Eclesiastés 11:5 - La'aqtaqa Ñim Lo'onatac 'Enauacna 2013

⁵ Qaq cha'aye sa 'auaỹaten dam llecỹaxac na la'at, qataq sa 'auaỹaten da lañaxataxac ca nogotolec da huetaigui na lauel aca late'e, qaq nache 'eetec nataqa'en da sa 'auaỹaten nam ỹo'otpi Ñim Lo'onatac 'Enauacna, ñim ỹo'ot co'ollaxa 'enauac nam huetalec ana 'alhua.

Eclesiastés 11:5 Referans Kwoze

Juan 3:8

Na la'at da nashiiyisheguem, qalaq maiche ỹoiqueetac ca dataigue. Qaq 'am 'aua'aqtega na l-lamaxa, qalaxaye saishet da 'auaỹaten cam chegoqchiguiña qataq cam taỹa'ague. Qaq, nache 'eeta'am da lataxac 'enauac na chegoqo'ot da lañoxoc So Saqcha'a Na'añaxac.

Salmos 92:5

'Am Nataxala', ỹataqta ỹapac lta'araic na 'aro'onatacpi, qataq ỹataqta qaỹoqotchemeque naua 'arhuennataxaco.

Eclesiastés 8:17

Qataq sela'a da ca shiỹaxaua saishet da ỹauatton 'enauac nam huetalec ana 'alhua maye ỹo'otpi co'ollaxa Ñim Lo'onatac 'Enauacna. Qaq na'aictaxa da lta'araic da na'añaxataxac camaye da yaqto' ỹanata ca naigui, qalaxaye saishet da ỹanata; qataq na'aictaxa da ca ỹaanaxanaxaic 'eetega ỹaỹaten, qalaxaye nataqa'en saishet da ivi' da ỹaỹaten.

Romanos 11:33

¡Ñim Lo'onatac 'Enauacna ỹataqta lta'araic da lsallaxa! ¡Da laỹaanec qataq da lauattonaxanaxac ỹataqta saishet da qaivi' da qanaloqten! Qaica ca ishet da ỹaỹate'n naua lhuennataxaco, qataq qaica ca ishet da ỹa'axat nam ỹo'otpi.

Isaías 40:28

¿Peta'a sa qauaỹachiñi? qataq ¿peta'a saishet da qaua'aqaiỹapeguelec? Ñim Nataxala', Ñim Atamnaxala' maye chochaq tatec, Ñim ỹo'ot co'ollaxa 'enauac ana 'alhua, Ñimaye saishet da nqui'itec, qataq saishet da nasamñi qataq naua laỹaanataxanaxaco qaica ca ivi'.

Salmos 104:24

Qaq ỹataqta qalota na 'auo'otpi co'ollaxa 'Am Nataxala', qaq 'enauac namayepi 'auauota'a da 'araỹaanec co'ollaq 'auo'ot, ana 'alhua qalaq nlaqtelec nam 'auo'otpi.

Eclesiastés 7:24

¡Qaq 'enauac nam huo'opi ỹataqta sa sevi' da saỹaten! ¡Ỹataqta 'eesa da huo'o da lqalaic, ỹoqo'oye qaica ca ishet da ỹaỹaten!

Salmos 40:5

'Am Nataxala' qataq Ñatamnaxala', ỹataqta qalota na ỹo'ot da na'aalaxa maye 'auo'ot co'ollaxa. Saishet da qaivi' da qanaloqten da 'arauotaxanaqtaic da shenaqta. Qaq huo'o da iyaxa da sa'axatec damaye, qalaxaye saishet da sevi' da sa'axat ye lcata.

Da na'aqtaguec so Job 38:4

¿Hua'ague ca qoueta'ague co'ollaq llapaqtapiguiñi ana 'alhua? ¡Qataq ñaq aỹem 'aua'aqtaxanem da ỹoqta 'eesa da huo'o na 'auaỹaten!

Da na'aqtaguec so Job 37:23

Qaq saishet da seviraq da saỹatenaq da lataxac Ñim Qaica ca Ỹaqalanapec, cha'aye ỹataqta lta'araic da la'añaxac qataq no'on da lataxac, no'oiteguelo naua ỹo'o't qataq saishet da huo'o ca huetaiya' naqa'en.

Da na'aqtaguec so Job 5:9

¡Cha'aye Ñimaye qalota na ỹo'ot lta'araicpi maye ỹo'ot da na'aalaxa, qataq na lataxacpi maye qaica ca ivi' da ỹaỹaten!

Eclesiastés 1:6

Na la'at nashiiyesheguem, taigue da taguiñi, ime qaltaq ncolliiñi, nache ỹe'eguelaxague da sheu'. ¡Qaq nache queta, saishet da vi'iiguet! ¡Jec, ime qaltaq ñe'eguelaq!

Eclesiastés 1:13

nache aỹem ỹataqta ñañaneguet co'ollaxa da ñimittac qataq ñaỹaanaxanaqchen da ñapaxagueetega 'enauac nam qaỹo'ottacpi ana'ana 'alhua. ¡Qaq sela'a da ỹataqta qapa'atta nam no'onatacpi maye Ñim Lo'onatac 'Enauacna ỹasaxalec nam shiỹaxauapi, da yaqto' nachena nam huetague' da ỹo'ottac!

Eclesiastés 3:10

Qaq aỹem sela'a nam qapa'atta no'onatacpi maye Ñim Lo'onatac 'Enauacna, ỹanem co'ollaxa nam shiỹaxauapi da yaqto' ỹo'ottac.

Eclesiastés 3:11

Ñimaye co'ollaq ỹo'ot namayepi, nache 'enauac da 'onaxaic naqa'en, qataq ỹachaigui ye lhuennataxa ca shiỹaxaua da ỹaỹaten nam chochaq tatec, na'aictoxo' da ca shiỹaxaua saivi' da ỹaỹaten nam ỹo'otpi co'ollaxa Ñim Lo'onatac 'Enauacna, qataq cam ñaq taỹa'a da ỹo'ot.

Eclesiastés 11:4

Qaq cam imelec da imeteetac na la'at, qalaq saishet da ivira da danaxan, qataq cam imelec da imeteetac na lo'oc na piguem, nache saishet da ivira da deqataxan.