Eclesiastés 1:8 - La'aqtaqa Ñim Lo'onatac 'Enauacna 2013

⁸ Qaica ca nalaua'a da ishet da ỹa'axategue, nam chochaqna maye ishet da qanasamiisop. Qaica ca ilota'a huo'otaq da hua'aqtega nache ishet da machiguiñi.

Eclesiastés 1:8 Referans Kwoze

Proverbios 27:20

Da nleuaxa qataq aca huachiqui saishet da huo'o ca loga't qataq nache 'eetec da lqopitaxanaqtaic ca ỹale saishet da imeuo,

Mateo 11:28

Qami' maye nache 'eetai' da qoviitaigui da qarhuogoqoi, qataq da qarachetataiqui. Qauanaiua'a Aỹem yaqto' qami' ñimataxaare'c.

Eclesiastés 4:8

ca ỹale 'oonolec, qaica ca nauochaxaua, qataq qaica ca llalaqpi qataq ca lqaỹañecpi, sanauane' da cara'acolec da nmatec, qataq saỹauano' da naloqten da huo'otaq ỹapacauec da lsallaxa, qataq saishet da nnatteguela't: «¿Negue't cam talec qome nam chegaqaigui dam ỹo'onataxanaxac? Qataq ¿ta'ainco' da sa sasheneguet da ñachaalataxac dam namaicỹaxac?» Damaye nataqa'en qaica ca naigui, qataq qapa'atta no'onataxanaxac.

Mateo 5:6

Ñim Lo'onatac 'Enauacna ỹaalec da nqouagaxa nam huo'o da lyaxa da ỹo'ot ca nalochiguiñi lataxac, cha'aye Ñimaye itauan namayepi, da yaqto' ishet da ỹo'ot damaye.

Eclesiastés 2:26

Cha'aye Ñim Lo'onatac 'Enauacna, ỹanem da laỹaanec, qataq da lauattonaxanaxac, qataq da lamaicỹaxac cam taalec da ỹaỹamaxareeta Ñimaye, qalaxaye cam 'etaxaloxoic, qalaq ỹanem da lo'onataxanaxac da lapootac qataq nquictasheguem da lsallaxa, da yaqto' ime, nache ỹanem cam taalec da ỹaỹamaxareeta Ñimaye. ¡Qaq damaye nataqa'en qaica ca naigui, 'eeta'am da 'eetec da huotaique da qanllañi na la'at!

Eclesiastés 2:11

Qaq ime, nache semeteetac 'enauac nam ỹo'onatacpi, qataq nam huo'o da lqalaic co'ollaq so'ottac, nache sela'a da 'enauac namayepi da qaica ca naigui, 'eeta'am da 'eetec da huotaique da qanllañi na la'at, qataq qaica ca qaỹachegoxotaigui damaye, ana'ana 'alhua.

Salmos 63:5

Qataq ỹataqta machiguiñi da ñachaalataxac, sheeta'am ca chectac ca ỹataqta no'on nallec, qataq da setaqa qalaq samachiguiñi, da 'am sho'oxoreetac.

Eclesiastés 1:7

Na talapi 'enauac da taỹauga aso auaxai, qalaxaye aso auaxai saishet da nlaxagui, na 'etaxat ỹe'eguelaq taỹa ye chegoqchiguiña, nache ỹe'eguelaqtegue so maiche llec.

Hageo 1:9

Qami', lta'araic da qarmitaxanaxaqui, qalaxaye saq 'amaqtaq ca qauanachiỹa; qataq nam qauaỹamaxache maye qauachiỹaigui ca qarmaye, qalaq sauota'a na ỹa'at da sequetetec. ¿Ta'ainco'? qomye souaxat da ñi ima' ỹataqta nlatañi, qaq qami' qalaq nda'a't da qarhuogoqoi da qauo'ocheeta'ape naua qarma'achilli'. Qaq 'era da ỹa'aqtac Aỹem Nataxala'.

Eclesiastés 6:7

Ca ỹale ỹataqta saishet da vi'iiguet da lo'onataxanaxac da yaqto' deque'etac, qalaxaye saishet da ivira'a da machiguiñi.