Daniel 9:26 - La'aqtaqa Ñim Lo'onatac 'Enauacna 2013

²⁶ Qaq qom inoxoorec caua sesenta y dos semanas, nache qanqat da nachaalataxac cam nataxala' maye nca'aguishec. Nache ye Jerusalén qataq añi atamnaxaqui ilaxachiguilo qome cam shiỹaxauapi maye nalleppi cam nta'a maye anac qome. Qaq ỹataqta nque'elaxatta qome que'eca loga't, 'eeta'am da lviraxac ca ndep. Qataq huo'o qome ca nlaqtaxanaxac qaq camaye vi'iiguet qom ime ca alaataxac.

Daniel 9:26 Referans Kwoze

Nahúm 1:8

qalaxaye nmichiguiñi naqa'en qome na npa'aguenaxauapi, 'eeta'am ca qapa'atteguet ndep da ỹache 'enauac na huetangui na llec, qataq Ñimaye 'eeta'am ca napalaxa da iviralec na npa'aguenaxauapi.

Isaías 53:8

Co'ollaq qaỹaconeua'a qalaq ỹataqta saqairen qataq qaica co'ollaxa ca iueelec, qataq qaica ca qochetega somaye. Qataq qanqateeguesop ana 'alhua, nache qaỹalauat souaxat na lasouaxashetpi na ỹalamaxat nhuo' le'ecpi.

Marcos 13:2

Nache So Jesús 'enapeco': –¡Qami' qauloito'ot nagui ne'ena lta'araic nỹecpi! Namayepi qome saishet da huo'o ca 'oonolec da nachattañi. 'Enauac qome namayepi qailaxachigui.

1 Pedro 2:24

So Cristo ỹache 'enauac na qarasouaxashetpi, cha'aye ileualec so npe'enaxaqui. Qaq ỹo'ot damaye yaqto' qomi' saxanaxañi 'enauac nam so'otaqtac qauem, nache ndotec da so'otaqtac cam 'onaxaic. So Cristo co'ollaxa ỹataqta qaique'emaqchet, yaqto' ishet da qami' no'oite'.

Lucas 24:26

¿Sa qauaỹaañiỹo' peta'a, da que'eca Lca'aguishec Ñim Lo'onatac 'Enauacna hua'auñi qome da nque'etaxan da saxanaxa da inoxoneua'a ca lo'onataxanaxac da ilo'ogue 'enauacna?

Marcos 9:12

Nache So Jesús ỹasategueto' soomaye, 'eeta': –Damaye 'eesa, da ca Elías hua'auñi da nvi' da yaqto' ỹaỹamaxaañi 'enauac na lataxaguesat, qataq na'aictaxa da nataqa'en 'eesa naua ñiyigui'she la'aqtaqa Ñim Lo'onatac 'Enauacna, da ỹa'axa't da na Shiỹaxaua Llalec ỹataqta huo'o qome da nque'eenaxac qataq qano'otangui.

Mateo 24:2

Nache So Jesús 'enapeco': «¿Qauloita'a nagui 'enauac ne'ena nỹecpi maye ỹataqta lta'araicpi? Aỹem ỹataqta 'eesa de'era qami' sa'axatema nagui da 'enauac ne'ena qailaxachigui qome. ¡Saishet qome da huo'o ca 'oonolec da nachattañi namayepi!»

1 Pedro 3:18

Cha'aye So Cristo 'oonolec co'ollaxa da ileu, nache sa lỹa da ỹe'eguelaxalec da ileu, da yaqto' ỹapalaxat na qarasouaxashetpi. Somaye ỹataqta soxoraic qataq qaica ca lasouaxashet qataq huo'o da nque'eenaxac, souaxat na 'etaxaloxoicpi da yaqto' qami' qaviyeeta'a da qanauochaxauai Ñim Lo'onatac 'Enauacna. Som ỹalauatpi So Cristo, somayepi ilaxachigui da lo'ocỹaxac, qalaxaye Somaye nca'alec yaqto' taigui da lca'alaxa saqcha'a.

Gálatas 3:13

Qalaxaye So Cristo qomi' nca'alaxateeguesopa dam lta'araic qanhuaxanaguec souaxat da saishet da salaxasoxoguet na namaxasoxonaxacpi. 'Era da 'eetec da qomi' nca'alaxatre'c Somaye. Cha'aye naua ñiyigui'she maye nanettaleguete ana nere maye huetalec na la'aqtacpi Ñim Lo'onatac 'Enauacna 'eeta': «Ñim Lo'onatac 'Enauacna ỹauo'o qome ca nhuaxanaguec cam qaiuaxaata'aguet ca npe'enaxaqui qo'oipaq souaxat da saishet da ỹalaxaguet na namaxasoxonaxacpi.»

2 Corintios 5:21

So Cristo ỹataqta qaica ca lasouaxashet. Qalaxaye souaxat qomi', nache Ñim Lo'onatac 'Enauacna, 'eeta'am naqa'en ca 'etaxaloxoic, da yaqto' chegoqchigui Somaye da qomi' ỹaỹamaxareete' Ñimaye.

Daniel 11:10

Qalaxaye caua llalqa cam nta'a maye lma' da sheu', naỹamaxa't qome da yaqto' ỹo'ot ca alaataxac, nache laỹona't cam qalota nalleppi. Nache ca 'oonolec caamaye lỹatac qome ca nalleppi da iloquiaxan da yaqto' deuotaxanec ye 'alhua maye pa'aigue da taguiñi, nache ỹataqta ilaxachigui 'enauac dam tata'ague, 'eeta'am ca tala da ipa'axanec, ime qome nache qaltaq ỹe'eguelaxalec da iloquiaxan nache iviraua'a cam qampaxattaua'a nỹec maye lalamaxat ca nta'a maye lma' da taguiñi.

Daniel 9:27

Qaq huaigui qome ca lỹa la semana nache que'eca nta'a naỹamaxate' qome ca qalota shiỹaxauapi, qalaxaye ca laiñi que'eca la semana, nache ỹa'axaneguet qome na nachetaqtaxanaxatpi maye qaỹavigaxatta, qataq ana laỹe nachetaqtaxanaqtepi. Qaq huo'o qome ca ỹataqta qauem qaỹo'ot da hualec qanqa'en añi nca'atoxonaxalate maye lmalate na nachetaqtaxanaxat qaỹavigaxatta, nache ivitta'a da cam nlaqtaxanaxac maye qalapaxañi co'ollaxa talec cam ỹo'ot de'era qauem.»

Isaías 8:7

Qaq ỹoqo'oye Ñim Nataxala' ỹataqta sa ỹala'ac qome da npaxaasheguem naqa'en na 'etaxat so tala Éufrates, maye nacheñi ñi nta'a ye Asiria qom anac da nactaigui da lta'araic la'añaxac, nache 'eeta'am da npaxaasheguem na la'auaxacpi nache ipaxaalec qome 'enauac yemaye,

1 Pedro 2:21

Da huo'o ca choche qaỹo'otec da nque'eenaxac, nache no'on da tachigui lauel da la'aqtac Ñim Lo'onatac 'Enauacna da ca huo'o da nque'eenaxac, nache iuen da na'añaxateguet. Cha'aye 'era da 'eetec co'ollaxa So Cristo da yaqto' qomi' ishet da seloxolec Somaye, cha'aye huo'o da nque'eenaxac co'ollaxa souaxat qami'.

Juan 14:30

Qaq nagui saishet da qaltaq huo'o ca sa'axat, cha'aye mashe nayeetai' nam pa'aguenataxanaxaic maye damaxasoxonapec ana 'alhua. Qalaxaye namaye qaica ca la'añaxac da ishet da Aỹem ỹachiguiñi.

Lucas 24:46

Nache 'enapeco': –Dam nanettañi ỹa'axat da ca Lca'aguishec Ñim Lo'onatac 'Enauacna, iuen da hua'auñi da qaỹalauat. Qaq qom mashe inoxoore'c caua tres na'axa'te, nache qaltaq nca'alec.

Lucas 21:24

Qataq huo'o qome na qaỹalauat qaira'a ca ỹeelonec qataq huo'o na qaỹauec ncoñeteguishecpi qaỹauegalo naua ỹotta'a't 'aleu'. Na nỹecpi na Jerusalén qome ỹataqta qailaxachigui qataq noxonec, loxonec na shiỹaxauapi maye chegaqauec, choche ivitta'a qome ca laloqo' da nataqa'en que'eca shiỹaxauapi qailaxachigui.

Marcos 13:7

Qaq qami' qom qaua'aqaitega ca alaataxac da chemaqchiguiñalo, qalaq saishet qome da qayi'i, cha'aye nachera da 'eetec qome, qalaxaye saxanaxa da ivita ca loga'tna.

Mateo 22:7

Nache se'eso nta'a ỹataqta dalemata, nache ỹamaq so nalleppi, da yaqto' ỹalauat 'enauac se'eso ncoyeguenatacpi qataq da ỹavigaxat 'enauac na lma'pi somayepi.

Mateo 22:2

«De'era lo'onataxanaxac Ñim Lo'onatac 'Enauacna, 'eeta'am ca nta'a da ỹauo'o ca lquia'axac da ỹo'oxoren da laronaxac ca llalec.

Amós 9:5

Qaq Ñim Nataxala' maye Qaica ca Ỹaqalanapec, da choche nhuocteguet ana 'alhua, nache anamaye nlaguiñi, qaq nam netalecpi anamaye qalaq 'enauac da nỹen. Ana 'alhua nquiguiñi qataq nquiguisheguem, 'eeta'am na 'etaxat maye huetangui aso tala Nilo.

Amós 8:8

Qaq ¿peta'a saishet qome da cholaxan ana 'alhua souaxat de'era? Qataq ¿peta'a saishet da nỹen qome na shiỹaxauapi maye netalec anamaye? Qom nquiguisheguem qataq nquiguiñi ana 'alhua, 'eeta'am na 'etaxat so tala Nilo.

Oseas 1:9

Nache Ñim Nataxala', 'enapega so Oseas, 'eeta': «Yi'iye nogotolec, 'aỹa'anagui qome da le'enaxat Loamí, cha'aye qami' nhuo' le'ecpi, mashe saishet da qami' ỹalamaxatpi, qataq mashe saishet da aỹem Qanatamnaxala'ai.»

Jeremías 46:7

¿Negue't nam 'ena maye nquictasheguem, 'eeta'am so tala Nilo, 'eeta'am ca 'etaxat da npaxanec, nache qaica ca iren?

Salmos 22:15

Qaq na aỹap qalaq ỹataqta daqaqta, 'eeta'am ca chaic maye nhuo' lapo', ñi ỹachaxat qalaq lapaqot na ñaquiaq. Qataq ỹataqta aỹem 'alaroigui na 'alhua da seleu.

Lucas 21:6

–Huo'o qome ca na'a'q, qaq qanlaxaañi 'enauac ne'ena qaumiiñitac nagui, saishet qome da huo'o ca 'oonolec coma' da no'onasheguem da huetalec ca lỹa coma'. 'Enauac nlachiguiñi.

Mateo 23:38

¡Qaq ñaq qauloỹa da toolec qome naua qarma'achilli'!

Daniel 11:17

Qataq naỹamaxat qome, da yaqto' deuotaxanec 'enauac ye 'alhua maye pa'aỹa'ague da taguiñi. Qaq camaye naỹamaxate' qome ca nta'a maye lma' da taguiñi, nache ỹanem qome aca llale da ỹauo'o lhua, da yaqto' chegoqchigui naqa'en da ilaxachigui da lo'onataxanaxac camaye, qalaxaye saishet qome da ỹañoxot da loxonec.

Jeremías 51:42

Na 'etaxat aso auaxai qalaq ipaxaalec ye Babilonia, nache ana late'erai lapaxa ỹapolec yemaye.

Daniel 11:22

Nache loxonec qome cam 'añaxaicpi maye dataỹa'aguet camaye, qataq nataqa'en ỹalauat qome cam nataxala' maye naỹamaxate' co'ollaxa.

2 Samuel 21:5

Nache somayepi 'enapeco': Qomye se'eso shiỹaxaua maye huac da ỹataqta qomi' nmatchiyiñi, qataq qomi' saỹashenema da sonaqtalec na na'alhua na Israel le'ecpi,

Isaías 28:2

Qaq Ñim Nataxala' mashe iqataxaatai' ñi ỹale maye sansatta, qataq 'añaxaic, 'eeta'am ca la'at da nactaigui aca lache, 'eeta'am ca la'at maye sala'axaic da la'añaxac, 'eeta'am ca auot lta'araic, qataq 'eeta'am ca chaqaic ndep da ipaxaalec naqa'en ana 'alhua. Qaq irota'a qome na lhuaq da ỹamaxañi ye Samaria nache huetaiya' naqa'en,

Isaías 28:22

Qaq nagui no'on da nache tachiguiña da qare'enaxanaxaqui, cha'aye saiuena'a da qaltaq qaichegaxaañi na qancoñetaxache, cha'aye Ñim Nataxala' maye Qaica ca Ỹaqalanapec, mashe sa'aqchigui da lapaxañi da nlaxaañi qome 'enauac ne'ena 'alhua.

Daniel 11:36

Qaq que'eca nta'a maye lma' da sheu', ỹo'ot qome 'enauac cam maiche 'eetapeguec. Qaq huo'o qome da ño'oxonnaxac, nache 'eetega napacalec 'enauac nam atamnaxala'pi, qataq qauema qome naua la'aqtaqa da isheueetac Ñim 'eesa da Lo'onatac 'Enauacna, nache 'enauac qome da saq na'aigue nam ỹo'otpi, choche ivitta'a da Ñim Lo'onatac 'Enauacna namaxa ca nhuaxanaguec camaye, cha'aye cam huotaique da ỹo'ot Ñim Lo'onatac 'Enauacna, qalaq ipacchigui qome da ỹo'ot.