Eclesiastés 10:8 - La'aqtaqa Ñim Lo'onatac 'Enauacna 2013

⁸ Cam ỹo'ot aca lshere, qalaq maiche tangui acamaye, qaq cam itagoxotec ca npaqtaxanaxat, nache ca na'araxanaq inac camaye.

Eclesiastés 10:8 Referans Kwoze

Proverbios 26:27

Ca ỹo'ot aca lshere qalaq maiche tangui acamaye, qataq ca ỹamaqtac aca coma' nache aca'aca coma' maiche ipataxañi camaye.

Ester 7:10

Qaq 'era da 'eetec so Amán da qaicoñerasheguemec aso maiche lo'onata maye huotaique co'ollaxa da icoñerasheguemec so Mardoqueo. Qaq co'ollaq qaỹo'ot damaye, nache vi'iiguet da lalemataic so nta'a.

Amós 9:3

Qaq da tasheguema ana lmilo añi qasoxonaxa Carmelo da nqañoxooñi, qalaq ñaqaiyeta sasheguema da ñimitaique nache saconeua'a, qaq da aỹem nqañoxotaisop da taña na ỹataqta pa'aguiñi aso auaxai, nache samaq aso 'araxanaq late'e da yaqto' inac.

Amós 5:19

Cha'aye 'eeta'am qome ca dataueeguesop ca llon, qalaxaye qaltaq natena'aguet ca oso, huo'otaq ca pa'aigui ca lma' da ỹasheleua'a na lque camaye, nache inac ca 'araxanaq.

2 Samuel 17:23

Qaq so Ajitofel co'ollaq ila'a, da so Absalón saishet da ỹo'ot da la'aqtac somaye. Nache lapaxalec so lauala' so lalo 'ashena nache jec, taỹa so lma' maye lañoqo' co'ollaxa. Qaq co'ollaq ime da naỹamaxate' so lalamaxat lauo' le'ecpi, nache icoñerot na lqosot da maiche nalaala't. Qaq 'era da 'eetec da l-leuaxa somaye, nache qailaroigui aso nhuachiqui so lta'a.

Jueces 9:5

Nache taỹa ye Ofrá, ye lma' co'ollaxa so lta'a Yerubaal, nache hualec naqa'en aso coma' da ỹalauat so setenta lqaỹañecpi somaye, maye llalaqpi so lta'a. Qalaxaye nachesota so Yotán maye llalec na'asa so Yerubaal, da nqañoxooñi co'ollaxa, ỹoqo'oye ishet da datauec.

2 Samuel 18:15

Ime, nache anac so diez so nalleppi so Joab, nache qanatachigui so Absalón da yaqto' qaipagaqnauec da qaỹalauat.

Salmos 57:6

Na ñepa'aguenaxauapi ỹauo'o aso lqoina da aỹem nqovin, nache ỹo'ot da qaica ca ỹa'añaxac, qataq ỹo'ot aso lshere ỹanangui so ñeqa'aic, qalaxaye namayepi maiche tangui asa'aso lshere.

Proverbios 11:6

Da ỹaỹamaqchiguiñi lataxac huesochiguiñi naqa'en ca ỹale no'on da lataxac, qaq da nqopitaxanaqtaic qalaq icoñerai' ca saq 'e'n naua la'aqtaqa.

Eclesiastés 10:9

Cam nchecteguiñi na coma'pi qalaq que'emaxam namayepi. Ca nchecteguiñi ca qo'oipaq, qalaq ishet da que'emaxam camaye.