Daniel 9:5 - La'aqtaqa Ñim Lo'onatac 'Enauacna 2013

⁵ Qomi' huo'o co'ollaxa da qarasouaxashet, qataq so'otaq da qauem, qomi' qauemaiqa qataq sa salaxasoq, qataq saishet da 'am seuennataqa'a, qataq qolqa'ai co'ollaxa na 'aramaxasoxonaxacpi, qataq na 'arqataxacpi.

Daniel 9:5 Referans Kwoze

Malaquías 3:7

Qaq nache chegoqchiguiña se'eso na'a'q, co'ollaq ñaq huo'o som qarta'ailpi, da qami' saishet da qaualaqaiguet na ỹamaxasoxonaxacpi, qataq saqauaỹamaxache. Qaq Aỹem Nataxala' maye Qaica ca Saqalanapec, qami' shenapegalo. ¡Aỹem qañe'eguelaqỹa qome, nache Aỹem qami' she'eguelaxagueta! Qalaxaye qami' qoñiỹapec: «¿Ta'ainco' da 'am she'eguelaxasoqot?»

Daniel 9:11

'Enauac na Israel le'ecpi saỹalaxaguet na 'arapaxaguenataxanaxacpi qataq 'aramaxasoxonaxacpi, ỹoqo'oye qomi' taleguete dam qauem, qataq da qoỹan co'ollaxa na'aqtac, maye nanettalec aso lmalate na lamaxasoxonaxacpi so 'aramaxashec Moisés, cha'aye huo'o da qarasouaxashet 'am hueto'ot.

Daniel 9:15

'Am Nataxala' maye 'am Qanatamnaxala', 'auachaxan co'ollaxa da lta'araic 'ara'añaxac, co'ollaq 'anqateeguesop ye Egipto na 'aralamaxat nhuo' le'ecpi, qaq nache chegoqchiguiña co'ollaxa da 'auo'ot da la'amaqchec da 'are'enaxat, nache ivitta'a nagui, qalaxaye qomi' huo'o da qarasouaxashet, qataq so'otaqtac na qauem.

Salmos 106:6

Qomi' huo'o na qarasouaxashetpi shenaqta'am so qarta'alpi, da so'otaqtac na qauemsat qataq na ñe'etaxaloxosat.

Hebreos 3:12

¡Qami' ỹaqaỹa't, maxatchaxa qome! Saishet da qauennacheetega ca qauem qataq saishet da qaỹa'axañiiuec da qanaquitaxaqui, yaqto' saishet da qoquiỹa'ai Ñim Lo'onatac 'Enauacna maye chochaq tatec da nca'altauec.

Oseas 1:2

Qaq 'ena na chegoqchiguiña da la'aqtac Ñim Nataxala' maye chegoqchigui naqa'en so Oseas, 'eeta': «'Aue qojec, nache 'auaroneguet qome aca 'alo quisheguetaxai, nache huo'oi qome caua 'aỹa'alqa, qaq caamaye nache chegaqaiguilo qome da quisheguetaxac, cha'aye nam netalecpi ne'ena 'alhua Israel ỹataqta nquisheshigui da la'amqaanataxanaxac, nache namayepi ỹataqta ca'ai Ñim Nataxala'.»

Ezequiel 6:9

Nache ca lca'alaxaicpi iuennate qome Aỹem da ỹalectaigui que'eca ỹotta'a't shiỹaxauapi, iuennate qome da 'eetec da so'ot da nque'eenaxac souaxat da Aỹem sa ỹalaxaguet qataq souaxat da Aỹem ca'ai da yaqto' ỹo'oxoren na nqolacpi. Namayepi deqaiga qome da maiche lataxac, souaxat nam qauem maye ỹo'otpi, qataq 'enauac nam qaiqaiga maye ỹo'ot co'ollaxa namayepi.

Lamentaciones 1:20

¡'Am Nataxala', ña 'aumeten da ỹachetataic! ¡Ñanomteguet da ỹataqta lta'araic lqui'ic ana itogue! Da ñequi'ic qalaq ipataqta'a't añi iquiyaqte, naxa da tachigui iuel da aỹem sa salaq. De'era pa'auec, huaña da qaỹalauat so ỹalaqpi qairolec so ỹeelonec, qaq ne'ena npa'auo nataqa'en hueta'a da nleuaxa.

Jeremías 14:7

¡'Am Nataxala', na'aictaxa na qarasouaxashetpi da qomi' ỹa'aloqche't, qaq no'on da huo'o ca 'auo'ot souaxat da llo'oxoyec da 'are'enaxat! Qalota naxa da saishet da 'am salaxasoxoguet, qaq huo'o da qarasouaxashet 'am hueto'ot.

Salmos 18:21

cha'aye aỹem ỹataqta shectegue da nqa'aicỹaxac Ñim Nataxala', qataq saỹauanago' da sheca'ai Ñim Lo'onatac 'Enauacna.

Jeremías 3:25

Ñaq ñemanaq qome, cha'aye huo'o da qara'agaxa qataq qomi' nlaqchiguilo da qane'enaguec, cha'aye chegoqta'a co'ollaq ñaq qomi' nsoxoppi, nache ivitta'a nagui da qomi' qataq so qarta'alpi huo'o da qarasouaxashet hueto'ot Ñim Nataxala' maye Qanatamnaxala' cha'aye saishet da salaxasoxoguet.»

Isaías 59:13

Qomi' senogoqchetaq qataq satenachetaq Ñim Nataxala', qataq qolqa'ai Ñim Qanatamnaxala'. Sa'axataqtac nam saq'en qataq sasalaxasoq, qataq llapaxasoxoyeñi naua lataxaco da yaqto' satenachetaq na laỹepi shiỹaxauapi.

Isaías 53:6

'Enauac da shenaqta seqataq co'ollaxa shenaqta'am aca qagueta, nache ñi 'oonolec da shenaqta quetague' ca maiche nqa'aic, qalaxaye Ñim Nataxala' ỹache naqa'en som lamaxashec 'enauac na qarasouaxashetpi.

Salmos 119:102

Qataq saishet da sheca'aisalo naua no'oñi 'ara'aqtaqa, cha'aye nache 'am da aỹem 'auapaxagueetac.

Esdras 9:6

nache sheeta': «'Am maye 'Am Ñatamnaxala', aỹem sasaỹaten ca sheetec, qataq ỹataqta huo'o da ña'aloxonaxac da 'am seỹaxanot. Souaxat na qauemsat ỹataqta ỹaguisheguem, choche ivitta'a da qomi' ỹapoleguete, qataq ỹataqta iviro'ot na piguem.

Salmos 119:176

Cha'aye aỹem ñesomaxaatapigui' co'ollaxa sheeta'am aca qagueta da deqat, qaq ỹoqo'oye 'auanac qome da 'anmitaique ne'ena 'aramaxashec, cha'aye aỹem sa secoua'aisalo naua 'aramaxasoxonaxaco.

Jeremías 44:3

souaxat nam qauempi maye ỹo'ot co'ollaxa, cha'aye Aỹem inogoqchet souaxat da natameetacot nam ỹaqa'a atamnaxala'pi, qataq ỹaatacot na lchenaxanaxat maye ama na laita som atamnaxala'pi, maye somayepi qataq qami', qataq som hua'au qarta'ailpi saishet da ỹauatton co'ollaxa.

Lamentaciones 1:18

Qaq Ñim Nataxala', ỹaỹamaqchiguiñi dam ỹo'ot, cha'aye aỹem sataỹa'agueta naua lamaxasoxonaxaco. ¡Ñaq qana'axaỹaxañi nagui 'enauac qami' nhuo' le'ecpi, qataq qaumichiñi da ñequi'ic! ¡Som ỹalamaxat nsoxoppi, qataq som qa'ampi qaỹauega yem ỹaqa'a 'alhua!

Lamentaciones 3:42

Qomi', huo'o nam qarasouaxashetpi, qataq saishet da salaxasoq, qaq ỹoqo'oye saishet da qomi' 'auchoxore'n.

Daniel 9:9

Qalaxaye 'Am Nataxala', qataq Qanatamnaxala', 'am choxonnataxanaxaic, qataq ishet da 'auapalaxat ca nasouaxashet. Qomi' 'Am sataỹaqa'aguet co'ollaxa

2 Reyes 18:12

Qaq de'era, huaigui co'ollaxa somayepi souaxat da saishet da ỹalaxaguet Ñim Nataxala' maye Natamnaxala', nacherata da dashelec da naỹamaxataxac Ñimaye, qataq saishet da ỹalaxaguet 'enauac nam namaxasoxonaxacpi maye ỹanem co'ollaxa so Moisés, maye lamaxashec Ñim Nataxala'.

2 Reyes 21:15

Cha'aye sauaachigui da ỹo'ot nam qauem maye sasaỹamaxaren, qaq nache chegoqchiguiña co'ollaq ca'ai ye Egipto so lta'alpi namayepi, nache ivitta'a nagui da nache 'eetai' naxa da Aỹem inogoqchettac.»

Isaías 64:4

Qaq ỹataqta saỹauanego' da qaỹa'axaỹa huo'otaq da qaỹauaachigui da huo'o ca lỹa atamnaxala' da ỹo'ot cam 'eeta'am nam 'auo'otpi, da talec naqa'en cam pe'etega camaye.

Jeremías 14:20

'Am nataxala', qomi' saỹaanaqta dam qauem maye so'otaq qataq nam lasouaxashetpi som hua'au qarta'alpi, qaq huo'o da qarasouaxashet 'am hueto'ot.

Jeremías 30:14

'Enauac nam 'anauonaxauapi 'am icoua'ai, mashe saishet da 'am qochetega. Cha'aye Aỹem 'am seque'emaqchet, sheeta'am ca 'ampa'aguenaxaua, sauo'o so lta'araic 'anhuaxanaguec, souaxat na qalota qauem maye 'auo'otpi. Qataq souaxat nam qalota 'arasouaxashetpi.

Ezequiel 5:6

Qalaxaye namaye sa ỹalaxaguet co'ollaxa na iqataxacpi qataq na ỹamaxasoxonaxacpi, nache da lle'etaxaloxo ỹataqta napacalec na nhuo' le'ecpi qataq na ỹotta'a't shiỹaxauapi maye lauoreuapi namayepi, cha'aye saishet da ỹalaxaguet na iqataxacpi qataq saishet da quegue na ỹamaxasoxonaxacpi.