Daniel 9:23 - La'aqtaqa Ñim Lo'onatac 'Enauacna 2013

²³ Cha'aye co'ollaq choche 'anatamen, nache Ñim Lo'onatac 'Enauacna 'am ỹasateguet. Qaq aỹem ñanac da 'am sa'axatem dam lasataxac Ñimaye, cha'aye Ñim Lo'onatac 'Enauacna ỹataqta 'am ỹauotec. Qaq nagui, ỹataqta 'ana'axaỹaxaachigui de'era, yaqto' 'auaỹateeta da naigui som 'arauanaqchec:

Daniel 9:23 Referans Kwoze

Daniel 10:19

nache aỹem 'enapega, 'eeta': «Saishet da 'añi'i, qataq saishet da ỹapac da 'arhuogoxo. Ñim Lo'onatac 'Enauacna 'am ỹauotec, ¡qaq ỹoqo'oye 'ana'añaxat, qataq 'aua'añaxachigui ye 'arhuel!» Qaq so ñaq aỹem detaqtacot nache ñanomteguet da huo'o da ỹa'añaxac, nache shenapega somaye sheeta': 'Am Nataxala' aỹem 'autaxaỹot nagui, cha'aye mashe aỹem 'avi'eguelaxatem da ỹa'añaxac.

Mateo 24:15

So Jesús queto'ot da na'aqtaxaategueto soua lapaxaguenataqa, da'aqtaxaateguema cam loga't ana 'alhua, nache 'enapeco': Cam itaxaỹaxan de'era, nache iuen da npogoxoinapegue' da ỹaỹaten dam ỹa'axat som la'aqtaxanaxanec Ñim Lo'onatac 'Enauacna le'enaxat Daniel. Somaye ỹiyiñi co'ollaxa da huo'o ca na'a'q, nache qoỹaneua'a aca qauem nachetaqtaxanaqte añi no'onaxanaxaqui late'erai. Qaq qom qauloỹa'a yi'iye ndaqa' añi no'onaxanaxaqui maye sa qaishetapec da ipacchigui dam ỹa'axat co'ollaxa so na'aqtaxanaxanec, nache qami' qome qauataiuec.

Lucas 1:28

Nache so namaxashec taua'a ca hueta'a aso María, nache iquin, 'eeta': –¡Ñim Lo'onatac 'Enauacna 'am ỹanem da lqouagaxanaqtaic maye ỹataqta no'on! Ñim Nataxala' 'am hueta'aguet.

Cantares 7:10

Ỹataqta aỹem lalamaqte som ỹauotaxat. Da lqopitaxanaqtaic da sheeta ỹataqta aỹem naueguela't.

Ezequiel 26:12

Qataq qaiuotaxanec da 'arsallaxa qataq na 'aralamaxat nallecpi, qataq qaỹamaxañi na 'arpaqtaxanaxatpi, qataq qailaxachigui nam huo'o da lyac 'arma' lta'araicpi, qataq qaỹasaxauga aso auaxai na no'on coma'pi, qataq na 'arllecnaxanaxatpi lỹaueegue' qanqa'en na lsoche na coma'.

Ezequiel 24:16

«'Am Ezequiel, Aỹem sacona qome asom 'arhua maye ỹataqta 'arauotaqte. Qalaxaye saishet qome da 'auaquico, qataq saishet da 'anỹen, saishet qome da 'aucolde'c naua 'arache'.

Daniel 6:3

qaq somaye ỹataqta saqaỹaloq da yo'oq, da saq 'ena'ama soua lỹa't maye qoỹanema da nauaatalec so nta'alpi, souaxat da ỹataqta ỹaanaxanaxaic, qaq ỹoqo'oye so nta'a, lhuennataxac co'ollaxa da ỹanem da lo'onataxanaxac somaye da ilo'ogue ye 'alhua.

2 Reyes 19:20

Huaña, nache so Isaías, maye llalec so Amós, ỹamaxa da la'aqtac so Ezequías, 'eeta': «Da la'aqtac Ñim Nataxala' maye Natamnaxala' na Israel le'ecpi, 'eeta': Aỹem sa'aqchigui da 'anqouagaxaunaxac souaxat ñi Senaquerib, maye nta'a ye Asiria.»

Proverbios 15:8

Ñim Nataxala' saisheteguet aca lachetaqtaxanaqte na qauemaicpi, qalaxaye ỹamaateguet da natamnaxac na no'on da lataxac.

Ezequiel 14:14

Qaq que'eca 'alhua, taxa da netraña soua Noé, Daniel qataq so Job, nache se'esoua tres, nachesouate' taxa da nca'alde'c, souaxat da ỹo'ottrac co'ollaxa da nalochiguiñi lataxac. Qaq 'era da ỹa'aqtac Aỹem Nataxala'.

Daniel 10:1

Qaq co'ollaq mashe ivi' soua tres vi'iye da lo'onataxanaxac so Ciro da nta'a ye Persia, nache so Daniel maye nataqa'en le'enaxat Beltsasar, huo'o co'ollaxa so lauanaqchec, qalaxaye ỹataqta qalaqaic da qaỹaỹaten cam naigui somaye. Qalaxaye so Daniel ỹataqta deuennataxaalec co'ollaxa somaye, nache ishet da ỹaỹaten dam naigui se'eso lauanaqchec.