Eclesiastés 11:9 - La'aqtaqa Ñim Lo'onatac 'Enauacna 2013

⁹ 'Am nsoqolec, nagui da ñaq nalota't da 'anachaalataxac nache 'antootapigui' qome, qataq 'anque'etaxaachigui nam no'on maye ishet da 'auo'ot nagui. Qoquegue da 'arquiyaqteỹaxac souaxat nam 'aulota'api, qalaxaye 'auennata'a da Ñim Lo'onatac 'Enauacna, nmit qome 'enauac nam 'auo'otpi.

Eclesiastés 11:9 Referans Kwoze

Eclesiastés 12:14

Cha'aye Ñim Lo'onatac 'Enauacna nmit qome 'enauac nam no'onatacpi, nam 'onaxaic qataq nam qauem, qataq ivira'a cam qoỹoxottañi da qaỹo'ot.

Eclesiastés 12:1

Qaq 'auennata'a Ñim 'am Lo'onatac nagui da ñaq 'am nsoqolec, qataq nagui da ñaq saxanaxa da nvildeuo caua na'axa'te maye huo'o da lqalai'c, qataq caua vi'iye maye huaiguilo qome da qonapec, «ỹataqta qaica ca ỹamaicỹaxac naua vi'iye maye sootaiguilo.»

Lamentaciones 3:27

Qataq no'on da ca ỹale nañaneguet da ỹataqta huesota da lataxac da ña nsoqolec.

Eclesiastés 3:17

Qaq ỹoqo'oye aỹem shenapec da Ñim Lo'onatac 'Enauacna, nmit qome ca ỹale maye no'on da lataxac, qataq ca 'etaxaloxoic, cha'aye huo'o ye laloqo' 'enauac nam yo'oq qataq nam qaỹo'otpi.

2 Corintios 5:10

Cha'aye 'enauac qome qomi' ñachaataxaua'a So Cristo, cha'aye nacheso so nmit cam qaro'onataxanaxac co'ollaxa da ña ñachaataqtaigui da qaro'ocỹaxac, qataq nacheso som chegoqtot ca la'aqtac da qomi' qoỹanema ca no'on qaraueguec, huo'otaq ca qanhuaxanaguec.

Hebreos 9:27

'Enauac da shenaqta 'oonolec da seleuaq, ime, nache nvi' ca nmitaguec 'enauacna.

Da na'aqtaguec so Job 31:7

Da huo'otaq sheca'ai da no'on ñecỹaxac, qataq da iquiyaqteỹaxac da quegue da maiche imeenaxanaxac, huo'otaq da naua ihua'q huetaiguilo na qauem,

Romanos 14:10

Qaq ỹoqo'oye saishet da qoquiiteguelec na laỹepi qara'amqaanataxanaxauaipi qataq saishet da qauo'otañi, cha'aye 'enauac da shenaqta qome qomi' nmi't Ñim Lo'onatac 'Enauacna.

Mateo 5:28

Qalaxaye Aỹem ỹataqta 'eesa de'era qami' sa'axatema da huo'o ca choche ilota'a aca 'alo, qaq huo'o da lqopiche, nache camaye sogote da 'eeta'am da mashe ncacheỹa'ai' acamaye dam lquiyaqteỹaxac.

Eclesiastés 2:10

Qaq saỹauano' da saq so'ot nam ñeqopittegapi, qataq qaica ca na'ashaxac ca saq so'ot. Qaq ỹo'ot da lamaicỹaxac da iquiyaqteỹaxac 'enauac nam so'otpi co'ollaxa, qaq de'era ỹamaicỹaxac, nachera dam ñesheetenaguec.

Génesis 6:2

nache som llalaqpi Ñim Lo'onatac 'Enauacna, ila'a co'ollaxa da se'eso 'alpi ỹataqta 'onaxaipi, nache lca'agui asomayepi, nache huaroneguet anam ỹataqta lauela.

Génesis 3:6

Nache aso 'alo ila'a co'ollaxa da ana ala asa'aso qo'oipaq ỹataqta 'onaxai, nache huo'o da lyaxa da chec, qataq da lyaxa da huo'o da lauattonaxanaxac. Nache nqat aso 'oonole ala asomaye nache chec, qaq ime nache ỹanem so lhua, nache somaye nataqa'en chec.

Números 15:30

Qalaxaye da huo'o ca shiỹaxaua da nache 'ena'anac da ỹo'ot ca lasouaxashet, na'aictaxa da Israel le'ec, huo'otaq chegaqauec, nache camaye Aỹem inogoqchet. Nache que'eca shiỹaxaua qanqateeguesop na lauo' le'ecpi,

2 Pedro 3:7

Qalaxaye nataqa'en ỹachegoxotchigui se'eso la'añaxac da Ñim Lo'onatac 'Enauacna ỹan da la'aqtac, da qom ivita que'eca laloqo', nache na piguem qataq ana 'alhua maye huo'oi nagui, naamaye ilaxachiguilo, irolec ca norec. Naamaye qaỹavigaxa't qom ivita que'eca na'a'q da Ñim Lo'onatac 'Enauacna nmit 'enauacna, nache ilaxachigui 'enauac nam ỹo'ottac na qauem.

Jeremías 23:17

Qataq da'aqtaxanem nam sa ỹaconegueta naua ỹa'aqtaqa, 'eeta': ‹'Onaxaic da qa'aita'ague› Qataq nam quetegueto naua qauema lhuennataxaco da lquiyaqteỹaxac qalaq da'aqtaxanem, 'eeta': ‹Saishet qome da qami' taleguete ca qauem.›»

Jeremías 7:24

Qalaxaye saishet da Aỹem ỹalaxaguet qataq saishet da Aỹem qocha'a, nacherata da saỹalaq nache queueegue da qauem lquiyaqteỹaxac. Qaq saishet da aỹem ñe'eguelaxa, nacherata da aỹem ca'ai.

Salmos 81:12

Qaq ỹoqo'oye namayepi saxanec da quegue ca maiche 'eetapeguec, qataq maicheye ca lauela da ỹo'ot.

Deuteronómio 29:19

Qaq qom ime da qana'axaỹaxañiitega ne'ena qoỹan na'aqtacpi, nache da huo'o ca 'oonolec da qoñiita da ipi'itaxaatega da no'on da lataxac, nache 'eeta': 'Enauac na so'otpi ỹaỹamaqchiguiñi, na'aictaxa da so'ot nam maiche sheetapeguecpi nache camaye nacheca ca qami' ỹasouaxa't qome.

Números 15:39

Yaqto' namayepi da ilota'a anamayepi, nache iuennata'a 'enauac na ỹamaxasoxonaxacpi maye samaxalec da ỹo'ot. Nache saishet da ỹo'ot ca maiche lquiyaqteỹaxac, huo'otaq da quetague' da maiche lmeenaxanaxac, maye ỹo'ot da nquisheshigui da la'amqaanataxanaxac.

Hechos 24:25

Qalaxaye co'ollaq so Pablo ỹa'axat da llec ca shiỹaxaua da no'on da lataxac, qataq da 'eetec da maiche ntel-la't, qataq cam pa'atec na'a'q qom qanmit 'enauacna, nache so Félix ỹataqta ñi'i. Nache 'enapeco': –'Asoma qojec, maicheyo' qom qaltaq huo'o ca iraqa', nache qaltaq 'am seỹaxaneuga.

Hechos 14:16

Soua lỹa't na'axa'te Ñim Lo'onatac 'Enauacna hua'aqta'a na shiỹaxauapi, da yaqto' maiche ỹoiqueetac ca llecỹaxac.

1 Reyes 22:15

Nache so Micaía co'ollaq ivireua'a so nta'a, nache se'eso nta'a, inat somaye, 'eeta': Micaía, ¿peta'a ishet da ñeqo'onaxa ye Ramot maye huaigui ye Galaad da seloquiaxanaq, qalqo' saishet? Nache so Micaía 'enapeco': Aja', ishet da 'anqo'ona da 'auloquiaxan yemaye, cha'aye Ñim Nataxala' 'am ỹanem qome da 'oxonec yemaye.

1 Reyes 18:27

Qaq co'ollaq mashe na'a'q laiñi, nache so Elías ỹe'eetalec somayepi, 'eeta': Ỹataqta qana'axanñic da qara'alaxaqui, cha'aye camaye atamnaxala'. Qaq saiuena'a da deuennataxaatac, huo'otaq imelec ca lo'onatac, huo'otaq huenoxonec. ¡Qalqo' do'ochetaca, nache iuen da qanquetoxon!

1 Reyes 18:12

Qalaxaye da 'am sheca'ai, nache yo'oqta da anac qome so Saqcha'a La'añaxac Ñim Nataxala', da 'am ỹauega cam sasauana. Nache da ñeqo'ona ca Ajab, da sa'aqtaxanem de'era, qaq qom saishet da 'am ỹanata, nache aỹem ỹalauat qome. Qalaxaye 'auaỹaten da ne'ena 'aramaxashec, chegoqta'a co'ollaq ñaq nsoqolec da ỹataqta huo'o naq 'enec naqa'en Ñim Nataxala'.

Números 22:32

Qalaxaye so lamaxashec piguem le'ec Ñim Nataxala', 'enapega somaye, 'eeta': ¿Ta'ainco' ye ỹataqta tres da 'avi'eguelaxalec da 'auaxaatac añi 'arelo 'ashena? Ye aỹem nachaỹem sootangui na 'ec da 'am ñeqanaxat, cha'aye sa saỹamaxaren da 'icỹaxac.

1 Corintios 4:5

Qaq ỹoqo'oye qami', saishet da qaua'aviỹalec da qanmichi ca qarỹai, nato' qom ñe'eguelaq So Jesucristo. Qaq qom ñe'eguelaq Somaye, nache ỹachaxan nam saqcha'a qataq nam iuennatega ñi 'oonolec. Nache Ñim Lo'onatac 'Enauacna ỹo'oxoren ñi 'oonolec, chegoqchigui cam ỹo'ot.

Josué 7:21

Can sela'a so ỹataqta 'onaxaic npo' maye qaỹachegoxota'ague da Babilonia, qataq aso doscientos aso lcatpiole plata qataq so 'oonolec laỹe' so oro maye ivi' medio kilos, ỹalectaigui som qaiuotaxanec nogoxoshetpi. Nache soqopita'alo yi'iyiua nogoxoshe'ete, ỹoqo'oye aỹem saconalo yeemaye qataq soxottrañi, selaroigui na 'alhua nam pa'auo ñi ipe'l, qaq aye lcatpi plata, nache sepa'axaachiguiñi.»

Lucas 12:19

Ime, nache maiche ntaqteguela't, 'eeta': Nagui mashe ỹataqta qalota nam ỹalamaxatpi maye saỹamaxat, namaye nalaiguilo caua saqaỹoqteguelo vi'iye. Nagui ñematec, seque'etac, ñeỹomtac, qataq samachiguiñi.›

Eclesiastés 6:9

Qaq ỹactec da huo'o da naigui cam mashe qailota'a, qaq saq 'ena'am cam choche qaipettega. Qalaxaye nataqa'en de'era qaica ca nagui, 'eeta'am da 'eetec da huotaique da qanllañi na la'at.

Eclesiastés 7:14

Qaq ỹoqo'oye da sana'aigue da 'icỹaxac, nache 'antootapeguec damaye; qalaxaye qom qauem da 'icỹaxac, nache iuen da 'auennataxan da 'enauaque naamaye maiche ỹo'o't Ñim Lo'onatac 'Enauacna, qaq cam ỹale qalaq saishet da ỹaỹaten cam tata'ague.

Eclesiastés 3:12

Qaq huaña nache aỹem saỹaten da qaica ca lỹa no'on maye ishet da ỹo'ot ca shiỹaxaua, nacherata da matapiguiñi, qataq ỹo'ot cam no'on da ñaq huo'o da nachaalataxac,