Eclesiastés 11:2 - La'aqtaqa Ñim Lo'onatac 'Enauacna 2013

² Cam 'am hueto'ot, 'aỹa'anoiguilo caua siete huo'otaq caua ocho, cha'aye sa 'auaỹaten negue't cam qauem maye ishet da nvira ana 'alhua.

Eclesiastés 11:2 Referans Kwoze

Proverbios 6:16

Huo'oi naua seis lataxaco maye saishetegueta Ñim Nataxala', qataq siete naua ỹataqta sa ihuoonegueta Ñimaye:

Salmos 112:9

Qataq itauaatac na choxoraqpi, qaq da lqouagaxanaqtaic qalaq nache queta, qaq da la'añaxac huo'o qanqa'en da llo'oxoyec.

Da na'aqtaguec so Job 5:19

Qaq ỹataqta ỹe'eguelaqtalec da 'am nca'alaxateeguesop da lchecỹaxac, qaq que'eca pa'atec nache ỹoqta 'am sa ỹasheneguet na qauemsat.

Daniel 4:27

Qaq ỹoqo'oye 'am nta'a, qoquetegue qome de'era ỹapaxaguenataxanaxac: 'Ano'onaxat qome da 'aro'onataxanaxac, nache saishet da qaltaq 'auauo'o ca 'arasouaxashet, nache tachiguiña 'anqa'en nam qauem maye 'auo'ottac, nache qouapegue' qome da 'autauan na choxoraqpi. Qaq saiuena'a da nachera da chegoqchigui da nache queta da 'anachattaigui da 'arlagaxayec qataq da qaica ca 'auena'a 'am nta'a.»

Hebreos 13:3

Qataq qoviỹapegue' nam qarqaỹañicpi maye qaicoñettai' qataq nam sa qaiyacnapec. Da qarhuennataqai qome 'eeta'am qanqa'eñi da nataqa'en qoviitaigui damaye.

Efesios 5:16

Qataq ỹataqta qauqopitaxañiỹa'ape naua na'axa'te da qauo'oche ca ỹaỹamaqchiguiñi, cha'aye naua na'axa'te maye souaqtaiguilo ỹataqta qauema.

Gálatas 6:1

Qami' ỹaqaỹa't, qami' ỹauecta'ape So Saqcha'a La'añaxac Ñim Lo'onatac 'Enauacna. Ỹoqo'oye da qoñiita da huo'o ca ilalec lasouaxashet ca lỹa, nache iuen da ỹaỹamaxaañi irolec ca no'on ltaxaỹaxac. Qalaxaye nataqa'en iuen da ỹataqta qanchilỹañi, cha'aye saiuena'a da qami' huetoiguilo da qarhuennataxaqui da qauo'oche ca sa ỹaỹamaxañi.

Lucas 17:4

Qaq na'aictaxa da ivi' ye 'oonolec na'a'q da qalota na 'am ỹo'otec sa ỹaỹamaxañi, qaq camaye da 'am iỹaxanot da 'auchoxoren, qaq 'am no'on da 'auchoxoren.»

Mateo 18:22

Nache So Jesús 'enapeco': –Saishet da siete da 'avi'eguelaxalec da 'auchoxoren ca 'arqaỹa. Maye 'am iuen da chochaq tatec da 'archoxonnataxanaxa camaye.

Mateo 5:42

Qataq da huo'o ca 'am iỹaxanot, qalaq 'aỹa'anem cam iỹaxanaique. Qataq saishet da 'avi'eguelaxattec da huo'otaq huo'o ca 'am da'alaxaatecot.

Miqueas 5:5

Qaq camaye ndoi' qome ca qarlagaxayec. Qaq qom anac nam asiiriopi da huenoxotaua'a nam qana'alhua, qataq nam qarma' lta'araicpi, nache qomi' samaxaso'q caua siete nataxala'ate, qataq caua ocho 'amaqtaqaiqa nataxala'ate,

Ester 9:22

'eeta'ama soua na'axa'te co'ollaq so judiopi, dataỹa'aguet so mpa'aguenaxauapi, da yaqto' huo'o da l-lagaxayec, qataq 'eeta'am som ca'agoxoic maye huaigui so laquicoxo, qataq so la'alaxac souaxat da nqui'ic, maye nmeneguet da lta'araic lamaicỹaxac qataq na'ashaxac. Qaq que'ecaua na'axa'te, iuen da qaỹo'ot ca nquia'axac qataq ca namaicỹaxac, qataq nache huetoiguilo da ñi 'oonolec, ỹauo'o ca nme ca lỹa, qataq qaitauan na choxoraqpi.

Ester 9:19

Qalaxaye so judiopi maye netauga so no'onaxa, qataq som netaigui so nma'piolec maye qaica ca lpaqtaxat, ỹo'ot se'eso na'a'q catorce som ca'agoxoic Adar, da laloxoqui naqa'en so lquia'axac qataq da lamaicỹaxac, nache ñi 'oonolec ỹachet ñi lỹa, ỹauo'o na nme.

Nehemías 8:10

Qaq so Esdras nataqa'en, 'eeta': «Qoquiiuo qome nache qauqui'i, qollequi ca ỹoqta no'on nallec, qataq qanỹomigui ca ama lataxa, qataq qauachichi qome ca ỹapac qaica ca aloq, cha'aye ne'ena na'a'q qoỹanot Ñim Nataxala'. Qaq saishet qome da qauaquicoitac, cha'aye da l-lagaxayec Ñim Nataxala' nachera da qara'añaxac.»

Proverbios 19:17

Da qaỹa'aalaxanaxan ca choxoraq qalaq 'eeta'am da nacheñi Ñim Nataxala' da qaỹa'aalaxanaxan, ỹoqo'oye Ñim Nataxala' maiche isheeten que'eca ỹan aca na'aale.

Eclesiastés 11:3

Da nlaqchigui na lo'oc na piguem, nache na auot huecorelec ana 'alhua. Qaq aca qo'oipaq da hua'axague da sheu', huo'otaq da hua'axague da taguiñi, nache cam huaña da hua'axañi, nacheca cam huetaña.

Eclesiastés 11:8

Qalaxaye na'aictaxa da qaỹoqteguelo naua vi'iye da nachaalataxac ca shiỹaxaua, qalaxaye iuen da taỹa'a lauel da qalote' qome caua na'axa'te ca napalaxa, qataq 'enauac cam ñaq naỹa'acna ỹataqta qaica ca naigui.

Eclesiastés 12:1

Qaq 'auennata'a Ñim 'am Lo'onatac nagui da ñaq 'am nsoqolec, qataq nagui da ñaq saxanaxa da nvildeuo caua na'axa'te maye huo'o da lqalai'c, qataq caua vi'iye maye huaiguilo qome da qonapec, «ỹataqta qaica ca ỹamaicỹaxac naua vi'iye maye sootaiguilo.»

1 Samuel 25:8

Qalaxaye 'aunat qome na 'aramaxashecpi, nache 'am da'aqtaxaatem qome de'era, qaq ỹoqo'oye ỹataqta lta'araic qome da ña'achecỹaxac da 'auaỹamaxatte' da 'aulo'ogueta ne'enaua ỹamaxa'she, cha'aye no'on da lviraxa'c ne'ena na'a'q. Qaq 'am ñachoxoreetot da 'aỹa'anema qome naamaye, qataq nam 'aramaxashec David cam 'am hueto'ot, cha'aye 'eeta'am da aỹem 'aỹa'alec.