Eclesiastés 11:3 - La'aqtaqa Ñim Lo'onatac 'Enauacna 2013

³ Da nlaqchigui na lo'oc na piguem, nache na auot huecorelec ana 'alhua. Qaq aca qo'oipaq da hua'axague da sheu', huo'otaq da hua'axague da taguiñi, nache cam huaña da hua'axañi, nacheca cam huetaña.

Eclesiastés 11:3 Referans Kwoze

1 Juan 3:17

Da huo'o ca sallaxanec da ilota'a ca 'oonolec nam la'amqaanataxanaxauapi da huo'o da lhuenaxanaxa, qalaxaye saishet da itauan, nache que'eca sallaxanec saishet da dauotaxanaqta da 'eeta'am Ñim Lo'onatac 'Enauacna da lauotaxanaqtaic.

Lucas 13:7

Ime, nache 'enapega som ỹale maye ilotague' som lanaxanaqa', 'eeta': ‹Mashe ivi't naua tres vi'iye, da aỹem ñe'eguelaqta'a ara'ara qo'oipaq da ñe'eguena'a aca ala, qalaq ỹataqta ỹauano' da huo'o aca sanata. Qaq no'on da 'auquesoq aramaye. Cha'aye shaco' da netalec yi'iye 'alhua.›

1 Reyes 18:45

Nache so Ajab, huenongui aso laigona, nache taỹa ye Jezrel. Qaq na piguem mashe naueguelec so lo'oc, nache ỹataqta napalñi, qataq huo'o so la'at, nache anac so ỹataqta lta'araic auot.

Mateo 3:10

Aca qachepe mashe lhuotta da iquesoxoñot ana qo'oipaqpi. Qaq 'enauac anam 'epaqpi maye saishet da no'on ana ala, nache anamayepi qaiquesoqot. Ime, qaq qaỹasaxangui ca norec.

Eclesiastés 11:2

Cam 'am hueto'ot, 'aỹa'anoiguilo caua siete huo'otaq caua ocho, cha'aye sa 'auaỹaten negue't cam qauem maye ishet da nvira ana 'alhua.

Eclesiastés 11:4

Qaq cam imelec da imeteetac na la'at, qalaq saishet da ivira da danaxan, qataq cam imelec da imeteetac na lo'oc na piguem, nache saishet da ivira da deqataxan.