Eclesiastés 12:1 - La'aqtaqa Ñim Lo'onatac 'Enauacna 2013

¹ Qaq 'auennata'a Ñim 'am Lo'onatac nagui da ñaq 'am nsoqolec, qataq nagui da ñaq saxanaxa da nvildeuo caua na'axa'te maye huo'o da lqalai'c, qataq caua vi'iye maye huaiguilo qome da qonapec, «ỹataqta qaica ca ỹamaicỹaxac naua vi'iye maye sootaiguilo.»

Eclesiastés 12:1 Referans Kwoze

Lamentaciones 3:27

Qataq no'on da ca ỹale nañaneguet da ỹataqta huesota da lataxac da ña nsoqolec.

Eclesiastés 11:8

Qalaxaye na'aictaxa da qaỹoqteguelo naua vi'iye da nachaalataxac ca shiỹaxaua, qalaxaye iuen da taỹa'a lauel da qalote' qome caua na'axa'te ca napalaxa, qataq 'enauac cam ñaq naỹa'acna ỹataqta qaica ca naigui.

Proverbios 22:6

'Auapaxaguenec qome ca nogotolec da no'on ñecỹaxac, yaqto' qom ivita da ỹa'axaiqui nache saishet da ỹaxanec.

Lucas 18:16

Qalaxaye So Jesús damaxasoxoneuga so ñaqpiolec, qataq 'enapegalo soua lapaxaguenataqa, 'eeta': –Ña qauaqaỹa'a qome na ñaqpiolec da Aỹem naua'a, saishet da sa qanashiñiiguet, cha'aye ca 'eeta'am ca 'oonolec namayepi, nache ishet da inoxoneua'a da lo'onataxanaxac Ñim Lo'onatac 'Enauacna.

Salmos 34:11

Ña qauanaqui qami' ỹalaqpi, ñaq aỹem qana'axaỹaxañiỹa, nache qami' sapaxagueneque da huo'o naq 'enec qanqa'eñi Ñim Nataxala'.

2 Timoteo 3:15

nataqa'en iuen da 'antoueeta'ac da co'ollaq ñaq 'am nogotolec, qaq nache 'eetai' da 'autaxaỹaxaata'ape naua ñiyigui'she la'aqtaqa Ñim Lo'onatac 'Enauacna, qaq naamaye nachenaua naua ivira'a naqa'en da 'am ỹaanaxanaxaic, da yaqto' 'auaỹaten da ỹoqta 'aupi'iỹa'a So Jesucristo, ime, nache 'anca'alec.

Salmos 90:10

Da qanachaalataxac qalaq ivi' naua setenta vi'iye. Qaq na ỹoqta 'añaxaicpi qalaq ivi't naua ochenta vi'iye, qalaxaye da ño'oxonnaxac ca shiỹaxaua da qaỹoqtec da nachaalataxac, damaye ỹataqta qapa'atta qataq ỹauo'o da ndaxac qataq da no'onataxanaxac. Naua vi'iye sa qaỹaloq da imereuo, nache 'eeta'ama qomi'.

Eclesiastés 11:10

Ñaq 'anqateeguesop qome añi 'arquiyaqte da nayeloxo, qataq qoca'ai 'enauac nam qauemsat, cha'aye ivira'alo naua ỹataqta no'oñi na'axa'te de'era nogotshec, ỹataqta qaica ca naigui.

Proverbios 8:17

Aỹem sauotec ca aỹem ỹauotec, qataq ca aỹem nmittaique aỹem ỹanata.

2 Samuel 19:35

Cha'aye aỹem, mashe ivi' naua ochenta vi'iye da ñachaalataxac. Ỹoqo'oye mashe qallegueme da saỹateeta ca ỹaỹamaqchiguiñi, qataq ca sa ỹaỹamaxañi, qataq mashe sañanomeguet da lamaic ca sachec qataq ca ñeỹomgui, qataq mashe qallegueme da sa'axaỹa na lo'onecpi na 'onaxanaxaicpi, ỹalleppi qataq 'alpi. Qaq ỹoqo'oye, ¿Ta'ainec taxa da qaltaq aỹem 'aumelec da aỹem 'auqochetague', 'am nta'a?

1 Samuel 2:26

Qaq so nogotolec Samuel, nache nquictasheguem da llaxa, qaq Ñim Nataxala' qataq som shiỹaxauapi ỹataqta ỹaỹamaxareeta da lataxac somaye.

Génesis 39:2

Qalaxaye Ñim Nataxala' hueta'aguet co'ollaxa so José, qaq ỹoqo'oye ỹataqta ỹaỹamaqchiguiñi 'enauac nam ỹo'otpi, co'ollaq hueta'a so lma' so na'aco' Egipto le'ec.

Lucas 1:15

Que'eca 'aỹa'alec camaye ỹataqta 'amaqtaqaic qome naqa'en Ñim Lo'onatac 'Enauacna. Camaye saishet da nỹomgui na lataxa, cha'aye So Saqcha'a Na'añaxac Qui'itta netaigui camaye qom saxanaxa da ñiguiñi.

1 Samuel 16:7

Qalaxaye Ñim Nataxala' 'enapega somaye, 'eeta': «Saishet qome da 'aulotagui da yo'oqchigui lataxac, qataq da lalogaxa, cha'aye saishet da nachera da selotagui. Cam shiỹaxaua ilotagui da yo'oqchigui nataxac, qalaxaye Aỹem saishet da selotagui da yo'oqchigui lataxac ca shiỹaxaua, nda'a't da selotagui da lquiyaqteỹaxac.»

Génesis 39:23

qaq som ilotague' aso ncoñetaxanaxaqui, saiuen da nmittac som ilotague'pi so José, cha'aye Ñim Nataxala' hueta'aguet somaye, qataq nacheñi Ñim ỹo'ot da ỹaỹamaqchiguiñi 'enauac nam ỹo'otpi somaye.

Efesios 6:4

Qaq qami' maye mashe huo'o na qaỹa'alqui, saishet qome da qaunogoqchichi namayepi. Nachaqrata da qauapaxagueñi, qataq qaỹa'añim dam napaxaguenataxanaxac maye quetague' nam ỹa'amaqteetac So Qarataxala'.

Daniel 1:17

Qaq Ñim Lo'onatac 'Enauacna ỹanema se'esoua cuatro nsoxoye da laỹaane'c, qataq da laỹaanataxanaxa'c da ỹaỹateetegueta 'enauac ana nerepi, qataq 'enauac na laỹepi naỹaanecpi. Qaq so Daniel qalaq nataqa'en ỹaỹaten da ỹa'axategue da naigui na nauanaqchecpi, qataq na nchoxonaxacpi.

Isaías 26:8

Qomi' nataqa'en ñanomaqta da ỹataqta qolaqtegue so nqa'aic maye qomi' 'auachaxanalo chegoqchiguilo naua 'arqataxaco, 'Am Nataxala'. Da lhuennataxac añi qarquiyaqte qalaq huotaique da saishet da 'am secouaqa'ai.

1 Samuel 2:18

Qaq se'eso nsoqolec Samuel, somaye nache queto'ot da do'onataxaatacot Ñim Nataxala', ỹaatañi naxa so efod maye chegaqaigui na lino.

1 Reyes 18:12

Qalaxaye da 'am sheca'ai, nache yo'oqta da anac qome so Saqcha'a La'añaxac Ñim Nataxala', da 'am ỹauega cam sasauana. Nache da ñeqo'ona ca Ajab, da sa'aqtaxanem de'era, qaq qom saishet da 'am ỹanata, nache aỹem ỹalauat qome. Qalaxaye 'auaỹaten da ne'ena 'aramaxashec, chegoqta'a co'ollaq ñaq nsoqolec da ỹataqta huo'o naq 'enec naqa'en Ñim Nataxala'.

1 Samuel 1:28

Qaq aỹem ñanac cha'aye maiche iuennataxa co'ollaxa da sanot namaye Ñim Nataxala', da yaqto' nache 'eetai' naua na'axa'te da do'onataxaatacot Ñimaye.» Nache so Elí ỹa'alyiñi naua l-llecte da nqouagaxaunot Ñim Nataxala'.

Oseas 7:9

Nache na chegaqauec shiỹaxauapi nquicta'a't naqa'en da la'añaxac namayepi, qaq namayepi sa nanoma de'era. Qataq ivira'a na laue da ỹapagaq qalaq sa nanoma damaye.

Da na'aqtaguec so Job 30:2

Cha'aye ¿negue'to' ca naigui ñaqa'en, da la'añaxac naua lhuaxaye somayepi? Ye naua lhuaxaye somayepi mashe imeuo da la'añaxac,

1 Reyes 14:13

Huaña nache 'enauac qome na Israel le'ecpi da nỹeelec camaye qataq ilayiñi. Cha'aye 'enauac nam chegoxoguetpi so Jeroboán, nachecata que'eca nogotolec maye ishet da qailareñi, cha'aye nachaqcata da ỹaỹamaxareeta Ñim Nataxala' maye Natamnaxala' na Israel le'ecpi.

Deuteronómio 8:18

Nacherata da qauennachiỹa'a Ñim Nataxala' maye Qanatamnaxala'ai, cha'aye Ñimaye nacheñi ñim qami' ỹanema da qara'añaxaqui da yaqto' qauacoñiiguet de'era nsallaxa, yaqto' ipacchigui da ỹan la'aqtac co'ollaq naỹamaxate' so hua'au qarta'ailpi.

Nehemías 4:14

Qaq co'ollaq sela'a da ỹataqta ñi'i somayepi, nache ñachaañi da shenapega so nataxala'pi, nta'alpi, qataq 'enauac som laỹepi shiỹaxauapi, sheeta': «¡Saishet qome da qayi'iitac! Nacherata da qauennachiỹa'a Ñim Nataxala' da ỹataqta 'añaxaic qataq ncolanaxat, ỹoqo'oye qauloquiilec qome na qarqaỹaipi, qaỹa'alquipi ỹalleppi, qataq 'alpi, qataq ana qaramoxouaipi, qataq naua qarma'achilli'.»

Salmos 63:6

Qaq naxa da mashe ñenaatalec ye imala', nache tachigui iuel 'am, nache imauec ye pe da 'am seuennatega,

Salmos 119:55

'Am Nataxala', ye pe qalaq tachigui ye iuel da 'are'enaxat, cha'aye sauotaique da sepacchiguilo naua 'arqataxaco.

Eclesiastés 11:2

Cam 'am hueto'ot, 'aỹa'anoiguilo caua siete huo'otaq caua ocho, cha'aye sa 'auaỹaten negue't cam qauem maye ishet da nvira ana 'alhua.

2 Samuel 19:36

Qataq ¿ta'ainco' da 'auauotaique da 'auo'ot ca ñesheetenaguec 'am nta'a? Ye choche sauotaique da 'am ñenaictague' da 'aitague da le'ego so tala Jordán.