Eclesiastés 11:6 - La'aqtaqa Ñim Lo'onatac 'Enauacna 2013

⁶ Qaq 'aỹa'aañi aca ala aca 'añiguishe ye nte'eta qataq ye avit, cha'aye sa 'auaỹate'n caamaye negue't acam ỹoqta no'on da lañaxataxac, huo'otaq aso hua'auchiguiñi, huo'otaq aca nca'ataxanauo, huo'otaq 'enauaque caamaye da no'on da lañaxataxa'c.

Eclesiastés 11:6 Referans Kwoze

Isaías 55:10

Qataq 'eeta'am da 'eetec na auot qataq na 'aỹa da naañi chegaqasheguema na piguem, nache saishet da ỹe'eguelaq, nacherata da ỹapapiaxat ana 'alhua, nache ñaxachigui ana ala qataq ñaxatsheguem naqa'en, da yaqto' huo'o aca lañiguishe cam danaxaatac qataq huo'o ca aloq camaye.

Oseas 10:12

Qaq aỹem shenapega namayepi sheeta': qauo'oche qome da nalochiguiñi lataxac, yaqto' qauacoñiiguet da alaỹaxac da nauotaxanaqtaic. Qataq qauqataxañiỹai' ca qana'alhuai, yaqto' qaỹa'añiiñi ca dalaxaic qa'añiguishequi, cha'aye mashe ivita ye laloqo' da qanmitaique Ñim Nataxala', nache ivitta'a qom anac Ñimaye da qami' taleguete naqa'en ca 'onaxaic auot da qami' nca'alaxatrec.

2 Corintios 9:6

Qaq qantooñita'ac de'era na'aqtac, 'eeta': Ca saq 'amaqtaq ca ỹan, qaq nataqa'en saq 'amaqtaq ca ỹaconeguet; qaq ca lta'araic ca ỹan, qaq nataqa'en lta'araic ca ỹaconeguet.

2 Timoteo 4:2

Sauotaique da 'am 'aua'axat da na'aqtac da huo'o ca 'ardaqa', nache 'ena'am da qaica ca 'ardaqa'. 'Auachaxana da lsomaxac na shiỹaxauapi, 'auaỹamaxaañi qataq 'aua'añaqchet qataq 'anhualaxaune' da 'auapaxaguen.

Eclesiastés 9:10

Qataq 'enauac nam ishet da 'auo'ot, qalaq ỹataqta 'anasapattelec qome da 'auo'ot, cha'aye añi huachiqui maye 'aỹa'a, qaica ca no'onataxanaxac, qataq qaica ca qaiuennatega da qaỹo'ot, qataq qaica ca nauattonaxanaxac qataq ca naỹaanec.

Eclesiastés 9:1

Qaq 'enauac de'era aỹem ỹataqta ñañaneguet da semeteetac, huaña nache saỹaten da na no'on da lataxac qataq na ỹaanaxanaxaicpi, qataq nam lo'onatacpi, huetaiguilo naua lhua'q Ñim Lo'onatac 'Enauacna. Qaq cam shiỹaxaua saishet da ỹaỹaten dam nsoxoyec, qataq da nquiỹaxanaqtaic na'aictaxa da nlota'ai' damaye.

Eclesiastés 11:7

¡Ỹataqta saq no'onolec na yo'oqchiguiñi, qataq ỹataqta 'onaxaic da qaỹamato'ot añi nala'!