Daniel 9:4 - La'aqtaqa Ñim Lo'onatac 'Enauacna 2013

⁴ Nache ñatamnot, qataq sa'aqtaxanem Ñim Nataxala' maye Ñatamnaxala', sheeta': 'Am Nataxala', maye 'Aro'onatac 'Enauacna 'Am lta'araic qataq 'Am 'añaxaic, maye nache 'eetai' naxa da 'aupacchigui nam 'auachaxanapecpi, qataq 'auachaxana da 'arauotaxanaqtaic nam 'Am ỹauotecpi, qataq ipaqueelec nam 'aramaxasoxonaxacpi:

Daniel 9:4 Referans Kwoze

Romanos 8:28

Saỹatenaqta da Ñim Lo'onatac 'Enauacna iqataxaatai' 'enauac na ỹaỹamaqchiguiñi lataxaguesat da talec naqa'en nam lauotaxatpi, nam maiche lca'aguishecpi da yaqto' ipacchigui da maiche 'eetapeguec.

Éxodo 20:6

Qalaxaye ỹataqta lta'araic da ỹauotaxanaqtaic ca aỹem ỹauotec qataq ỹalaxaleguete naua iqataxaco, qataq choche tatec da sauotec cam llalaqpi.

Deuteronómio 5:10

Qalaxaye ca Aỹem ỹauotec, qataq ỹalaxagueta naua ỹamaxasoxonaxaco, nache sanem da chochaq tatec ỹauotaxanaqtaic 'enauac ca chegoxoguetpi camaye.

2 Crónicas 7:14

qaq da huo'otaq nman na ỹalamaxat nhuo' le'ecpi maye iỹaxaatega da ỹe'enaxat, qataq da natamen, qataq aỹem nmitaique, qataq da ỹaxanec da qauem lataxac, nache aỹem sa'axaỹa qome da soota'a na piguem, nache sapalaxat na lasouaxashetpi, qataq ñataren na na'alhua namayepi.

Nehemías 9:32

Qaq ỹoqo'oye 'am Qanatamnaxala', Atamnaxala' maye 'amaqtaqaic, 'añaxaic, qataq ncolanaxat, maye 'aupacchigui da 'anaỹamataxac qataq da nache 'eetai' da 'arauotaxanaqtaic ne'ena 'aralamaxat nhuo' le'ecpi, saishet qome da saq 'amaqtaq 'anqa'en da 'aulotagui da nque'eenaxac so qarta'alpi, qarataxala'pi, ntaxaỹaxanaxanecpi, na'aqtaxanaxanecpi, qataq so hua'au qarta'alpi qataq 'enauac na nalamaxat nhuo' le'ecpi, chegoqchiguiña se'eso na'a'q da lo'onataxanaxac so nta'alpi ye Asiria, nache ivitta'a nagui.

Deuteronómio 7:9

Ỹoqo'oye qauauattoñiita qome da Ñim Nataxala' maye Qanatamnaxala'ai, Ñimaye ỹataqta 'eesa, qataq ipactelec da naỹamaxataxac, qataq da lchoxonnataxanaxa maye ỹanem cam ỹauotec, qataq ỹo'ot na lamaxasoxonaxacpi Ñimaye, nache ivitta'a ca ỹataqta qalota maye chegoxoguetpi camaye,

1 Reyes 8:23

nache 'enapeco': «'Am Nataxala' maye Natamnaxala' na Israel le'ecpi, na pa'asheguem na piguem qataq na huetalec ana 'alhua, qaica ca Atamnaxala' da 'eeta'am 'am, da 'aupacchiguilo naua 'anaỹamaxataxaco, qataq da 'archoxonnataxanaxa cam ỹataqta lquiyaqteỹaxac da 'am do'onataxanot,

Salmos 32:5

Qalaxaye 'am sa'axatem co'ollaxa na ỹasouaxashetpi, qataq saishet da 'am soxocheesop na qauem maye so'otpi, nache sheeta': «Aỹem sa'axatem na ỹasouaxashetpi Ñim Nataxala'.» Nache 'am 'auapalaxat 'enauac namayepi.

Deuteronómio 7:21

Ỹoqo'oye saishet qome da qami' iviloxolaqche't da qarcolanaqai souaxat da qañi'iitega yemayepi, cha'aye Ñim Nataxala' maye Qanatamnaxala'ai, Ñim 'Amaqtaqaic qataq ncolanaxat qami' hueta'agueta.

Santiago 2:5

Qami' ñauochaxau' ỹaqaỹa't, ỹataqta aỹem qana'axaỹaxañiỹa: Ñim Lo'onatac 'Enauacna lca'aguishec na shiỹaxauapi choxoraq maye huetalec ana 'alhua, yaqto' namayepi da naquitaxac Ñim Lo'onatac 'Enauacna, nachera da ỹoqta 'eesa lsallaxa. Nataqa'en lca'aguishec na choxoraqpi da yaqto' ỹaconeguet da lo'onataxanaxac Ñim Lo'onatac 'Enauacna maye ỹachaxanapeguem co'ollaxa nam ỹauotec Ñimaye.

Santiago 1:12

Ca na'añaxateguet da ñe'eguenataguec, nache Ñim Lo'onatac 'Enauacna ỹaalec da lqouagaxanaqtaic. Cha'aye da mashe inoxonaqchetec de'era ñe'eguenataguec, nache Ñim Lo'onatac 'Enauacna ỹami' ca laueguec qataq ca lta'araic llo'oxoyec camaye. Qaq damaye nachera da nca'alaxa maye chochaq tatec maye ỹachaxanapeguem nam ỹauotec Ñimaye.

Lucas 1:72

Nataqa'en 'enapec da ỹataqta huo'o da lchoxonnataxanaxa som lalamaxatpi, qataq ipaqueelec dam qui'itta naỹamaxataxac.

Jeremías 3:13

Nacherata da 'auaỹateeta da huo'o da 'arasouaxashet, qataq 'auataỹa'aguet Ñim Nataxala', maye 'Anatamnaxala', qataq 'auaỹateeta da qoueto'ot naxa na lpaqal camachaqaca qo'oipaq maye qalochiguiñi ana lcouepi, da 'ancachetague' nam ỹaqa'a shiỹaxauapi, qaq saishet da Aỹem 'aualaxaguet. Qaq 'era da ỹa'aqtac Aỹem Nataxala'.›»

Nehemías 1:5

Nache sheeta': «'Am Nataxala', maye 'Aro'onatac 'Enauacna maye qoneto'ot na piguem, 'am 'amaqtaqaic qataq chaqaic, maye 'aupacchiguilo naua 'anaỹamaxataxaco, qataq sa 'anapacalec ca 'am ỹauotec, qataq ỹalaxagueta naua 'aramaxasoxonaxaco.

Esdras 10:1

Qaq so Esdras co'ollaq ña nqouagaxaueetac qataq ỹaatac so la'aqtac, souaxat na lasouaxashetpi so lauo' le'ecpi qataq nỹeetac, ỹa'attrañi naua l-llecte, hueta'a aso atamnaxaqui maye lalamaqte Ñim Lo'onatac 'Enauacna, nache anac so qalota ỹalleppi, 'alpi qataq so ñaqpiolec maye Israel le'ecpi. Qaq 'enauac somayepi coleesop somaye, nache nỹeetac souaxat da lta'araic nqui'ic.

Daniel 6:10

Qaq so Daniel co'ollaq la'axaỹaxac da qananerelec se'eso qalapaxañi nqataxac, nache taỹa so lma', nache ỹauatoiguilo naua nalloxoqui' so lo'ochaxaqui maye datategue dam pa'aigue ye Jerusalén, nache ỹa'alyiñi naua l-llectel da natamen, qataq ỹo'oxoren Ñim Lo'onatac 'Enauacna. Qaq damaye tres naxa da ỹo'ot ye 'oonolec na'a'q, ipacchigui dam 'eeta'ac naxa da ỹo'ottac.

Daniel 9:3

Qaq huaña, nache ñatamen da ñachoxonnot Ñim Nataxala' maye Ñatamnaxala', qataq ñeqouaqchet qataq saayiñi soua sansatte' anogo, qataq ñeso'ongui so alo.

Deuteronómio 7:12

Qaq da ỹataqta qauloiteleguete ne'enaua nqataxaco, qataq qaupaquiichiguilo da qauo'oche', nache Ñim Nataxala' maye Qanatamnaxala'ai, ipacchigui qome da ỹo'ot 'enauac na ỹan la'aqtacpi co'ollaq naỹamaxate' so hua'au qarta'ailpi.

Jeremías 32:23

Qalaxaye namayepi co'ollaq nnoxoneua'a ne'ena 'alhua, qataq nalec namaye, nache saishet da 'am ỹalaxaguet, qataq saishet da quegue dam 'arapaxaguenataxanaxac maye 'aỹa'anem co'ollaxa, qataq saishet da ỹo'ot nam 'auamaxalecpi. Qaq ỹoqo'oye 'Am 'anamaxa namayepi 'enauac ne'ena qauempi.