Eclesiastés 10:11 - La'aqtaqa Ñim Lo'onatac 'Enauacna 2013

¹¹ Ca na'araxanaq da denagaxan da ñaq saxanaxa da qaỹo'oxoỹaqchet, nache qaica ca lauegaxanaxac ca ỹo'oxoỹaqchet camaye.

Eclesiastés 10:11 Referans Kwoze

Jeremías 8:17

Ñim Nataxala', 'enapec: «Aỹem qami' ñamaxalo qome ca 'araxanaqpi maye huo'o na lshenataxanaxa, nache qami' desogaxanguilo, qaq camayepi qaica ca 'onataxac da ishet da dataỹa'aguet.»

Santiago 3:6

Naua qara'aqtaqa maye ñasaxasoxorec chegoqchigui ñi qarachaxat, naamaye 'eeta'am ca norec. Ñi qarachaxat ỹataqta lta'araic da la'añaxac da ỹo'ot ca qauem. Ishet da chegoqchigui ñimaye da deqat da qanachaalataxac qataq qomi' iviraxata'alo da qomi' qaỹasaxanguilo ca norec maye nhuaxanaqa' na 'etaxaloxoicpi.

Proverbios 18:21

Da nca'alaxa qataq da nleuaxa qalaq chegaqaiguilo ca 'enapec ñi nachaxat, qaq ca qalota da ltaxaỹaxac nache maiche nque'etaxaachigui ca naigui naua la'aqtaqa.

Salmos 64:3

maye ỹaxaraic naqa'en ñi lachaxat 'eeta'am ca ỹeelonec, qataq da nasaxarec naua la'aqtaqa qalaq 'eeta'ama aca checna maye huo'o na lshenataxanaxa.

Salmos 52:2

Qaq 'am nda'a't da 'auo'ottac na qauemsat, na 'arachaxat qalaq 'eeta'am da llaxa ca ỹeelonec,

Santiago 3:8

Qalaxaye sa sañoxotaq da ñellaqañi ñi qarachaxat, da yaqto' saishet da nasaxauec ca na'aqtac maye ishet da deque'emaqtaxan. Ñimaye 'eeta'am da lataxac ca shiguiỹac qauemaic maye qaica ca ishet da ỹo'oxoỹaqchet, qataq ỹataqta nlaqaalec na deshenataxanapec maye qanlem.

Eclesiastés 10:10

Aca qachepe da qaica ca llaxa, qaq da sa qaỹe'eguelaxalec da qaiqueuoc acamaye, nache iuen da qana'axannec da qaiquesoxoñi acamaye. Qaq ỹactec da no'on da qaỹaỹamaxatchiguiñi cam qaỹo'ot qairolec da naỹaanec.

Salmos 58:6

'Am Ñatamnaxala', ñaq 'aunoxo'n qome naua lhue namayepi, 'Am Nataxala', ñaq 'aunoxo'n qome naua lhue lapiataxanaqte ne'ena llonpi.