Eclesiastés 1:13 - La'aqtaqa Ñim Lo'onatac 'Enauacna 2013

¹³ nache aỹem ỹataqta ñañaneguet co'ollaxa da ñimittac qataq ñaỹaanaxanaqchen da ñapaxagueetega 'enauac nam qaỹo'ottacpi ana'ana 'alhua. ¡Qaq sela'a da ỹataqta qapa'atta nam no'onatacpi maye Ñim Lo'onatac 'Enauacna ỹasaxalec nam shiỹaxauapi, da yaqto' nachena nam huetague' da ỹo'ottac!

Eclesiastés 1:13 Referans Kwoze

Eclesiastés 3:10

Qaq aỹem sela'a nam qapa'atta no'onatacpi maye Ñim Lo'onatac 'Enauacna, ỹanem co'ollaxa nam shiỹaxauapi da yaqto' ỹo'ottac.

Génesis 3:19

Qataq ỹataqta 'anchelchaqchiguiñi qome da 'auo'onataxaatac, da yaqto' 'auachiguiñi ca qollec, choche ivitta'a da 'avi'eguelaxaigui ana 'alhua, maye 'auachegaqaigui co'ollaq 'am qaỹo'ot, cha'aye 'am 'alhua lsoche, qaq nam 'alhua lsoche 'apactoigui qome.»

Eclesiastés 1:17

Qaq aỹem ỹataqta iuennataxac da ñimitaique da yaqto' saỹaten da naỹaanec, qataq da saỹateeta nataqa'en dam 'oopashec, qataq da 'eetec da qaica ca naỹaanataxanaxac. Qaq nataqa'en saỹaten damaye da 'eeta'am da huotaique da qanllañi na la'at,

1 Timoteo 4:15

Ỹataqta 'antela'a qataq qouapegue' de'era sheetega, ỹataqta 'anañaneguet, yaqto' 'enauac qaila'a da 'arañaxataxac.

Eclesiastés 12:12

Qaq nagui 'am ỹalcolec, 'auasateguet qome ca nvitaqtaxanaxac. Cha'aye da qaỹo'ot aca qalota nerepi qalaq qaica ca loga't, qataq da qalota da paxaguenaxac nache damaye ỹo'ot da nasamaxa.

Eclesiastés 7:25

Qaq huaña nache ñalemaqte' da yaqto' sanata da nauattonaxanaxac, qataq ñapaxagueetega, qataq ñimittaique cam ỹaỹamaqchiguiñi loga't damaye. Qaq huaña nache saỹaten da saỹaỹamaxañi da qaica ca ỹaỹaanapec ca shiỹaxaua, qataq da qaica ca qaỹaỹaanapec nachera da 'oopashec.

Eclesiastés 8:9

Qaq 'enauac de'era sauaachigui, cha'aye ñalemaqte' da ñapaxaguena, 'enauac nam qaỹo'ottacpi ana'ana 'alhua, qataq da na'añaxac maye hueto'ot ca ỹale da ỹo'otec ca qauem ca lỹa.

Eclesiastés 4:4

Qaq nataqa'en sela'a da 'enauac nam no'onatacpi maye ỹataqta ỹaỹamaqchiguiñi, qataq ỹo'ot da ño'oxonnataguec ca shiỹaxaua, namaye ỹo'ot da nquiỹata'a't caua shiỹaxau'. Qaq nataqa'en damaye qaica ca naigui, 'eeta'am da 'eetec da huotaique qanllañi na la'at.

Eclesiastés 2:26

Cha'aye Ñim Lo'onatac 'Enauacna, ỹanem da laỹaanec, qataq da lauattonaxanaxac, qataq da lamaicỹaxac cam taalec da ỹaỹamaxareeta Ñimaye, qalaxaye cam 'etaxaloxoic, qalaq ỹanem da lo'onataxanaxac da lapootac qataq nquictasheguem da lsallaxa, da yaqto' ime, nache ỹanem cam taalec da ỹaỹamaxareeta Ñimaye. ¡Qaq damaye nataqa'en qaica ca naigui, 'eeta'am da 'eetec da huotaique da qanllañi na la'at!

Eclesiastés 2:23

Cha'aye 'enauac dam nachaalataxac da nlaqchigui da nqui'ic, qataq saỹalemaxat da lo'onataxanaxac, ivira'a ye pe da qaica ca nmataqa' da lhuennataxac. ¡Qaq damaye nataqa'en qaica ca naigui!

Proverbios 23:26

'Am ỹalcolec, ỹataqta aỹem 'aualaxaguet qome, qataq 'aulotelec da 'am sachaxana ỹecỹaxac,

Proverbios 18:15

Da lquiyaqteỹaxac ca ỹaanataxanaxaic ỹaconeguet da lauattonaxanaxac, qaq da la'axaỹaqchec na ỹaanaxanaxaic qalaq nmitta'ai da naỹaanec.

Proverbios 18:1

Ca mataxalaic qalaq nmittaique ca maiche 'eetapeguec, qataq dataỹa'aguet 'enauac na no'on nqataxacpi.

Proverbios 4:7

'Aua'auaxaañi qome da 'auaconeguet da naỹaanec, qataq ỹactec 'anqa'en da 'auaconeguet da naỹaanataxanaxac.

Salmos 111:2

Ỹataqta lta'araic na ỹo'otpi Ñim Nataxala', qaq cam ỹauotec namayepi nache napaxaguena.

Da na'aqtaguec so Job 28:3

Na shiỹaxauapi qalaq imeuo naqa'en na napalaxa, cha'aye namayepi taña na ỹataqta qaỹoqchiguiña, na pa'aguiñi 'alhua, huaña nache huetaigui na napalaxa da nmittaique na no'on coma'.

Eclesiastés 3:11

Ñimaye co'ollaq ỹo'ot namayepi, nache 'enauac da 'onaxaic naqa'en, qataq ỹachaigui ye lhuennataxa ca shiỹaxaua da ỹaỹaten nam chochaq tatec, na'aictoxo' da ca shiỹaxaua saivi' da ỹaỹaten nam ỹo'otpi co'ollaxa Ñim Lo'onatac 'Enauacna, qataq cam ñaq taỹa'a da ỹo'ot.

Eclesiastés 4:8

ca ỹale 'oonolec, qaica ca nauochaxaua, qataq qaica ca llalaqpi qataq ca lqaỹañecpi, sanauane' da cara'acolec da nmatec, qataq saỹauano' da naloqten da huo'otaq ỹapacauec da lsallaxa, qataq saishet da nnatteguela't: «¿Negue't cam talec qome nam chegaqaigui dam ỹo'onataxanaxac? Qataq ¿ta'ainco' da sa sasheneguet da ñachaalataxac dam namaicỹaxac?» Damaye nataqa'en qaica ca naigui, qataq qapa'atta no'onataxanaxac.

Eclesiastés 11:5

Qaq cha'aye sa 'auaỹaten dam llecỹaxac na la'at, qataq sa 'auaỹaten da lañaxataxac ca nogotolec da huetaigui na lauel aca late'e, qaq nache 'eetec nataqa'en da sa 'auaỹaten nam ỹo'otpi Ñim Lo'onatac 'Enauacna, ñim ỹo'ot co'ollaxa 'enauac nam huetalec ana 'alhua.

Proverbios 25:2

Ñim Lo'onatac 'Enauacna huo'o da llo'oxoyec souaxat da huo'o na saqcha'a naqa'en da lataxac, qataq na nta'alpi huo'o da llo'oxoyec da ỹaỹaten ne'ena saqcha'api.