Eclesiastés 1:15 - La'aqtaqa Ñim Lo'onatac 'Enauacna 2013

¹⁵ ¡Cam namaxagui saishet da qanlaxanec, qataq saishet da qanaloqteneuo cam qaica!

Eclesiastés 1:15 Referans Kwoze

Isaías 40:4

Qamichingui 'enauac na ca'ameguepi, qataq nalochiguiñi qanqa'eñi ana qasoxonaxapi qataq ana lcomaraxalatepi, qataq nam 'alhua maye sa naloguiñi qataq na huaña ana qasoxonaxapi, qalaq qavi'iguelaxachiỹa qome da ỹataqta nalochiguiñi.

Eclesiastés 3:14

Qataq nataqa'en saỹaten da 'enauac nam ỹo'otpi Ñim Lo'onatac 'Enauacna, namayepi chochaq tatec. Qaica ca ishet da qaiqotteneuo, qataq qaica ca ishet da qanqat namayepi, cha'aye Ñim Lo'onatac 'Enauacna, nache lataxac naqa'en, yaqto' nam shiỹaxauapi huo'o naq 'enec naqa'en Ñimaye.

Mateo 6:27

Cha'aye ¿negue't ca 'oonolec da qoñiita da huo'otaq ỹapactec da lhuogoqchec, nache ishet da nquigaxat da lca'alaxa?

Lamentaciones 3:37

¿Negue't ca ishet da ỹa'axata'a cam taỹa'a da yo'oq, da saishet da nacheñi Ñim Nataxala' da ỹamaxalec?

Da na'aqtaguec so Job 34:29

Qaq Ñimaye da nañaxaañi, qaq ¿negue't ca ishet da ỹo'ot ca nhuaxanaguec? Qataq da ỹoxooñi da lashiguiỹaxac, nache ¿negue't ca ishet da ila'a? Qalaxaye Ñimaye nauaatalec na ỹotta'a't shiỹaxauapi qataq ñi 'oonolec namayepi.

Da na'aqtaguec so Job 11:6

Nache Ñimaye 'am ỹapaxaguenec na saqcha'a naỹaanecpi, maye ỹataqta huo'o da lqalaic da yaqto' qaỹaỹaten. Huaña taxa nache 'am 'auaỹaten da Ñim Lo'onatac 'Enauacna, saishet da ipaigui da ỹoqta 'anhuaxanaguec taxa.

Daniel 4:35

Nam huetalec ana 'alhua qalaq qaica ca la'amaqchec da nachatto'ot Ñimaye, qataq Ñimaye da huo'o ye ỹo'ot qalaq maiche ca ỹataxaateuga, nam hueto'ot na piguem qataq nam huetalec ana 'alhua. Qataq qaica ca ishet da dataỹa'aguet da la'añaxac, qataq da ichemaxattac nam ỹo'otpi Ñimaye.

Eclesiastés 7:25

Qaq huaña nache ñalemaqte' da yaqto' sanata da nauattonaxanaxac, qataq ñapaxagueetega, qataq ñimittaique cam ỹaỹamaqchiguiñi loga't damaye. Qaq huaña nache saỹaten da saỹaỹamaxañi da qaica ca ỹaỹaanapec ca shiỹaxaua, qataq da qaica ca qaỹaỹaanapec nachera da 'oopashec.

Jeremías 13:23

¿Ca lairaxaic peta'a ishet da naralaxat da lo'oxoỹaxac? ¿ca quiyoc peta'a ishet da naralaxat da lchiỹaxataxa? Qaq nache 'eeteque qami' da saishet da qauo'oche ca no'on, cha'aye mashe qauanaiỹa'ac da qauo'ocheetac na qauem.