qarta'al qomi' ỹapaxagueeta'ape, qaq qomi' nache huo'o naq 'ene'c ñaqa'ena'q soomaye. Qalaq ta'ainectoxo' da saq ỹactec da salaxasoxoguet Ñim Lo'onatac 'Enauacna maye Qarta'a maye neta'ague da piguem, cha'aye da nache shenaqtec de'era, nache huo'o ca qarca'alaxa chochaq tatec.

Jeremías 38:16

Qalaxaye so nta'a Sedequías, ỹoxotchiguiñi so ỹan la'aqtac maye ỹanem so Jeremías, 'eeta': 'Am sanem da ỹa'aqtac qataq Ñim Nataxala', maye qomi' ỹanema da qanachaalataxac, da aỹem saishet qome da 'am samaxasoxoolec da 'am qaỹalauat, qataq saishet da 'am saneguet da lhuaqỹaxac nam huotaique da 'am ỹalauat.

Génesis 18:27

Qalaxaye so Abraham qaltaq ỹe'eguelaxalec da, 'enapec: «'Auchoxoren qome aỹem, da 'eco' qaica ca ỹa'aloxo da 'am setaxaỹot, ye nache 'Am maye 'Aro'onatac 'Enauacna, aỹem qalaq choche aỹem shiỹaxaua,

Da na'aqtaguec so Job 7:21

¿Ta'ainco' ye sa 'auapalaxato' na ỹasouaxashetpi? ¿Qataq saisheto' peta'a da 'aucoua'ai na qauem maye so'ot? Cha'aye aỹem mashe saqaỹaloq da sootaigui na 'alhua, qaq na'aictoxo' da aỹem 'anmittaique qome qalaxaye mashe aỹem qaica.

Lucas 23:46

Nache So Jesús ỹa'alaq, 'eeta': –'Am Ita'a, 'am sepagaqteetot da saqcha'a ica'alaxa da maiche 'aulo'ogue. Qaq co'ollaq mashe nasaxauec de'era la'aqtac, nache ileu.

Hechos 7:59

Qaq co'ollaq ña qaỹasaqtalec so Esteban, nache somaye nqouagaxaueetac, 'eeta': –'Am Ỹataxala' Jesús, 'auaconeguet da saqcha'a ica'alaxa.

Salmos 103:14

cha'aye Ñimaye ỹaỹateeta da qarataxac, ỹaỹateeta da sachegoxosoxoigui ana 'alhua.

Salmos 104:29

qaq da 'aỹo'oxocheesop da 'arashiguiỹaxac nache huo'o da lcolanaxa, qaq da 'anqa't naua la'a'che nache ileu, nache qaltaq ỹe'eguelaxa da lsoche na 'alhua.

Salmos 31:6

Aỹem ỹataqta saỹemec na natameetacot na atamnaxala'pi maye qaica ca naigui. Qalaxaye aỹem 'am sacheto'ot da ñaquitaxac 'Am Nataxala'.