Eclesiastés 12:5 - La'aqtaqa Ñim Lo'onatac 'Enauacna 2013

⁵ qataq nam qaỹoqotcheguemec 'alhuapi qañi'iỹa, qataq ca nqa'aic huo'o da lchec. Ana almendro dasovi qome, qaq acam shiiquioxoi ipataxañi qome, qataq ana qo'oipaq alcaparra qaica ca naigui qome. Cha'aye cam shiỹaxaua taỹa'a cam lma' maye chochaq tatec, qaq hueta'a qome ca nqa'aic da lapootega't cam nỹeelec da l-leuaxa camaye.

Eclesiastés 12:5 Referans Kwoze

Da na'aqtaguec so Job 17:13

Qaq aỹem qalaq nacherata da seuatta'a da seleu, qataq da sootaigui na napalaxa da so'oche.

Da na'aqtaguec so Job 30:23

Qaq aỹem saỹateeta da 'anshetaique da aỹem 'auasaxangui aca huachiqui, añim loga't 'enauac na huo'o da lca'alaxa.

Proverbios 16:31

Ana napagaxai nachana ana ỹo'oxoren da nqueroxo, qataq anamaye 'itchiguiñi da laueque ca ỹaỹamaqchiguiñi da lataxac.

Salmos 71:18

'Am Ñatamnaxala', saishet qome da aỹem 'aualat, na'aictoxo' da mashe aỹem ỹa'axaiquiolec, qataq ỹapagaq na iqaic cha'aye sauotaique da shecto'ot da sa'aqtaxaateguem da lta'araic 'ara'añaxac ne'ena shiỹaxauapi, qataq ca ñaq natauo maye chegoxoguetpi namayepi.

Da na'aqtaguec so Job 15:10

¡Qomi' mashe qomi' ỹa'axaiqa, qataq ỹapaga'q naua qarqaigo, qataq huo'o na napacalec da llaxa so 'aralamaxat 'arta'a!

Levítico 19:32

Ỹataqta 'anachaañi da 'auqocha'a ca ỹa'axaiquiolec, souaxat da huo'o naq 'enec 'anqa'en. Qataq huo'o naq 'enec 'anqa'en na 'Anatamnaxala'. Qaq 'era da ỹa'aqtac, Aỹem Nataxala'.

Hebreos 9:27

'Enauac da shenaqta 'oonolec da seleuaq, ime, nache nvi' ca nmitaguec 'enauacna.

Jeremías 1:11

Ñim Nataxala' aỹem inat, 'eeta': «'Am Jeremías, ¿negue't dam 'aulota'a?» «Nache aỹem sheeta', selota'a ara lcoue ana almendro.»

Isaías 46:4

qaq choche ivitta'a qome da qami' ỹa'axaiquipi da saishet da ñaralaxat da ỹataxac, qom huo'o ana lapagaxai naua qarqaigolli' qalaq nache shecto'ot qome da qami' ñelletrañi. Aỹem so'ot co'ollaxa de'era qaq nache shecto'ot qome da qami' ñachetrashegue'm, Aỹem qami' ñelletrañi qome qataq qami' ñeca'alaxatrec.

Eclesiastés 9:10

Qataq 'enauac nam ishet da 'auo'ot, qalaq ỹataqta 'anasapattelec qome da 'auo'ot, cha'aye añi huachiqui maye 'aỹa'a, qaica ca no'onataxanaxac, qataq qaica ca qaiuennatega da qaỹo'ot, qataq qaica ca nauattonaxanaxac qataq ca naỹaanec.

Proverbios 20:29

Da ỹo'oxoren na nsoxoppi nachera da la'añaxac, qaq da ỹo'oxoren na ỹa'axaiquipi qalaq nachana ana lapagaxai.

Génesis 44:31

nache ñi qarta'a ishet qome da ileu souaxat da sa ila'a damaye. Qaq huaña nache qomi' qarasouaxashet da ñim ỹa'axaiquiolec maye qarta'a, ilem da laquicoxo.

Génesis 44:29

Qaq da qaltaq qauaviqui ñi lỹa ỹalec, nache da huo'o ca huaigui qauem, nache qami' qauasouaxache qome da ne'ena ỹa'axaiquiolec ilem da laquicoxo.

Génesis 42:38

Qalaxaye so Jacob 'enapeco': «Ñi ỹalec saishet da qami' ca'ateguelo. Cha'aye so lqaỹa José mashe ileu, qaq chaqñeta ñimaye da no'onañi. Qaq ñimaye da huo'o ca huaigui qauem da qoyecỹaxaqui, nache qami' qarasouaxashechi qome da ne'ena ỹa'axaiquiolec ilem da laquicoxo.»

Jeremías 9:16

Qataq taỹa ñaqa'en da yaqto' ỹalectaigui nam ỹotta'a't shiỹaxauapi maye so hua'au lta'alpi saỹauatton co'ollaxa, qataq so'ot da qairota'a na ỹeelonec da qaicaatac choche ivitta'a da qaica ca no'onañi.»