Eclesiastés 11:7 - La'aqtaqa Ñim Lo'onatac 'Enauacna 2013

⁷ ¡Ỹataqta saq no'onolec na yo'oqchiguiñi, qataq ỹataqta 'onaxaic da qaỹamato'ot añi nala'!

Eclesiastés 11:7 Referans Kwoze

Eclesiastés 7:11

Da naỹaanec ỹataqta 'onaxaic qataq ỹaỹamaxaañi nam netalec ana 'alhua da nnaictague' nataqa'en dam nsallaxa.

Mateo 5:45

Yaqto' qauachaxañi da qarataxaqui da qoñiita'am Ñim Qarta'ai maye Lo'onatac 'Enauacna maye neta'ague da piguem. Ñimaye nnoxoosheguem naqa'en añi nala' da icoỹarelec nam qauem da lataxac qataq na no'on da lataxac, qataq da ivita da namaq na auot, qalaq talec naqa'en nam ỹalaxaguet Ñimaye qataq nataqa'en nam saishet da ỹalaq.

Proverbios 15:30

Da no'on lmeenaxanaxac naua na'ai'te, qalaq machiguiñi naqa'en da nquiyaqteỹaxac, qaq ca no'on na'axaỹaxac qalaq dalaxaic naqa'en da na'añaxac.

Salmos 84:11

Cha'aye Ñim Lo'onatac 'Enauacna maye Nataxala', Ñimaye qomi' icoỹattaleguete qataq qomi' npaxattaleguete, Ñim Nataxala' chochaq ỹaatem da lchoxonnataxanaxa, 'enauac nam nalochiguiñi da lataxac.

Proverbios 29:13

Ca choxoraq qataq ca sa dechoxonnataxan caamaye nache 'eeta'a't, cha'aye Ñim Nataxala' ỹanema caamaye da huo'o da lmeenaxanaxa'c.

Da na'aqtaguec so Job 33:30

da yaqto' nca'alaxateeguesop da nleuaxa, qataq queta da ilotaigui naqa'en na yo'oqchiguiñi.

Eclesiastés 6:5

qataq na'aictaxa da sa ivira da ila'a añi nala', qataq da huo'o ca ỹaỹaten, qalaxaye camaye ỹactec da ỹaỹamaqchiguiñi da nmataxac, saq 'ena'am cam shiỹaxaua

Salmos 56:13

Cha'aye aỹem 'anca'alaxateeguesop da nleuaxa. Cha'aye aỹem 'anca'alaxateeguesop da yaqto' saishet da souañi. Yaqto' da ñachaalataxac quetaigui na yo'oqchiguiñi, da sooto'ot Ñim Lo'onatac 'Enauacna.

Da na'aqtaguec so Job 33:28

nacherata da Ñim Lo'onatac 'Enauacna aỹem nca'alaxateeguesop da nleuaxa, qataq ñaq 'eetalec da ñeca'altauec qataq ñaq selotaigui na yo'oqchiguiñi.»

Eclesiastés 12:2

Qaq 'auo'ot nagui da ñaq saxanaxa da vi'iiguet na le'eraxa añi nala', ñi ca'agoxoic qataq ana huaqaañipi, qataq da ñaq huo'o na lo'oc na piguem da mashe ime ca auot.