Eclesiastés 1:14 - La'aqtaqa Ñim Lo'onatac 'Enauacna 2013

¹⁴ Qaq aỹem ishet da saỹaten da 'enauac nam qaỹo'ottacpi ana'ana 'alhua ỹataqta qaica ca naigui, 'eeta'am da 'eetec da huotaique da qanllañi na la'at.

Eclesiastés 1:14 Referans Kwoze

Eclesiastés 2:11

Qaq ime, nache semeteetac 'enauac nam ỹo'onatacpi, qataq nam huo'o da lqalaic co'ollaq so'ottac, nache sela'a da 'enauac namayepi da qaica ca naigui, 'eeta'am da 'eetec da huotaique da qanllañi na la'at, qataq qaica ca qaỹachegoxotaigui damaye, ana'ana 'alhua.

Eclesiastés 2:26

Cha'aye Ñim Lo'onatac 'Enauacna, ỹanem da laỹaanec, qataq da lauattonaxanaxac, qataq da lamaicỹaxac cam taalec da ỹaỹamaxareeta Ñimaye, qalaxaye cam 'etaxaloxoic, qalaq ỹanem da lo'onataxanaxac da lapootac qataq nquictasheguem da lsallaxa, da yaqto' ime, nache ỹanem cam taalec da ỹaỹamaxareeta Ñimaye. ¡Qaq damaye nataqa'en qaica ca naigui, 'eeta'am da 'eetec da huotaique da qanllañi na la'at!

Eclesiastés 2:17

Qaq huaña nache sevira'a da saỹemec da ñachaalataxac, cha'aye 'enauac nam qaỹo'otpi ana'ana 'alhua da aỹem dataỹa'aguet. Qaq ỹataqta 'eesa da qaica ca naigui, 'eeta'am da 'eetec da huotaique da qanllañi na la'at.

Eclesiastés 6:9

Qaq ỹactec da huo'o da naigui cam mashe qailota'a, qaq saq 'ena'am cam choche qaipettega. Qalaxaye nataqa'en de'era qaica ca nagui, 'eeta'am da 'eetec da huotaique da qanllañi na la'at.

Eclesiastés 4:4

Qaq nataqa'en sela'a da 'enauac nam no'onatacpi maye ỹataqta ỹaỹamaqchiguiñi, qataq ỹo'ot da ño'oxonnataguec ca shiỹaxaua, namaye ỹo'ot da nquiỹata'a't caua shiỹaxau'. Qaq nataqa'en damaye qaica ca naigui, 'eeta'am da 'eetec da huotaique qanllañi na la'at.

Eclesiastés 4:16

Qaq na'aictaxa da ỹataqta qalota na shiỹaxauapi maye ilotague', qalaxaye namayepi qataq cam llalaqpi qome, saishet da machiguiñi naqa'en camaye. Qaq nataqa'en de'era qaica ca naigui, 'eeta'am da 'eetec da huotaique qanllañi na la'at.

Eclesiastés 8:16

Qaq co'ollaq salemaqtelec da ñapaxagueetega da sauatton dam naỹaanec, qataq da semeteetac 'enauac nam qaỹo'ottac ana 'alhua, nache sevitta'a da saishet da so'oche ye na'a'q qataq ye pe.

Eclesiastés 3:19

Qaq ỹoqta 'eesa da na shiỹaxauapi, qataq na shiguiỹacpi, nache 'eeta'a't dam llecỹaxac: 'enauac da taỹa'a da ileu, qataq naua la'a'che nache 'eeta'a't. Qaq ỹoqo'oye ca shiỹaxaua saishet da napacalec da lataxac ca shiguiỹac, qaq damaye ỹataqta qaica ca naigui,

Eclesiastés 4:6

qalaxaye aỹem shenapec: «na'aictoxo' da sa qaỹalec catai' mataxaqui, qaq saq 'ena'am da ỹaguec da no'onataxanaxac, cha'aye damaye 'eeta'am da huotaique qanllañi na la'at.»

Eclesiastés 12:8

Qaq aỹem maye aỹem 'aqtaxanaxaic, she'eguelaxalec da shenapec: ¡ỹataqta qaica ca naigui, qaica ca naigui! ¡'Enauac nam huo'o ỹataqta qaica ca naigui!