Eclesiastés 12:2 - La'aqtaqa Ñim Lo'onatac 'Enauacna 2013

² Qaq 'auo'ot nagui da ñaq saxanaxa da vi'iiguet na le'eraxa añi nala', ñi ca'agoxoic qataq ana huaqaañipi, qataq da ñaq huo'o na lo'oc na piguem da mashe ime ca auot.

Eclesiastés 12:2 Referans Kwoze

Isaías 5:30

Qaq que'eca nhuo' le'ecpi qom ivita cam na'a'q maye naloqnec, nache da l-lamaxa dauaxan qome 'eeta'am aso auaxai, qom dataỹa'aguet na Israel le'ecpi, qaq da huo'o ca imeten ana 'alhua, nache ila'a qome da imattalec ca napalaxa, ca lo'oc na piguem qalaq ỹapo'oguet na yo'oqchiguiñi.

1 Samuel 4:18

Qaq so Elí, co'ollaq choche hua'axaỹa da qaỹa'axat da 'eetec aso laỹe' da naỹamaxataxac Ñim Lo'onatac 'Enauacna, nache huaña na laỹe so lasom da datatcheguem, nacheesop aso nso'onaxaqui, qaq cha'aye mashe ỹa'axaiqui qataq qapa'atchiguingui co'ollaq naañi, nache vi'ilec na lqosot, nache ileu. Qaq somaye ivi' co'ollaxa soua cuarenta vi'iye da lataxala' so Israel le'ecpi.

1 Samuel 4:15

qaq so Elí, mashe ivi' soua noventa y ocho vi'iye da nachaalataxac, ỹoqo'oye mashe sa nauaañi.

Salmos 77:16

'Am maye 'Aro'onatac 'Enauacna, co'ollaq 'am ilo'ot na 'etaxat nache huo'o da lcolanaxa, qataq cholaxan na 'etaxat maye ỹataqta qaỹoqchiguingui,

Salmos 71:20

Qaq na'aictoxo' da qalota co'ollaxa na aỹem 'auauanaqchetec, que'eenaxaguesat qataq na sa ỹaỹamaxañisat, qalaxaye qaltaq aỹem 'auachegoxotchiguiña qome, na qaỹoqchiguiña ana 'alhua da qaltaq aỹem 'anca'alaxatec,

Salmos 42:7

Nam qaỹoqchiguingui tocotpi maye huaña da qaỹa'axaỹa, da l-lamaxa na la'auaxac na 'etaxat maye 'anamaq, nache namaye aỹem quelec.

1 Samuel 3:2

Qaq so Elí mashe huotaique da sa nauaañi, nache huo'o so na'a'q, da somaye huetaigui so lma' nmatteguec.

Génesis 48:10

Qaq so Israel mashe ỹataqta ỹa'axaiqui, qataq mashe 'omalec da lmeenaxanaxac, qaq ỹoqo'oye mashe saishet da ỹoqta nauaachiguiñi. Qaq ỹoqo'oye so José nquigaxateua'alo so lta'a soua nogotolqa, nache somaye napigoxoi'salo soomaye, qataq nqapaleto.

Génesis 27:1

Qaq so Isaac ye mashe ỹataqta ỹa'axaiquiolec, qataq mashe sa nauaañi. Nache huo'o so na'a'q, qaq iỹaxaneuga so Esaú som llalec ỹe, nache 'enapega, 'eeta': «¡'Am ỹalcolec!» Nache so Esaú ỹasat, 'eeta': «¿Negue'tca, 'am ita'a?»

Mateo 24:29

So Jesús queto'ot da da'aqtaxaatac, 'eeta': –Qom inoxonec que'eca que'eenaxac: «Nache añi nala' 'om qataq ñi ca'agoxoic saishet da 'eroigui, qataq naañi ana huaqaañipi, qataq ivira'a da cholaxan na na'añaxacpi maye hueto'ot na pa'asheguem.»

Salmos 90:10

Da qanachaalataxac qalaq ivi' naua setenta vi'iye. Qaq na ỹoqta 'añaxaicpi qalaq ivi't naua ochenta vi'iye, qalaxaye da ño'oxonnaxac ca shiỹaxaua da qaỹoqtec da nachaalataxac, damaye ỹataqta qapa'atta qataq ỹauo'o da ndaxac qataq da no'onataxanaxac. Naua vi'iye sa qaỹaloq da imereuo, nache 'eeta'ama qomi'.

Isaías 13:10

Huaña nache ana huaqaañipi qataq aso dapiche' saishet da 'eroigui, qataq añi nala' da nnoxoosheguem qalaq naue', qaq ñi ca'agoxoic nataqa'en qaica ca le'eraxa.

Joel 3:15

Qaq huaña nache añi nala' qataq ñi ca'agoxoic, 'o'm qome, qaq anam huaqaañipi qaica qome ca le'eraxa.