Eclesiastés 10:13 - La'aqtaqa Ñim Lo'onatac 'Enauacna 2013

¹³ Cha'aye da da'aqtaxan, qalaq nda'a't da ỹa'axattac da 'oopashec, qaq nache ivitta'a da ỹataqta qaica ca naiguilo naua la'aqtaqa.

Eclesiastés 10:13 Referans Kwoze

Proverbios 29:9

Ca ỹaanaxanaxaic da ncotaỹapegue' ca qaica ca ỹaỹaanapec, qalaq na'aictoxo' da dalemata huo'otaq daỹalleguettac, qalaxaye qaica ca ỹachegoxotaigui damaye.

Juan 12:10

Nache nam lataxala'pi na ntaxaỹaxanaxanecpi da qaitaxaỹapegue' Ñim Lo'onatac 'Enauacna, namayepi detaxaỹapigui co'ollaxa nataqa'en da ỹauotaique da ỹalauat so Lázaro,

Lucas 11:38

Nache so fariseo ỹataqta huo'o da la'aalaxa co'ollaq ỹauaachigui So Jesús da saishet da iỹoi' naua lhua'q co'ollaq huotaique da deque'e'.

Lucas 6:11

Qalaxaye so shiỹaxauapi ỹataqta dalemata. Nache chegoqchiguiña da nmittaique ca lataxac da dataỹa'aguet So Jesús.

Lucas 6:2

Nache so fariseopi ỹauaachiguilo soua napaxaguenataqa da ỹo'ottrac de'era, nache denataxa'n, 'eeta': –¿Ta'ainco' qami' ye sa qaualaqaiguet da namaxasoxonaxac? De'era qauo'oche damaye sa qaishetapec na na'a'q mataxaqui.

Mateo 2:16

Qaq so Herodes co'ollaq ỹaỹaten da soua ỹaanaxanaxaiqa ỹatenache't, nache somaye ỹataqta dalemata. Nache damaxasoxoolec da qanmatchiguiñi da qaỹalauat so ñaqpiolec, nam cheta'ague da ñiguiñi qataq na mashe ivi' naua dos vi'iye da llaxa 'enauac som netaña ye nỹecpi le'enaxat Belén qataq naua loiguiye, ipagaqchiichiguilo soua vi'iye maye ỹecchiyiña soua ỹaanaxanaxaiqa co'ollaq ilora'a aso huaqaañi.

2 Reyes 6:31

Nache so nta'a 'enapeco': «Ñim Lo'onatac 'Enauacna, ỹataqta lta'araic qome naqa'en ca ñeuaxanaguec, da ne'ena na'a'q saishet da secheguec na lqaic ca Eliseo, maye llalec som Safat.»

2 Reyes 6:27

Nache so nta'a 'enapeco': Ñim Nataxala' da saishet da 'am itauan, nache ¿ca sheeteco' da 'am setauan? Ye qaica ca aỹem hueto'ot trigo, qataq lataxa da 'am sanem.

2 Samuel 19:41

Qaq ỹoqo'oye 'enauac so Israel le'ecpi, taua'a co'ollaxa so nta'a, nache 'eeta': ¿Ta'ainco' na qarqaỹañicpi Judá le'ecpi da ỹataqta 'am namataxaalec, nache 'aua'axasoxoolec naqa'en so tala Jordán 'am nta'a, qataq na 'aỹa'alaqpi qataq 'enauac na 'analleppi?

Jueces 14:15

Qaq ỹoqo'oye so ivita so lỹa na'a'q, nache qoỹenapego' aso lhua so Sansón, qoỹeeta': Ña 'auauo'o ca lataxac qome da so 'arhua 'am da'aqtaxanem ca naigui se'eso ỹapogoñi la'aqtac, cha'aye da sa 'auo'ot de'era, nache qomi' 'am savigaxataq qome, qataq 'enauac nam llalaqpi so 'arta'a. ¡Cha'aye 'ena'amso' da qomi' qanaviquiireuo da yaqto' qauacoñiỹa nam qaralamaxatpi!

Eclesiastés 7:25

Qaq huaña nache ñalemaqte' da yaqto' sanata da nauattonaxanaxac, qataq ñapaxagueetega, qataq ñimittaique cam ỹaỹamaqchiguiñi loga't damaye. Qaq huaña nache saỹaten da saỹaỹamaxañi da qaica ca ỹaỹaanapec ca shiỹaxaua, qataq da qaica ca qaỹaỹaanapec nachera da 'oopashec.

Eclesiastés 10:14

Cam qaica ca ỹaỹaanapec qalaq saiuena'a cam ỹa'axat. Qaq da qaica ca ỹaỹaten cam ñaq taỹa'a da yo'oq, qaq ¿negue't cam ishet da da'aqtaxanem camaye cam ñaq natauo, qom mashe imeuo camaye?

Proverbios 13:16

Ca huo'o na ỹaỹaten qalaq ỹaỹamaxatchiguiñi da huo'o ca ỹo'ot, qaq na qaica ca ỹaỹaanapec qalaq na'amqaañigui da no'oopashaxac.

Eclesiastés 5:2

Qataq saishet da 'auỹalapigui' da 'autaqa qataq ye 'arhuennataxa da 'aỹa'anot ca 'ara'aqtac Ñim Lo'onatac 'Enauacna, cha'aye Ñimaye neta'ague da piguem, qaq 'am qalaq qoueta'a ana 'alhua. Qaq ỹoqo'oye cara'acolec da 'analoqnapec ca 'artaxaỹaxac.