Eclesiastés 12:4 - La'aqtaqa Ñim Lo'onatac 'Enauacna 2013

⁴ Qaq qom nvi' que'eca na'a'q, nache qaỹapogui na lasompi na nỹecpi maye dataỹauga na nqa'aicpi, qataq da l-lamaxa ana namaicnaxanaqte coma'pi qalaq nquictañi, qataq nam qoỹopi do'onaxaatac qome, qalaxaye sa qaỹa'axaỹa da lo'onaxanaxac;

Eclesiastés 12:4 Referans Kwoze

Jeremías 25:10

Qataq so'ot qome da namayepi saishet da qaỹa'aqtega ca no'onec da huo'o ca na'ashaxac qataq da namaicỹaxac huo'otaq da qaỹo'onaxaalec ca naronaxac, qataq da l-lamaxa ca coma' maye namaicnaxanaxat, qataq saishet da ỹe'eguelaxa da qaila'a na le'eraxa ana ncoỹaraxanaxaquipi.

2 Samuel 19:35

Cha'aye aỹem, mashe ivi' naua ochenta vi'iye da ñachaalataxac. Ỹoqo'oye mashe qallegueme da saỹateeta ca ỹaỹamaqchiguiñi, qataq ca sa ỹaỹamaxañi, qataq mashe sañanomeguet da lamaic ca sachec qataq ca ñeỹomgui, qataq mashe qallegueme da sa'axaỹa na lo'onecpi na 'onaxanaxaicpi, ỹalleppi qataq 'alpi. Qaq ỹoqo'oye, ¿Ta'ainec taxa da qaltaq aỹem 'aumelec da aỹem 'auqochetague', 'am nta'a?

Apocalipsis 18:22

¡Nache saishet da lỹa da qaỹa'axaỹa da huetangui na 'anqa'aicpi ca devicnaxaatac da ỹauota'a aca nvique arpa qataq ana nasheere le'enaxat flauta qataq ana trompeta! ¡Nache saishet da lỹa da qaila'a da huetangui na 'anqa'aicpi na shiỹaxauapi maye ỹotta'a't na ỹaỹaten qataq nataqa'en saishet da qaltaq ỹe'eguelaxalec da qaỹa'axaỹa da l-lamaxa na coma' maye namaicnaxanaxat!

Isaías 47:2

'Auacona ca coma' maye namaicnaxanaxat nache 'auamaiquen ca 'ayiiña, qataq 'anqat na lapoxot na 'arqaic qataq 'aunaasheguem ana 'arpoto, qataq 'auauaaleguete naua 'archel, nache 'auapetañi da 'aua'axasoxongui na talapi,

Da na'aqtaguec so Job 41:14

¿Negue'tom ca ishet da nauatshegue'm naua alap laỹel, da yaqto' imeten ana ỹataqta huo'o da lchec lhuepi?