Eclesiastés 12:10 - La'aqtaqa Ñim Lo'onatac 'Enauacna 2013

¹⁰ Se'eso 'aqtaxanaxaic ỹataqta npogoxoinapegue' da ỹanatalo naua na'aqtaqa maye ỹataqta qaỹamaategueta, qataq ỹaỹamaxatchiyiñi da ỹilyiñi naua na'aqtaqa maye ỹataqta 'eesora.

Eclesiastés 12:10 Referans Kwoze

Colosenses 1:5

Qami' nache qoñiitec da qarataxaqui cha'aye, chegoqchiguiña co'ollaq qaua'aqaichigui da 'eesa na'aqtaxanaxac maye chegaqaigui dam no'on na'axaỹaxac, qataq ỹataqta qauaỹaañita da Ñim Lo'onatac 'Enauacna huo'o ca iqataxaatapigui' maye hueta'ague da piguem.

1 Timoteo 1:15

Qaq de'era ỹataqta 'eesa, qataq saishet da qaiqoleguet da So Cristo Jesús naỹa ana 'alhua da nca'alaxatec na shiỹaxauapi 'etaxaloxoicpi, ivira'a aỹem, maye ỹactec da aỹem 'etaxaloxoic.

Proverbios 15:26

Ñim Nataxala' saisheteguet na lhuennataxacpi na qauemaicpi, qalaxaye ỹamaategueta naua na'aqtaqa 'onaxaiqa.

Eclesiastés 1:1

'Enaua naua la'aqtaqa so 'aqtaxanaxaic, maye llalec so David, maye nta'a co'ollaxa ye Jerusalén.

Juan 3:11

Aja', qalaxaye ỹataqta 'eesa de'era 'am sa'axatem, da qomi' saỹatenaqta da sa'axataqtac, cha'aye ỹataqta sauanaqchigui. Qalaxaye qami' saishet da qaua'amaqchiñi da sa'axataqtac.

Proverbios 15:23

Ỹataqta 'onaxaic da ỹaỹamaqchiguiñi ca nasataxac, lamaaxa da huaqchigui da ỹoqta qaiuen.

Eclesiastés 1:12

Aỹem 'aqtaxanaxaic, aỹem lta'a co'ollaxa na Israel le'ecpi yem Jerusalén,

Proverbios 10:32

Ca no'on da lataxac qalaq no'oñi naua la'aqtaqa, qaq ca qauemaic qalaq qauema naua la'aqtaqa.