Eclesiastés 10:12 - La'aqtaqa Ñim Lo'onatac 'Enauacna 2013

¹² Naua la'aqtaqa ca ỹaanaxanaxaic ỹataqta nlaqchiguilo da 'achecỹaxac, qaq cam qaica ca ỹaỹaanapec qalaq maiche que'emaxama naua la'aqtaqa.

Eclesiastés 10:12 Referans Kwoze

Colosenses 4:6

Naua qartaxaỹaxacolli' ỹataqta qaỹaỹamaxareete' qataq ỹataqta qanqopitalo. Ñi 'oonolec da qoñiita iuen da ỹaỹaten da ỹaỹamaqchiguiñi ca lasataxac da ỹasateguet ca 'oonolec namayepi.

Lucas 4:22

Nache 'enauac qaỹo'oxoreetac So Jesús, qataq ỹataqta qaỹa'aalatapeguec souaxat naua la'aqtaqa ỹataqta ỹaguec da ỹaỹamaqchiyiñi. Nache nnattega't somayepi, 'eeta': –De'era, ¿peta'a sa nachero' da llalec so José?

Proverbios 22:11

Ca nta'a ỹauotec ca huesota da lquiyaqteỹaxac, qataq ishet da nauochaxaua ca no'o'n naua la'aqtaqa.

Proverbios 15:2

Naua la'aqtaqa ca ỹaanaxanaxaic qalaq chegaqaiguilo da naỹaanec, qaq naua la'aqtaqa ca qaica ca ỹaỹaanapec qalaq chegaqaiguilo da 'oopashec.

Efesios 4:29

Qataq saishet da qauema naua qara'aqtaqalli'. Chaqrata da qano'onaxache' naua qara'aqtaqalli', yaqto' ishet da nquiguisheguem, qataq huo'o da na'achecỹaxac cam qami' na'axaỹaxaategalo.

Lucas 19:22

Nache som nta'a 'enapeco': «'Am no'onataxanaxanec qauemaic. Da maiche 'ara'aqtac, nachera da sachegoxotchigui da sauo'o ca 'anhuaxanaguec. 'Am 'auaỹateetac mque' da aỹem sa qaramchigui da sacona cam sa ỹalamaxat, qataq da ñeqat ana ala cam saq ỹañiguishec.

Proverbios 31:26

Qataq ỹaanaxanaxaiqa naua la'aqtaqa da detaqa, qataq huo'o da lsoxoyec da dapaxaguenataxaatac.

Proverbios 26:9

Qataq da 'eetec ca taxaic da sa nanomeguet aca ỹaxat, nache 'eeta'am ca qaica ca ỹaỹaanapec da detaxaiguilo naua ỹaanaxanaxaiqa na'aqtaqa.

Proverbios 19:5

Ca ỹa'axat ca saq 'en qalaq saishet da saqaỹauo'o ca nhuaxanaguec, qataq ca shepecaic qalaq saishet da qoỹet.

Proverbios 15:23

Ỹataqta 'onaxaic da ỹaỹamaqchiguiñi ca nasataxac, lamaaxa da huaqchigui da ỹoqta qaiuen.

Proverbios 12:18

Huo'o na shiỹaxaua deque'emaqtaxa'n naua la'aqtaqa, qaq naua la'aqtaqa ca ỹaanaxanaxaic qalaq datannaxa'n.

Proverbios 10:10

Qaq ca naquiaxaatalec ana la'aite qalaq taỹa'a ca qauem, qaq ca qaica ca ỹaỹaana'a qataq taxaỹaxaic qalaq taỹa'a da nlachiguiñi.

Proverbios 10:8

Ca ỹaanaxanaxaic ỹaconeguet ca namaxasoxonaxac, qaq ca qauema naua la'aqtaqa qalaq taỹa'a da nlachiguiñi.

Salmos 140:9

Nam aỹem icaatacpi, qalaq maiche talec qome na qauem la'aqtacpi.

Salmos 64:8

Namayepi huañi qome souaxat naua maiche la'aqtaqa, qaq ca ỹauaachigui qome nache ỹe'eetac namayepi.

Salmos 37:30

Na no'on da lataxac da detaqa, qalaq ỹaanaxanaxaiqa naua la'aqtaqa, qataq ỹaỹamaqchiyiñi naua la'aqtaqa.

Da na'aqtaguec so Job 16:5

Qalaxaye naua no'o'n ỹa'aqtaqa qami' ỹa'añaqche't taxa, da yaqto' qami' qaramchiguilo qataq 'añaxaiqa.

2 Samuel 1:16

Qaq so David 'enapeco': 'Am, maiche 'anasouaxaala't da 'am qaỹalauat, cha'aye maiche 'aua'axat da 'aualauat so nta'a maye lca'aguishec Ñim Nataxala'.

Eclesiastés 4:5

Qaq nam shiỹaxauapi 'eeta': «cam qaica ca ỹaỹaanapec nsoqtrauo naua lhua'q, qaq ỹoqo'oye camaye taỹa'a da ilem na lqouaxa»,

Eclesiastés 9:17

Naua huesotte' la'aqtaqa cam ỹaanaxanaxaic, ỹactec da qana'axaỹaxanalo, qaq saq 'ena'ama naua lqaqnaxanaxaco cam lataxala' nam qaica ca ỹaỹaanapec.

Eclesiastés 12:11

Naua la'aqtaqa nam ỹaanaxanaxaicpi qalaq 'eeta'am aca le aca na'araxanaqte, qaq da mashe ime da qalaỹona't, nache 'eeta'am aca lashe ca npe'l maye iuaxaañi cam qagueta lo'o.

Eclesiastés 5:2

Qataq saishet da 'auỹalapigui' da 'autaqa qataq ye 'arhuennataxa da 'aỹa'anot ca 'ara'aqtac Ñim Lo'onatac 'Enauacna, cha'aye Ñimaye neta'ague da piguem, qaq 'am qalaq qoueta'a ana 'alhua. Qaq ỹoqo'oye cara'acolec da 'analoqnapec ca 'artaxaỹaxac.

Eclesiastés 5:6

Saishet da 'aua'aqta'a ñi 'arachaxat da ỹauo'o ca 'arasouaxashet, qaq ime nache 'aua'aqtaxanem cam lamaxashec Ñim Lo'onatac 'Enauacna da qonetega chochaq 'aulamaqalec cam 'ara'aqtac. ¿Ta'ainco' da 'auo'ot da dalemata Ñim Lo'onatac 'Enauacna souaxat cam 'ara'aqtac, nache nlaxaañi cam 'aro'onatac?