Daniel 9:22 - La'aqtaqa Ñim Lo'onatac 'Enauacna 2013

²² Nache aỹem 'enapega, 'eeta': Daniel, aỹem ñanac nagui da yaqto' 'am saỹaanaxanaxanec de'era.

Daniel 9:22 Referans Kwoze

Daniel 10:21

Qaq nagui 'am sa'axatem dam nanettalec aso nere maye lmalate da 'eesa lataxac: Dam iloquiaxac da sataỹa'agueta yeemaye qalaq nachesota so Miguel da aỹem itauan, som namaxashec maye ilotague' da no'onataxanaxac ye Israel.

Daniel 8:16

nache sa'axaỹa so lavilỹaxac na shiỹaxaua chemaqteuga aso tala Ulay maye, 'eeta': «Gabriel, 'aua'aqtaxanem de'era shiỹaxaua dam naigui so lauanaqchec.»

Zacarías 1:9

Nache aỹem senataxan, sheeta': «'Am Nataxala', ¿negue't de'era ỹalleppi maye netasheguem?» Qaq som namaxashec piguem le'ec maye aỹem detaqtague', aỹem ỹasateguet, 'eeta': «Aỹem 'am sa'aqtaxanem qome negue't damayepi.»

Apocalipsis 4:1

Qaq co'ollaq ime de'era, nache sela'a so lasom, nauattaigui, neto'ot na piguem. Qaq som nvilỹaxac maye hua'auchiguiñi co'ollaxa da sa'axaỹa maye 'eeta'am da l-lamaxa ana nasheere, aỹem 'enapega, 'eeta': «¡Ñaq Aỹem 'anquigueua'a!, yaqto' 'am sachaxana nam huotaique da yo'oq.»

Zacarías 1:14

qaq ime, nache som namaxashec piguem le'ec aỹem 'enapega, 'eeta': «'Era da la'aqtac Ñim Nataxala' maye Qaica ca Ỹaqalanapec: ‹Aỹem ỹataqta sauotec na Jerusalén, qataq añi qaỹoqotcheguemec qasoxonaxa ye Sión.

Daniel 7:16

nache ñiquigueua'a so 'oonolec maye hueta'a yi'iye nachattañi, nache seỹaxanot da aỹem da'aqtaxanem cam naigui 'enauac se'eso sauaachigui. Nache somaye ỹasat da aỹem da'aqtaxanem, nache, 'eeta':

Daniel 10:14

Qaq ỹoqo'oye ñanac nagui da 'am sa'aqtaxanem, dam 'eetec qome na 'arhuo' le'ecpi que'ecaua pa'atrec na'axa'te, cha'aye som 'arauanaqchec co'ollaxa, nache ỹa'axatta'alo que'ecaua na'axa'te.»

Amós 3:7

Cha'aye Ñim Nataxala', saishet da huo'o ca ỹacoolec da ỹo'ot, da saxanaxa da'aqtaxanem nam na'aqtaxanaxanecpi maye lamaxashecpi Ñimaye.

Daniel 10:11

Ime, nache aỹem 'enapega, 'eeta': «'Am Daniel maye 'am lauotaxat Ñim Lo'onatac 'Enauacna, ñaq 'ana'axaỹaxaachigui dam 'am sa'axatem: ñaq qoñisheguem, cha'aye aỹem qanamaq da 'am ñanaỹa.» Qaq so choche ime da nasaxauec se'eso la'aqtac, nache aỹem ñachaañi qalaxaye ñaq seviloxoltai'.

Daniel 10:12

Qaq huaña nache somaye aỹem 'enapega, 'eeta': «'Am Daniel saishet da 'añi'i, cha'aye chegoqchiguiña so hua'auchiguiñi na'a'q co'ollaq 'auennataxaalec da yaqto' 'auaỹaten som lataxac maye ỹataqta huo'o da lqalaic, nache 'auacona da qaica ca 'ara'amaqchec da 'auataỹot Ñim 'Anatamnaxala', nache Ñimaye hua'axaỹa co'ollaxa so 'anatamnaxac. Qaq ỹoqo'oye aỹem ñanac.