Daniel 9:25 - La'aqtaqa Ñim Lo'onatac 'Enauacna 2013

²⁵ Qaq iuen da 'auaỹaten qataq 'auaỹateeteguet de'era, 'eeta': Chegoqchiguiña qome cam laloqo' da qaỹamaxasoxoolec da qañe'eguelaxatsheguem qataq da qaltaq qano'oxoosheguem ye Jerusalén, nache ivitta'a ca lviraxac cam nataxala' maye nca'aguishec, nache ỹapacrauec qome caua siete semanas, qataq ca nqa'aicpi qataq ca npaqtaxanaxatpi maye qaltaq qano'oxoosheguem qome ye Jerusalén qalaq huetaiguilo caua sesenta y dos semanas, qalaxaye huaigui qome ca lta'araic naquicoxo.

Daniel 9:25 Referans Kwoze

Esdras 4:24

Qaq 'era da 'eetec da qaỹa'axaneguet da qano'oxootapiguisheguem aso atamnaxaqui maye lalamaqte Ñim Nataxala', maye naña ye Jerusalén, ivira'a da inoxoorec soua dos vi'iye da lo'onataxanaxac so Darío maye nta'a ye Persia.

Juan 4:25

Nache aso 'alo 'enapeco': –Aỹem saỹaten da anac qome ca Lca'aguishec Ñim Lo'onatac 'Enauacna maye qaiuattaique, maye na griegopi da iỹaxana qalaq Cristo. Qaq qom ivita da nvi' camaye, nache qomi' da'aqtaxanema 'enauac na lataxaguesat.

Juan 1:41

Qaq so Andrés somaye ỹataqta ỹa'auaxaachiguiñi da nqo'ona so lqaỹa Simón, nache 'enapega, 'eeta': –Qomi' ñauanaxai' Ñim Lca'aguishec Ñim Lo'onatac 'Enauacna maye qaiuattaique le'enaxat Cristo.

Isaías 55:4

Aỹem sanem somaye da yaqto' aỹem ỹa'axat da da'aqtaxanem nam ỹotta'a't shiỹaxauapi, qataq nataxala' qataq ỹapaxaguen na ỹotta'a't shiỹaxauapi.

Isaías 9:6

Cha'aye ñiguiñi qome ca nogotolec, Ñim Lo'onatac 'Enauacna qomi' ỹanema ca 'oonolec llalec, qaq camaye qoỹanagui qome da la'añaxac da nta'a, qataq qoỹanagui qome ne'enaua ne'enaqa'ate: Qaỹa'aalaque naua lqataxaco, Lo'onatac 'Enauacna maye 'añaxaic, Nta'a maye chochaq tatec, qataq Chegoqchigui da nlagaxayec.

Miqueas 5:2

Qaq 'am Belén, Efrata maye 'am saq 'amaqtaq da 'aualectaigui nam nhuo' le'ecpi na Judá, qalaq nache 'am chegoxoigui cam nataxala' qome na Israel, maye chegoxoguet so ỹataqta hua'auchiguiñi nhuo' le'ecpi.

Daniel 9:23

Cha'aye co'ollaq choche 'anatamen, nache Ñim Lo'onatac 'Enauacna 'am ỹasateguet. Qaq aỹem ñanac da 'am sa'axatem dam lasataxac Ñimaye, cha'aye Ñim Lo'onatac 'Enauacna ỹataqta 'am ỹauotec. Qaq nagui, ỹataqta 'ana'axaỹaxaachigui de'era, yaqto' 'auaỹateeta da naigui som 'arauanaqchec:

Daniel 8:25

Qaq souaxat da sanqalat, nache da latenataxanaxac dauegaxaatai'. Qataq nlaxagui qome da ño'oxonnaxac, nache ique'elaxat qome da ỹalauat ca qalota shiỹaxauapi maye pe'etega camaye. Qataq dataỹa'aguet qome ca lta'a na nta'alpi, qalaxaye camaye qailaxachigui qome.

Nehemías 6:15

Qaq se'eso npaqtaxanaxat ime, huetoigui so na'a'q veinticinco so ca'agoxoic le'enaxat Elul, qaq da ima'a't soua huaiguilo da qano'oxootapiguisheguem so npaqtaxanaxat ivi' cincuenta y dos na'axa'te

Nehemías 4:8

Qaq huaña nache 'enauac somayepi huaxaỹa't da yaqto' qomi' iloquiaxa'n, qataq da qomi' iqalhuaqche't.

Nehemías 3:1

Huaña nache so lataxala' na ntaxaỹaxanaxanecpi le'enaxat Eliasib qataq so ltauapi somaye, ỹe'eguelaxalec da ỹa'ara't so lasom maye qailonec da llegueuo ana qaguetapi, ime, nache ỹe'eguelaxatchiguiña so maiche lma' co'ollaxa, nataqa'en no'oxoosheguem so npaqtaxanaxat, chegoqchiguiña aso qailonec lalloxolate so Cien, nache ivitta'a aso lỹa nalloxolate le'enaxat Jananel.

Apocalipsis 19:16

Qaq Somaye so lapo' qataq na ltele'eta nache nanettalec so le'enaxat, 'eeta': «Lta'a na nta'alpi qataq Lataxala' na nataxala'pi.»

Hechos 5:31

Ñim Lo'onatac 'Enauacna ỹo'otec da So Jesús nso'oota'ague da aloic qataq ỹanagui da Nataxala', qataq Nca'alaxaqui, da yaqto' na Israel le'ecpi ỹaxaañi da ỹo'ottac na qauem, nache Ñim Lo'onatac 'Enauacna ỹapalaxa't naua lasouaxashe'ete.

Hechos 3:15

Qaq 'era da 'eetec da qami' qaualauache som chegoqo'ot da achaalataxac. Qalaxaye Ñim Lo'onatac 'Enauacna qaltaq nca'alaxatec Somaye, qaq 'enauac de'era qomi' sauanaqchigui, ỹoqo'oye sa'axataqtac.

Marcos 13:14

Qaq cam itaxaỹaxan de'era, nache iuen da mpogoxoinapegue' da ỹaỹaten de'era sheetega. Qom qauloỹa'a ca ne'enaqtac maye ỹataqta qaiqaiga da hueta'a ye ndaqa' maye saishettaxa da hueta'a, nache sa qanaỹaloxoñi qome da qauataiueeguesop. Qaq nam shiỹaxauapi maye hueta'a na 'alhua Judea, no'on da datauec da tasheguema ana qaỹoqotcheguemec 'alhuapi,

Mateo 24:15

So Jesús queto'ot da na'aqtaxaategueto soua lapaxaguenataqa, da'aqtaxaateguema cam loga't ana 'alhua, nache 'enapeco': Cam itaxaỹaxan de'era, nache iuen da npogoxoinapegue' da ỹaỹaten dam ỹa'axat som la'aqtaxanaxanec Ñim Lo'onatac 'Enauacna le'enaxat Daniel. Somaye ỹiyiñi co'ollaxa da huo'o ca na'a'q, nache qoỹaneua'a aca qauem nachetaqtaxanaqte añi no'onaxanaxaqui late'erai. Qaq qom qauloỹa'a yi'iye ndaqa' añi no'onaxanaxaqui maye sa qaishetapec da ipacchigui dam ỹa'axat co'ollaxa so na'aqtaxanaxanec, nache qami' qome qauataiuec.

Daniel 8:11

qaq nataqa'en ivira'a da npa'aguene' so lataxala' se'eso alleppi, qataq ỹa'axaneguet da nachetaqtaxanaxac maye qaỹo'ottac naxa ye na'a'q, qataq ishepaxanaqchet so lma' naxa da ño'oxonnataxanaxac.

Salmos 71:10

Cha'aye na aỹem ipa'agueetacpi qauema naua la'aqtaqa da aỹem detaqtega, qataq huaxaỹa't da aỹem detaqtapigui.

Esdras 7:8

Qaq 'era da 'eetec so Esdras co'ollaq nvita ye Jerusalén, da huetoiguilo soua cinco ca'agoxoiqa so vi'i siete da lo'onataxanaxac da nta'a so Artajerjes.

Esdras 7:1

Qaq huetoigui da lo'onataxanaxac so Artajerjes, maye nta'a ye Persia, nache nvita ye Jerusalén so shiỹaxaua le'enaxat Esdras, qaq somaye nache llalec so Serarías, maye nataqa'en chegoxoguet so ntaxaỹaxanaxanec Aarón, Azarías, qataq so Hilcías,

2 Samuel 15:25

Qalaxaye so nta'a 'enapega so Sadoc, 'eeta': 'avi'eguelaxateua'a qome ye huaqta'a't nỹecpi añi arca maye laỹe' da naỹamaxataxac Ñim Lo'onatac 'Enauacna. Cha'aye da aỹem ichoxoren Ñim Nataxala', nache aỹem ñe'egelaxateuo qome, nache qaltaq ñauane' añimaye qataq ñi npe'l maye netaigui.

Efesios 5:16

Qataq ỹataqta qauqopitaxañiỹa'ape naua na'axa'te da qauo'oche ca ỹaỹamaqchiguiñi, cha'aye naua na'axa'te maye souaqtaiguilo ỹataqta qauema.

Hechos 8:30

Nache so Felipe nqalgoq da yaqto' iviralec aso naigona. Qaq co'ollaq mashe saqaỹapeque asomaye, nache hua'aqtega se'eso ỹale maye 'amaqtaqaic da itaxaỹaxaatac aso lere so na'aqtaxanaxanec Isaías. Nache inattaco' se'eso ỹale, 'eeta': –¿Peta'a 'auaỹaten ca llec ye 'autaxaỹaxaatac?

Mateo 13:23

Qaq aso pa'atec nañiguishe ala maye tatelec so no'on 'alhua, asomaye naigui nam shiỹaxauapi maye na'axaỹaxana da na'aqtac qataq ỹataqta ỹaỹateeteguet. Qaq namayepi ỹataqta naralaxat da lataxac qataq ỹo'ot ca ỹaỹamaqchiguiñi. Namayepi 'eeta'am asa'aso nañiguishe ala da huo'o ana ivi' cien ana ala, qataq huo'o ana ivi' ana sesenta, qataq huo'o ana ivi' ana treinta.

Nehemías 4:2

Nache co'ollaq datataigui so laỹepi qataq so alleppi maye lma' ye Samaria, nache 'eeta': «¿Negue't ca ỹauotaique da ỹo'ot ne'ena choxoraicpi judiopi? ¿Qalqo' ipi'itaxaatega da qaỹa'aqta'a da qaltaq no'oxoosheguem ne'ena huaqta'a't nỹecpi qataq da ỹe'eguelaxalec da ỹavigaxat aca lachetaqtaxanaqtepi qalqo' ipettega da 'oonolec na'a'q nache imat namaye? ¿Qalqo' ipi'itaxaatega da ishet da do'onataxana na coma' vigaxaic qataq na coma' laỹepi da huo'o ca dalaxaic ỹo'ot?»

Eclesiastés 3:3

Huo'o ye laloqo' da huo'o na qaỹalauat, qataq huo'o ye laloqo' da huo'o na qanataren. Huo'o ye laloqo' da huo'o na qailaxachigui, qataq huo'o ye laloqo' da huo'o na qano'oxoosheguem.

Miqueas 5:1

Qalaxaye nagui 'am Jerusalén, ña 'auqataxanai' ca 'arpaqtaxanaxat, cha'aye mashe 'am qaicoleesop, qataq sa qaỹala'ac qome da qaiuaxan ñi lataxala' na Israel le'ecpi.