Eclesiastés 1:17 - La'aqtaqa Ñim Lo'onatac 'Enauacna 2013

¹⁷ Qaq aỹem ỹataqta iuennataxac da ñimitaique da yaqto' saỹaten da naỹaanec, qataq da saỹateeta nataqa'en dam 'oopashec, qataq da 'eetec da qaica ca naỹaanataxanaxac. Qaq nataqa'en saỹaten damaye da 'eeta'am da huotaique da qanllañi na la'at,

Eclesiastés 1:17 Referans Kwoze

Eclesiastés 2:3

Qataq so'ogoxona da ñetoonaxac qataq da ỹaỹaanec da she'eguen da lamaicỹaxac na lataxa, qataq ỹataqta ñañaneguet namaye da yaqto' saỹaten da nachera dam ỹaỹamaqchiguiñi da ỹo'ottac ca ỹale da ñaq huo'o da nachaalataxac da netalec ana 'alhua.

1 Ts 5:21

Qalaxaye qavi'iguiñi 'enauac, qaq cam ỹaỹamaqchiguiñi, nacheca qauaỹamaxache.

Eclesiastés 2:17

Qaq huaña nache sevira'a da saỹemec da ñachaalataxac, cha'aye 'enauac nam qaỹo'otpi ana'ana 'alhua da aỹem dataỹa'aguet. Qaq ỹataqta 'eesa da qaica ca naigui, 'eeta'am da 'eetec da huotaique da qanllañi na la'at.

Eclesiastés 4:4

Qaq nataqa'en sela'a da 'enauac nam no'onatacpi maye ỹataqta ỹaỹamaqchiguiñi, qataq ỹo'ot da ño'oxonnataguec ca shiỹaxaua, namaye ỹo'ot da nquiỹata'a't caua shiỹaxau'. Qaq nataqa'en damaye qaica ca naigui, 'eeta'am da 'eetec da huotaique qanllañi na la'at.

Eclesiastés 4:6

qalaxaye aỹem shenapec: «na'aictoxo' da sa qaỹalec catai' mataxaqui, qaq saq 'ena'am da ỹaguec da no'onataxanaxac, cha'aye damaye 'eeta'am da huotaique qanllañi na la'at.»

Eclesiastés 6:9

Qaq ỹactec da huo'o da naigui cam mashe qailota'a, qaq saq 'ena'am cam choche qaipettega. Qalaxaye nataqa'en de'era qaica ca nagui, 'eeta'am da 'eetec da huotaique da qanllañi na la'at.

Eclesiastés 9:3

Qaq huo'o dam ỹactec da qauem maye huetaigui 'enauac nam qaỹo'otpi ana'ana 'alhua: da 'enauac 'eeta'a't da 'oonolec ye taỹa'a loga't. Qataq dam lquiyaqteỹaxac ca shiỹaxaua nlaqchigui na qauem, qataq dam 'oopashaxac nache huetaigui ye lhuennataxa 'enauaque naua na'axa'te da nachaalataxac, qaq da ivita ye loga't, nache tauga ye huetaña na leuaxaicpi.

Salmos 73:16

Qaq co'ollaq sauotaique da saỹaten de'era, qalaq ỹataqta huo'o da lqalaic.

Eclesiastés 3:19

Qaq ỹoqta 'eesa da na shiỹaxauapi, qataq na shiguiỹacpi, nache 'eeta'a't dam llecỹaxac: 'enauac da taỹa'a da ileu, qataq naua la'a'che nache 'eeta'a't. Qaq ỹoqo'oye ca shiỹaxaua saishet da napacalec da lataxac ca shiguiỹac, qaq damaye ỹataqta qaica ca naigui,

Eclesiastés 8:16

Qaq co'ollaq salemaqtelec da ñapaxagueetega da sauatton dam naỹaanec, qataq da semeteetac 'enauac nam qaỹo'ottac ana 'alhua, nache sevitta'a da saishet da so'oche ye na'a'q qataq ye pe.

Eclesiastés 12:8

Qaq aỹem maye aỹem 'aqtaxanaxaic, she'eguelaxalec da shenapec: ¡ỹataqta qaica ca naigui, qaica ca naigui! ¡'Enauac nam huo'o ỹataqta qaica ca naigui!