Eclesiastés 1:2 - La'aqtaqa Ñim Lo'onatac 'Enauacna 2013

² ¡Qaica ca naigui, qaica ca naigui 'enapec som 'aqtaxanaxaic! ¡'Enauac nam huo'o qaica ca naigui!

Eclesiastés 1:2 Referans Kwoze

Salmos 144:4

Cha'aye ca shiỹaxaua 'eeta'am da 'oonolec qancosaueegue na na'at, da nachaalataxac qalaq sa ilaua'ague 'eeta'am ca lpaqal.

Romanos 8:20

Cha'aye 'enauac nam lo'onatacpi Ñimaye, ỹataqta sa ỹaỹaten ca 'eetec, qalaxaye saishet da lasouaxashet, cha'aye Ñim Lo'onatac 'Enauacna maiche lhuennataxac. Qalaxaye ana 'alhua ñaqauo'o da naquitaxac

Eclesiastés 5:10

Cha'aye cam ỹaguec da lauoche ana anom, qalaq nache queto'ot da huotaique da nquictasheguem ana alom, saishet da huo'o ca na'a'q da ỹa'amaqten da mashe qalota ana alom. Qaq damaye nataqa'en qaica ca naigui.

Eclesiastés 12:8

Qaq aỹem maye aỹem 'aqtaxanaxaic, she'eguelaxalec da shenapec: ¡ỹataqta qaica ca naigui, qaica ca naigui! ¡'Enauac nam huo'o ỹataqta qaica ca naigui!

Eclesiastés 2:26

Cha'aye Ñim Lo'onatac 'Enauacna, ỹanem da laỹaanec, qataq da lauattonaxanaxac, qataq da lamaicỹaxac cam taalec da ỹaỹamaxareeta Ñimaye, qalaxaye cam 'etaxaloxoic, qalaq ỹanem da lo'onataxanaxac da lapootac qataq nquictasheguem da lsallaxa, da yaqto' ime, nache ỹanem cam taalec da ỹaỹamaxareeta Ñimaye. ¡Qaq damaye nataqa'en qaica ca naigui, 'eeta'am da 'eetec da huotaique da qanllañi na la'at!

Eclesiastés 2:19

Qaq huo'o dam ỹataqta 'eesa, da camaye na'aictaxa da ỹaanaxanaxaic huo'otaq da qaica ca laỹaanataxanaxac, qalaxaye camaye ỹauo'o lalamaxat qome, 'enauac nam ỹataqta lta'araic da ỹo'onataxanaxac co'ollaq so'ottac, qataq so'ogoxona da ỹaỹaanec da yaqto' ishet da aỹem hueto'ot namayepi ana'ana 'alhua. ¡Qaq damaye nataqa'en ỹataqta qaica ca naigui!

Eclesiastés 2:11

Qaq ime, nache semeteetac 'enauac nam ỹo'onatacpi, qataq nam huo'o da lqalaic co'ollaq so'ottac, nache sela'a da 'enauac namayepi da qaica ca naigui, 'eeta'am da 'eetec da huotaique da qanllañi na la'at, qataq qaica ca qaỹachegoxotaigui damaye, ana'ana 'alhua.

Eclesiastés 2:23

Cha'aye 'enauac dam nachaalataxac da nlaqchigui da nqui'ic, qataq saỹalemaxat da lo'onataxanaxac, ivira'a ye pe da qaica ca nmataqa' da lhuennataxac. ¡Qaq damaye nataqa'en qaica ca naigui!

Eclesiastés 2:17

Qaq huaña nache sevira'a da saỹemec da ñachaalataxac, cha'aye 'enauac nam qaỹo'otpi ana'ana 'alhua da aỹem dataỹa'aguet. Qaq ỹataqta 'eesa da qaica ca naigui, 'eeta'am da 'eetec da huotaique da qanllañi na la'at.

Eclesiastés 11:8

Qalaxaye na'aictaxa da qaỹoqteguelo naua vi'iye da nachaalataxac ca shiỹaxaua, qalaxaye iuen da taỹa'a lauel da qalote' qome caua na'axa'te ca napalaxa, qataq 'enauac cam ñaq naỹa'acna ỹataqta qaica ca naigui.

Eclesiastés 6:11

Qaq huo'o da ỹataqta 'eesa maye, 'eeta': cam huaña da ỹaguec da ntaxaỹaxac, nache huaña nataqa'en da huo'o na na'aqtacpi maye qaica ca naigui, qaq damaye qaica ca qaỹachegoxotaigui.

Eclesiastés 4:8

ca ỹale 'oonolec, qaica ca nauochaxaua, qataq qaica ca llalaqpi qataq ca lqaỹañecpi, sanauane' da cara'acolec da nmatec, qataq saỹauano' da naloqten da huo'otaq ỹapacauec da lsallaxa, qataq saishet da nnatteguela't: «¿Negue't cam talec qome nam chegaqaigui dam ỹo'onataxanaxac? Qataq ¿ta'ainco' da sa sasheneguet da ñachaalataxac dam namaicỹaxac?» Damaye nataqa'en qaica ca naigui, qataq qapa'atta no'onataxanaxac.

Eclesiastés 4:4

Qaq nataqa'en sela'a da 'enauac nam no'onatacpi maye ỹataqta ỹaỹamaqchiguiñi, qataq ỹo'ot da ño'oxonnataguec ca shiỹaxaua, namaye ỹo'ot da nquiỹata'a't caua shiỹaxau'. Qaq nataqa'en damaye qaica ca naigui, 'eeta'am da 'eetec da huotaique qanllañi na la'at.

Eclesiastés 3:19

Qaq ỹoqta 'eesa da na shiỹaxauapi, qataq na shiguiỹacpi, nache 'eeta'a't dam llecỹaxac: 'enauac da taỹa'a da ileu, qataq naua la'a'che nache 'eeta'a't. Qaq ỹoqo'oye ca shiỹaxaua saishet da napacalec da lataxac ca shiguiỹac, qaq damaye ỹataqta qaica ca naigui,

Eclesiastés 2:21

cha'aye huo'o na do'ogoxona da naỹaanec, qataq da nauattonaxanaxac, qataq nam nauane'pi dam lo'onataxanaxac, da yaqto' talec 'enauac cam sa do'onataxan co'ollaxa. ¡Qaq damaye nataqa'en ỹataqta qaica ca naigui, qataq ỹataqta saỹaỹamaxañi!

Eclesiastés 11:10

Ñaq 'anqateeguesop qome añi 'arquiyaqte da nayeloxo, qataq qoca'ai 'enauac nam qauemsat, cha'aye ivira'alo naua ỹataqta no'oñi na'axa'te de'era nogotshec, ỹataqta qaica ca naigui.

Eclesiastés 4:16

Qaq na'aictaxa da ỹataqta qalota na shiỹaxauapi maye ilotague', qalaxaye namayepi qataq cam llalaqpi qome, saishet da machiguiñi naqa'en camaye. Qaq nataqa'en de'era qaica ca naigui, 'eeta'am da 'eetec da huotaique qanllañi na la'at.

Eclesiastés 2:15

Qaq huaña, nache sheeta': «Dam taỹa'aguet cam qaica ca ỹaỹaanapec, nataqa'en aỹem saỹa'aguet, qaq ỹoqo'oye ỹataqta qaica ca naigui dam qalota ỹaỹaanec. ¡Qaq ivira'a damaye da ỹataqta qaica ca naigui!

Da na'aqtaguec so Job 11:12

Qalaxaye que'eca na'a'q, qom deco'o aca 'ashena, da shiỹaxaua ca llalec, huaña nache ishet da huo'o da laỹaanec ca qaica ca ỹaỹaana'a.

Salmos 89:47

Ña 'auennata'a taxa da ỹataqta saqaỹauec da ñachaalataxac, qalaq ¿ta'ainco' co'ollaxa da 'auo'ot na shiỹaxauapi?

Eclesiastés 2:8

Qataq ỹataqta qalota so ỹapoñiguishec na lcat plata qataq na oro, nsallaxa maye lalamaxat co'ollaxa som laỹepi nta'alpi maye hueta'alo naua lỹa't 'aleu'. Qataq huo'o so ỹo'onaxanaxanecpi, qataq aso ỹo'onaxanaxanapi, qataq ñauane' 'enauac nam ỹo'ot da lamaicỹaxac cam shiỹaxaua, qataq ỹataqta qalota aso ihuapi.