Eclesiastés 11:10 - La'aqtaqa Ñim Lo'onatac 'Enauacna 2013

¹⁰ Ñaq 'anqateeguesop qome añi 'arquiyaqte da nayeloxo, qataq qoca'ai 'enauac nam qauemsat, cha'aye ivira'alo naua ỹataqta no'oñi na'axa'te de'era nogotshec, ỹataqta qaica ca naigui.

Eclesiastés 11:10 Referans Kwoze

2 Corintios 7:1

Qaq ỹoqo'oye qami' ñauochaxau' ỹaqaỹa't, 'era da qomi' qaỹachaxanapecoto. Qaq ỹoqo'oye saishet qome da so'otaq ca qauem, nachaqrato' da qomi' huesochiyiñi qataq saishet da huo'o ca qarasouaxashet hueto'ot Ñim Lo'onatac 'Enauacna, yaqto' Ñimaye qomi' ỹaconegueta. Sho'oxorenaq Ñim Lo'onatac 'Enauacna qataq ñepogoxoinaqapegue' da qomi' qui'itte', shenaqta'am Ñimaye.

2 Timoteo 2:22

Saishet da 'am ỹauectac da lqopitaxanaqtaic da 'annogotshec. 'Am mashe 'am nsoq, qaq ỹoqo'oye qoca'ai namayepi, nache 'analemaqte' da 'auo'ot ca ỹaỹamaqchiguiñi. Qataq 'anmitaique qome da 'eesa lataxac qataq da nsoxoyec qataq da nlagaxayec qataq 'auauaxaiguet 'enauac nam huesota da lquiyaqteỹaxac da ỹo'oxoreetac Ñim Lo'onatac 'Enauacna qataq pi'iỹa'a Ñimaye.

Eclesiastés 12:1

Qaq 'auennata'a Ñim 'am Lo'onatac nagui da ñaq 'am nsoqolec, qataq nagui da ñaq saxanaxa da nvildeuo caua na'axa'te maye huo'o da lqalai'c, qataq caua vi'iye maye huaiguilo qome da qonapec, «ỹataqta qaica ca ỹamaicỹaxac naua vi'iye maye sootaiguilo.»

Eclesiastés 1:14

Qaq aỹem ishet da saỹaten da 'enauac nam qaỹo'ottacpi ana'ana 'alhua ỹataqta qaica ca naigui, 'eeta'am da 'eetec da huotaique da qanllañi na la'at.

Eclesiastés 1:2

¡Qaica ca naigui, qaica ca naigui 'enapec som 'aqtaxanaxaic! ¡'Enauac nam huo'o qaica ca naigui!

Salmos 39:5

Cha'aye ỹataqta saqaỹauec da ñachaalataxac maye aỹem 'aỹa'anem, ỹoqo'oye ỹataqta qaica ca naigui da ñachaalataxac da 'am hueto'ot. Cha'aye ye loga't 'enauac na shiỹaxauapi 'eeta'am da 'oonolec qanaue'c naua na'a'che.

Da na'aqtaguec so Job 20:11

Qaq na'aictaxa da ỹataqta ñaq nalota't da la'añaxac da nnogotshec, qalaxaye da tangui añi huachiqui nache ỹe'eguelaxa da 'alhua.

Da na'aqtaguec so Job 13:26

Ỹataqta huo'o da lqui'ic na ỹasouaxashetpi maye aỹem 'auasaxalecpi, cha'aye aỹem 'auỹoqtalec na ỹasouaxashetpi co'ollaq ñaq aỹem nsoqolec.

Salmos 25:7

Qataq saishet qome da 'auennatega na ỹasouaxashetpi, qataq na qauemsat maye so'ot co'ollaq ñaq aỹem nsoqolec, 'Am Nataxala', aỹem 'auennata'a qome, souaxat da lta'araic 'arsoxoyec qataq 'arauotaxanaqtaic.

Proverbios 22:15

Da nhualoxonaxac nachera da huaqta'agueta naua lhuennataxaco na nsoxoppi, qalaxaye da qanqateua'a damaye nache qairolec ca nhuaxanaxanaxat.

Da na'aqtaguec so Job 11:12

Qalaxaye que'eca na'a'q, qom deco'o aca 'ashena, da shiỹaxaua ca llalec, huaña nache ishet da huo'o da laỹaanec ca qaica ca ỹaỹaana'a.

Salmos 39:6

'Enauac na shiỹaxauapi da jec qalaq 'eeta'am na lpaqal. Qaica ca naigui da lapoosheguem da lsallaxa, cha'aye sa ỹaỹaten chaq negue't ca no'ona'aguet qome damaye.