Eclesiastés 10:1 - La'aqtaqa Ñim Lo'onatac 'Enauacna 2013

¹ Aca lotaxañi leuaxai, na'aqchet cam no'on coraxat maye lo'onatac cam coraxat lo'o, qaq nache 'eetec ca saq 'amaqtaq no'oopashec cam nauotaxat, maye qoỹeetega ỹaanaxanaxaic, qataq huo'o naq 'enec.

Eclesiastés 10:1 Referans Kwoze

Nehemías 13:26

¿Peta'a saq nachero' da huasoilec so Salomón, maye nta'a co'ollaxa ye Israel? Na'aictoxo' da qalota so laỹepi shiỹaxauapi maye netaleguete naua lỹa't 'aleu' maye huo'o so lta'alpi, qalaxaye saishet da huo'o ca nta'a da 'eeta'am somaye. Ñim Lo'onatac 'Enauacna ỹataqta ỹauotec ỹoqo'oye ỹanagui da nta'a ye Israel. Qalaxaye so chegaqauec 'alpi, nacheso so ỹoqta ỹo'ot da lasouaxashet somaye.

2 Crónicas 19:2

Qalaxaye so na'aqtaxanaxanec Jehú, som llalec so Jananí, ca'ata'aguet somaye nache inat, 'eeta': ¿Ta'ainco' da 'autauan nam qauemaicpi, qataq 'auauo'o 'anauochaxaua na npa'aguenaxauapi Ñim Nataxala'? Qaq souaxat de'era 'auo'ot, nache Ñim Nataxala', 'am dalemataỹa.

Éxodo 30:25

Nache 'enauac camaye 'aualecna't da yaqto' 'auo'ot ca ncoraxanaxat, 'aue'enaxatchigui ca lo'o na coraxat da ỹo'ot camaye. Qaq que'eca ncoraxanaxat nache lcoraxat da huo'o ca qoỹaneuo da yaqto' qaiỹotauga,

Nehemías 6:13

Cha'aye somaye qaisheeten da yaqto' aỹem qaicolanaqchet, qataq da huo'o ca isomaxac souaxat da salaxaguet. Huaña nache ishet da aỹem qaisheuen, qataq qauem qanqoỹen ca ña'aqtaguec.

Da na'aqtaguec so Job 6:3

Nache yo'oqta da napacalec taxa da lsallaxa ca lsoche na 'alhua aso auaxai. Qaq ỹoqo'oye da setaqa, qalaq qapa'attegueta naua ỹa'aqtaqa.

Eclesiastés 9:18

Ỹactec da 'onaxaic da naỹaanec, qaq saq 'ena'am cam no'ogoxonaxatpi da huo'o ye alaataxac. Qalaxaye da huo'o ca 'oonolec nsomaxac nache nlaxaañi cam qalota nogoxoshetpi.

Hageo 2:12

«Da huo'otaq huo'o ca ỹale da irouo ca mashe qui'itta lapat laỹe da lachetaqtaxanaxat, nache ỹaxaalec ca lapo' laỹe camaye. Qaq cam laỹe que'eca lapo', da nhuocteguet aca nauole 'ayiiña, huo'otaq ca lỹa nallec, huo'otaq ca lataxa, aceite, huo'otaq camachaqca lỹa nallec; ¿qaq peta'a camaye nataqa'en qui'itta?» Nache so ntaxaỹaxanaxanecpi ỹasat 'eeta', saishet.

Hageo 2:13

Nache so Hageo, qaltaq, 'eeta': «Qaq da huo'otaq huo'o ca shiỹaxaua nshepaxan da lataxac souaxat da ỹaconeua'a ca leuaxaic, qaq da ỹaconeua'a ca camachaqca ne'enapi, qaq namayepi ¿peta'a saishet nataqa'en da nshepaxan?» Nache so ntaxaỹaxanaxanecpi ỹasat, 'eeta', aja' nataqa'en nshepaxan.