Eclesiastés 1:9 - La'aqtaqa Ñim Lo'onatac 'Enauacna 2013

⁹ Nam huo'o co'ollaxa namayepi ỹe'eguelaxalec da yo'oq, qataq 'enauac nam qaỹo'otpi co'ollaxa qaltaq qaỹe'eguelaxalec da qaỹo'ot. ¡Nache qaica cam dalaxaic ana'ana 'alhua!

Eclesiastés 1:9 Referans Kwoze

Eclesiastés 3:15

Nam huo'o nagui, qalaq nache 'eetai' da huo'o co'ollaxa, qataq cam taỹa'a da huo'o qome, qalaq mashe huo'o. Qaq Ñim Lo'onatac 'Enauacna, ỹo'ot da na mashe ỹoxogue co'ollaxa, qaltaq ỹe'eguelaxa da huo'o.

Eclesiastés 6:10

Nam mashe huo'o nagui, qalaq mashe salcoshe'egue da qaỹauo'o na le'enaxat, nache qaỹaỹaten da lataxac ca ỹale da saishet da dataỹa'aguet cam napacalec da la'añaxac camaye.

Eclesiastés 2:12

Qaq ime, nache qaltaq seuennataxaalec dam naỹaanec, qataq dam 'oopashec qataq da qaica ca qaỹaỹaanapec, qaq ¿negue't cam ishet da ỹo'ot cam dalaxaic nta'a maye aỹem nca'atalec qome? Ye nam huo'o mashe nache 'eetai' da qaỹo'ot co'ollaxa.

Apocalipsis 21:1

Ime, nache sela'a so piguem dalaxaic qataq aso 'alhua dalaxai, cha'aye so hua'auchiguiñi piguem qataq aso hua'auchiguiñi 'alhua mashe imeuo. Qataq aso auaxai nataqa'en mashe imeuo.

Eclesiastés 7:10

Saishet qome da 'aunataxaatac da ta'ainco' soua hua'au vi'iye da ỹactec da 'onaxaiqa, cha'aye de'era nnataxanaxac saishet da huetaigui ca naỹaanec.

Jeremías 31:22

¿Chaq laỹo' da 'aỹa'axaañi da 'ateguelo da qoneta'am aca ñale maye isomtapigui'? Aỹem Nataxala' huo'o da dalaxaic so'ot ana'ana 'alhua, aca 'alo maiche nmitaique qome ca ỹale.

2 Pedro 2:1

So Israel le'ecpi huo'o co'ollaxa na 'eetega da lamaxayec Ñim Lo'onatac 'Enauacna, qalaxaye saishet da 'en. Qaq nache 'eetec nataqa'en da qoñiita da huo'o na napaxaguenataxanaq da 'eetega lamaxashec Ñim Lo'onatac 'Enauacna, qalaxaye saq 'en. Namayepi ỹan da napaxaguenataxanaxac maye saq 'en qataq huo'o da lchec, qalaxaye saishet da qananomiỹa, ivira'a da 'eetega So Jesucristo da saishet da deca'alaqtaxan. Qaq ỹoqo'oye namayepi ishet da nque'elaxatta da qailaxachigui.

Isaías 43:19

Qaq Aỹem, huo'o ca so'ot dalaxaic, nache qauauañiichigui nagui da yo'oq camaye. Sauo'o qome ca nqa'aic, taalec ye toolec 'alhua qataq so'ot ca tala ye 'alhua maye qaica ca ñaxaalec.

Apocalipsis 21:5

Nache Ñim Lo'onatac 'Enauacna maye nso'ootangui aso nso'onaxaqui da nta'a 'eeta' da la'aqtac: «¡Aỹem ñaralaxat 'enauacna!» Nataqa'en 'eeta': «'Iyiñi qome ne'enapi, cha'aye ne'ena na'aqtacpi ỹataqta 'eesa qataq ishet da qaipi'iỹa'a.»

Eclesiastés 1:10

Qaq saqoue da huo'o ca 'eeta': «¡Aja', de'era nachera dam ỹoqta dalaxaic!» Qalaxaye damaye nache 'eetai' da huo'o co'ollaq saxanaqcaua qomi'.